Get it on Google Play تحميل تطبيق نبأ للآندرويد مجانا

Jaaliyada Ogaadeniya Ee Edmonton & Xoghayaha Guud Ee JWXO oo Kulan wada Qaatay.

Ogaden News Agency

Xoghayaha guud ee Jabhada Wadaniga Xorayna Ogadeniya JWXO mudane Abdirahmaan sheekh Mahdi Maadeey ayaa wuxuu kulan la qaatay jaaliyada Ogaadeniya ee ku dhaqan Magaalada Edmonton ee wadanka Canada.

Xoghayaha ayaa wuxuu soo jeediyay qudbad dheer  oo uu laga waramaayay halgankii dheeraa ee ka socday Ogadeniya iyo marxaladihii kala duwanaa ee uu soo maray.

waxaa sidoo kale uu ka waramay marxalada halganka uu maanta ku sugan yahay iyo wixii u qabsoomay mudooyinkii ay gudaha ku sugnaayeen.

dhanka kale waxaa hadlay qaar kamida madaxda JWXO ee ku sugan Edmonton iyo masuuliyiinta Jaaliyada ayagoo soo dhaweeyay Xogahaya guud ee JWXO sidoo kalena uga war bixiyay xaalada ay ku sugan tahay jaaliyadu guud ahaan.

Shirka ayaa wuxuu gaba gabadii kusoo dhanaaday si guul ah.

ONA/Edmonton.

July 20th 2019, 6:49 am

Xoghayaha Guud ee JWXO oo Kulan La Qaatay Ururka OPV Magaalada Edmonton.

Ogaden News Agency

Xoghayaha Guud ee Jabhada wadaniga Xoraynta Ogaadeniya JWXO mudane Abdirahmaan Sheekh mahdi Maadeey ayaa wuxuu kulan muhiima la qaatay ururka OPV.

Kulan ay wada yeesheen ururka OPV oo ka shaqeeya ka hortaga dhibaatooyinka ka yimaada xagjirnimada, waxay ka wada hadleen sidii uu ururka OPV u weeyneyn lahaa ah daaftiisa ku aaddan caalamka oo uu ugu dari lahaa howshiisa dhismaha nabada (peace building).

isla markaana ay ONLF samayn doonta urur samafal ah ay wada sameeyaan international fund raising oo ay isaga kaashan lahaayeen awood dhismeed ( capacity building).

Dhinaca ururka ONLF waxaa goob joog ahaa Xoghahaya Guud, laba xubnood oo gole dhexe ah iyo Dr. Maxamuud Ugaas oo ah la taliye. Dhanka OPV waxaa ka soo qayb galay Dr.John Mcoy oo ah Executive Directorka, staffkiisa iyo Dr Maxamuud Ugaas oo dhanka kalana ka mid ah Board of Directorska OPV.

ONA/Edmonton.

July 20th 2019, 6:37 am

Xoghayaha ONLF Mudane Maadey oo ka dagay Canada Sidiirana loogu soo dhaweeyay.

Ogaden News Agency

Xoghayaha guud ee jabhada wadaniga Xoreynta Ogadenia Dr:Abdirahman Sheekh Mahamed (Madey) oo Socdaal shaqo ku maraya qaarada Norther America ayaa  maanta  gaadhay Magaalada  Edmonton ee caasimada  gobalka  Alberda  ee wadanka Canada.Mudane  Madey  waxaa halkaasi  sidiiran ugu soo dhaweeyay qaybaha kala duwan ee jaaliyda Soomaalida Ogadenia.

Xoghaya Jabhada wadaniga Xoreynta Ogadenia ayaa wax yar kadib  galay  shir saxaafada laga fogeeyay  oo halkaasi ku dhaxmaray wafti uu hogaaminayay  iyo hay’ada caalami ah oo garoonka Magaalada  Edmonton Hotel aan sidaasi uga  fogeen ku sigayay.

faah faahinta shirkaas iyo warar dheeraad ah oo ku saabsan Socdaalka Maadey Xoghayaha ONLF kala soco warar keena danbe.

ONA-Edmonton.

July 20th 2019, 6:19 am

Kulan Loogu Diyaar Garoobayo Munaasaba Aad Aaskii JWXO oo Lagu Qabtay Damaam.

Ogaden News Agency

Kulanka udiyaar-garawga Maamuuska Munaasabada Xuska Aas-Aaskii JWXO oo uqabsoomay Jahliyada Damaam.

Maalinimadii Jimcaha 19 July 2019 waxaa qabsoomay Kulan ay isugu Yimaadeen Xubnaha Jahliyada Ogaadeniya ee Damaam – Cariga Sucuudi-Arabia shirKaas oo lagaga wata tashanayay qaban-qaabada & udiyaar garawga sanad guradi 35äãd ee aas-aaski Ururka Wadaniga Xoraynta Ogadenia JWXO. Munaasabadaas oo lagu wado inay qabsoonto Maalmaha Ciidaa Carafo ee fooda inagu soo haysa.

Dhanka kale xubnihii kulanka isugu yimid waxay siwayn u lafagureen hawlaha halgan ee Unugtaas horyaala iyo sidii halganka Ogaadeniya kor loogu qaadilahaa qaybtooda ahaan inta kaga aadan.

Gunaanadkii wuxuu kulankaasi kusoo idlaaday daganaan isagoo madashii lagu qorsheeyay hanaankii qabashada Xafladii lagu Maamuusi lahaa Xuska Aas-Aaskii 35àãd ee JWXO.

ONA.

July 20th 2019, 6:19 am

Madaxda Jaalliyadaha Ogaadeenya ee Geeska Afrika oo shir yeeshay.

Ogaden News Agency

Madaxda Jaaliyadaha Soomaalida dalka Ogaadenya ee Geeska Afrika ku kala baahsan ayaa shir muhiim ah kuqabsaday khadka isgaarsiinta.

Shirkaas waxaa lagaga wada hadlayay dhawr arrimood oo ay ugu muhiimsanaayeen qodobadan hoos ku xusan:

hawlaha joogtada ah ee jaalliyadaha Ogaadeenya ee Geeska Afrika
Xaaladaha dalka Ogaadeenya iyo guud ahaan Itoobiya
Qorshayaasha shaqo ee horyaalla Jaalliyadaha GeeskaAfrika

Shirka wuxuu lahaa muhiimad gaar ah sababtoo ah waxaa madaxda jaalliyadaha shirka kala soo qayb galay Guddoomiyaha Hoggaanka Jaaliyadaha Mudane Cabdullaahi Ugaas Muxumed Qani.

Guddoomiyaha Hoggaanku wuxuu madaxda Jaalliyadaha Geeska Afrika siiyey warbixin ku saabsan hawlaha JWXO ee ku aaddan sidii looga midhan dhalin lahaa ujeeddooyinkii loo aasaasay ururka.

Waxaa kale oo uu hoggaanku ka hadlay qorshaha shaqo ee guud ahaan hoggaanka gaar ahaan Jaalliyadaha Geeska Afrika.

Guddoomiyuhu wuxuu kaloo ka jawaabay su’aalo khuseeya hawlaha ururka iyo guud ahaan xaaladda GeeskaAfrika.

Ugu dambayntiina waxaa layskula dardaarmay in la siidardar galiyo hawlaha halganka iyo dhamaystirka qorshayaasha shaqo ee u yaalla jaaliyadaha kala duwan eeGeeska Afrika.

ONA/Geeska Afrika

July 19th 2019, 1:38 pm

Jaaliyadda Soomaalida Ogaadeenya ee Gaalkacayo oo kulan qabsatay.

Ogaden News Agency

Jaaliyadda Soomaalida Ogaadeenya ee ku dhaqan Gaalkacayo ayaa shirkeedii caadiga ahaa qabsatay Khamiistii Juulaay 18-keedii, 2019.

Waxa shirka ka soo qaybgalay mas’uuliyiinta jaaliyadda, haweenka, dhallinyarada iyo culimo aw diinka. Waxaashirka lagu furay aayado Quraan ah iyo wacdi diini, Kadibna waxaa la gudagalay ujeedooyinkii ama ajendayaashiishirka.

Guud ahaan ujeedada shirka wuxuu ahaa in lagu falanqeeyoisbadalada ka dhacaya Geeska Afrika iyo sida uu saamaynugu leeyahay dalka Ogaadeenya. Waxa kaloo lagu lafaguray sida ugu wanaagsan ee looga faa’iidaysan karoisbadalkaas. Waxaa kaloo lagaga hadlay:

Xaaladda jaalliyadda iyo sidii loo sii dardar galinwaxqabadkeeda iyo kaalinteeda ay ku leedahayhawlaha guud ee umadda Soomaalida Ogaadeenya
Sidii wax loo wada qabsan laysuna caawin lahaa
Sidii wada noolaansho fiican loola yeelan lahaabulshada kale ee degaanka.

Waxaa goobtaas ka hadlay mas’uuliyiin ka socotayjaalliyadda. Waxaa iyadana xusid mudan in kulankaas uukhadka isgaarsiinta kaga qaybgalay GuddoomiyahaHoggaanka Jaalliyadaha JWXO mudane Cabdullahi UgaasMuxumed Qani.

Mudane Abdullahi Ugaas ayaa Jaalliyadda siiyey warbixinkooban oo ku saabsan Geeska Afrika, Hawlaha JWXO iyoheshiiskii JWXO iyo Itoobiya dhex maray. Wuxuu kaloo sikooban uga hadlay qorshaha dhow iyo ka fog ee JWXO silooga midho dhaliyo hadafkii dheeraa ee umadda.

ONA/Gaalkacyo.

July 19th 2019, 1:38 pm

Ogaysiis: Jaaliyada Ogadeniya Ee Swedan oo Qabanaysa Xaflad Balaadhan oo Xoghaya JWXO lagusoo Dhawa

Ogaden News Agency

Waxaa la ogaysiinayaa Shacabka Somalida Ogadenia iyo Guud ahaan Soomaaliweyn in Caasimada Wadanka Sweden Stockholm lagu Qaban Doono Shir Xoghayaha Guud Ee Ururka ONLF Mudane Abdirahman Sh Mahdi(Maadeey) Iyo Ku Xigeenka Xoghayaha guud ahna Hogaanka warfafinta ONLF Mudane Ahmed Yassin Sh Ibrahim Kula kulmi doonaan Jaaliyadaha Qarada Yurub Ee Somalida Ogadenia iyo Somaliweyn.

Sidoo kale waxaa garab socota xusida Xafladii Sanaadguuradii 35 Aad Ee  kasoo wareegtay aad aaskii  JWXO.

Taariikhda 03/08/2019
Saacada 18:00 ILA 01:00 Am
Goobta TESTA TRÄFF
STOCKHOLM.

July 19th 2019, 12:26 pm

Faah faahin: Soo dhawayntii Afhayeenka JWXO cadaani Hirmooge Ee Nirobi+Sawiro.

Ogaden News Agency

Waxaa Garoonka Dayuuradaha ee Joma Kenyatta Airport ee Magaalada Nairobi kasoo dagay wafti uu hogaaminayo Afhayeenka Jabhada Wadaniga Xoraynta Ogadenia (JWXO) Halgame Cabdiqaadir Sh Xassan Biixi Hirmooge.

Shacabka Soomaalida Ogadenia, Soomaalida Kenya iyo kuwa Jamhuuriyada Soomaaliya oo aan ukala hadhin ayaa Garoonka siwayn ugu soodhaweeyay Afhayeenka JWXO, waxayna shacabka Soomaaliyeed muujiyeen isku duubni iyo midnimo balaadhan.

Afhayeenka oo booqasho rasmi ah kusoo gaadhay wadanka Kenya ayaa lakulmi doona qaybaha kala duwan ee bulshada Soomaaliyeed ee kudhaqan wadanka Kenya.

Sidoo kale Afhayeenka ayaa kulamo laqaadan doona hadii Alle Idmo siyaasiyiinta wadanka Kenya, wuxuuna Afhayeenku siwayn uga warbixin doonaa xaalada dalka iyo dadka Ogadenia.

Waa markii ugu horaysay ee uu Afhayeenka JWXO Kenya kusoo laabto tan iyo markii uu kudhawaaqay in ay JWXO joojisay xabadii ay kawaday dalka Ogadenia.

Wixii kasoo kordha booqashada Afhayeenka kala soco Wakaalada Wararka Ogadenia (ONA)

ONA/Kenya.

July 18th 2019, 10:07 am

Afhayeenka JWXO iyo Wafti uu Hogaamin hayo oo Nirobi Lagusoo Dhaweeyay.

Ogaden News Agency

waxaa si wayn loogu soo dhaweeyay garoonka diyaaradaha ee Joma kenyata Magaalada Nirobi ee wadanka Kenya wafti balaadhan oo uu hor kacaayo afhayeenka Jabhada ONLF mudane Cadaani Hirmooge.

Waftigan ayaa waxaa soo dhaweeyay masuuliyiin Jabhadeed shacabka Ogaadeniya ee ku dhaqan magaalada Nirobi iyo hawul wadeenka Jaaliyada Ogaadeniya ee Magaalada Nirobi.

Taniyo intii heshiis dhex maray dawlada Itoobiya iyo Jabhada ONLF waa markii koobaad ee Cadaani Hirmooge afhayeenka JWXO uu soo gaadho Magaalada Nirobi asagoo kasoo kicitimay Adiss Ababa.

Afhayeenka JWXO ayaa wuxuu kulamo la qaadan doonaa bulshada Ogaadeniya ee ku dhaqan Nirobi iyo masuuliyiin kamida dawlada Kenya.

ONA/Nirobi.

July 18th 2019, 5:33 am

Shir sanadeedkii Faraca Kulmiye oo si habsamileh uga qabsoomay KAAKUMA.

Ogaden News Agency

Shir sanadeedkii Faraca Kulmiye oo si habsamileh uga qabsoomay KAAKUMA.

Waxaa maalinimadii Axada ka qabsoomay Xerada Qaxootiga Kaakuma(kolbiyay) shirkii  sanadlaha ahaa ee Jahliyada Ogaadeeniya Faraca kulmiye.

Shir sanadeedkan ayaa sidii caadada ahayd waxaa lagu soo Doortay Maamulka cusub oo jahliyadu yeelanayso kaasoo hogaamin doona halka sane ee soosocota.

Doorashada oo ku qabsoontay si habsami usocod leh Maamulkii lagusoo dhisay waxaa kamid ahaa:

1.C/laahi maxamad nuur – gudoomiyaha Faraca
2. Maxamad waduud ibraahim caarid- gudoomiyekuxigeen
3. Khadar shiine- hogaanka arimaha bulshada
4 Maxamuud jaamac aadan-hogaanka dabagalka
5. Sheekh cabdi taajir- Hogaanka UCSO
6. Saynab shekh cabdi – hogaanka dhaqaalaha
7. Maxamad cumar xuseen – hogaanka OSYU.

Gunaanadkii Shir sanadeedkii Faraca Kulmiye iyo Doorashadii Maamulka Cusub oo sidii loo qorsheeyay uqabsoontay waxaa lagu soo afmeeray midnimo & dardaaran halgan kaasoo lagu xaqiijinayo Xoriyadii dalka ogaadeeniya.

ONA.

July 15th 2019, 7:30 am

Xaflad Balaadhan oo Lagusoo Dhawaynaayay Xoghayaha JWXO oo MN ka Dhacday.

Ogaden News Agency

Xaflad balaadhan oo lagusoo dhawaynaayo xoghayaha guud ee Jabhada wadaniga Xoraynta Ogaadeniya (JWXO) Halgame Abdirahmaan Sheekh Mahdi Maadeey ayaa lagu qabtay magaalada Minneapolis ee gobolka Minnesota wadanka maraykanka.

Xafladan ayaa sidoo kale waxay ahayd mid loogu dabaal dagaayay Sanad guuradii 35 aad ee kasoo wareegtay aas aaskii Jabhada wadaniga Xoraynta Ogaadeniya 1984 tii.

Xoghayaha guud ee JWXO iyo masuuliyiin kale oo Jabhadeed ayaa waxay ka jeediyay qudbado aad usoo jiitay dhamaan ka qayb galayaashii xaflada.

Xoghayaha guud ee Jabahada Wadaniga xoraynta Ogaadeniya JWXO ayaa wuxuu ugu baaqay dhamaantood shacabka in ay midoobaan gacmahana ay is qabsadaan.

sidoo kale waxaa goobta ka hadlay qaarkamida kaadirka JWXO iyo Masuuliyiinta kamida golaha dhexe ee JWXO.

Shirka oo ahaa mid si balaadhan loosoo agaasimay ayaa wuxuu kusoo dhamaaday si guul ah wuxuuna Xoghayaha iyo waftigiisu usii gudbi doonaan wadanka Canada ayagoo kulamo la qaadan doona jaaliyada iyo hawul wadeenka ku sugan wadanka Canada.

ONA/Minnesota.

July 14th 2019, 8:56 am

Warbixin Dhamays tiran Xafladii Furitaanka Xafiiska ONLF ee Magaalada ONLF.

Ogaden News Agency

Maanta oo taariikhdu ay tahay 13/07/2019, waxaa magaalada Addis Ababa lagu qabtay xaflad lagu maamuusayay furitaanka xafiiska Addis Ababa ee JWXO Xafladdan, oo billaabatay 10:00 aroornimo, waxaa qaybteedii hore la soo gabagabeeyay 12:00 duhurnimo.

Qaybta hore ee xafladda oo loogu talagalay martida ajnabiga ah, waxaa ka soo qaybgalay marti ka socota safaaradaha, xisbiyada mucaaradka ah iyo marti kale.

Waxaa sidoo kale dhinaca Jabhadda ka joogay wafti culus oo uu hoggaaminayay guddoomiyaha ONLF Admiral Maxamed Cumar Cismaan.

Safaaradaha ka soo qaybgalay waxaa ka mid ahaa, safiirada Jarmalka, iyo wakiillo ka socday safaaradaha USA, UK iyo Soomaaliya.

Xisbiyada mucaaradka ah ee ka soo qaybgalay waxaa ka mid ah guddoomiyaha OLF mr Daud Ibsa, ku xigeenka xisbiga EZEMA(Ginbot iyo shan urur oo kale), C/xakiim, Harar Revival Movement, guddoomiyaha EUPF C. Thawath.

Xafladda qaybteedii dambe oo billabatay gelinkii dambe ee maanta Abaarihii, 15:00 waxaa furay xafladda guddoomiyaha Unugta Jwxo ee magaalada Addis Ababa Mudane Mohamed Fadxi iyadoo qaybtii labaad ee xafladda loogu talagalay xubnaha Unugta JWXO iyo marti ka socotay dadka Soomaalida ah ee ku nool magaalada Addis Ababa iyada oo ay mar labaad ka soo qaybgaleen madaxda JWXO, oo uu horkacayay guddoomiye ONLF Admiral Mohamed Omar Ismaan.

Waxayna goobta ka soo jeediyeen madaxda ONLF khudbado dhaxalgal ah, waxaana madasha ka hadlay madaxa cilmi-baadhista ONLF Mudane Mohamed Ibrahim mursal, Hogaanka Abaabulka ONLF Haaji Mohamed Abdi Yassin (Diirane) Afhayeenka ONLF Mudane Abdi qaadir sh Hassan (Caddaani Hirmooge) Ku/Xigeenka Xoghayaha guud ahna Hogaanka war-faafinta ONLF Mudane Ahmed Yassin Sheikh Ibrahim iyo guddoomiyaha ONLF oo gabagabadii soo xidhay xafladdan qiimaha badnayd

Waxayna madaxda ONLF ku nuux nuuxsadeen sida lagama maar-maanka u tahay midnimada iyo wada jirka ummadda Soomaaliyeed ee ku hoos nool Ethiopia, waxaa kale ooy madaxda ONLF madasha ka caddeeyeen in xafiiskani uu u taagan yahay u Adeegidda iyo haqabtirka baahida ummadda Soomaaliyeed ee ku nool magaalada Addis Ababa, dhanka kale waxay aad oogu mahadceliyeen madaxa Arrimaha dibadda iyo siyaasadda ONLF ahna wakiilka xafiiskan maanta xadhiga laga jaray Mudane Hassan Moalin muhumed oo runtii dadaal dheeriya ku bixiyay sidii uu u furmi lahaa xafiiskan sidookale waxay Ammaan u jeediyeen Unugta ONLF ee magaalada Addis Ababa oo door-laxaadle ka ciyaarta hawlaha Ururka ee ka socda magaaladan Addis Ababa,

Waxaa kale oo ay madaxda ONLF sheegeen in aanay ka tanaasulin hadafkoodii balse ay si siyaasi u halgamayaan doonista shacabka Soomaalida Ogaadeenya ee ku hoos nool Ethiopia, iyada ooy carabka ku Adkeeyeen madaxdu in midnimada iyo wadatashiga bulshada Soomaaliyeed ay horseedi karto waxkasta oo ay doonayaan geesta kale waxaa goobta ka hadlay qaar kamida dadkii soomaaliyeed ee kasoo qaybgalay xafladda iyaga oo caddeeyay sida ay u taageersan yihiin Ururka ONLF iyo Aragtidiisa siyaasadeed

Guntii iyo gunaanadkii xafladda ayaa ku soo dhammaatay jawi aad u qurux badan.

ONA/Adiss Ababa.

July 13th 2019, 4:48 pm

Qarax wayn & weerar toos ah oo kismaayo kadhacay & Khasaaro kadhashay.

Ogaden News Agency

Qarax wayn & weerar toos ah oo kismaayo kadhacay & Khasaaro kadhashay:

Galabnimadii Jimcaha ayaa Gaadhi walxaha qarxa laga soo buixiyay lagu dhuftay albaabka Hoteel Madiina horayna loo dhihi Jiray (Cas-Casey) kaasoo ah carun aad umashquul badnayd inta badan bulshada magaaladuna isugu imaanjirtay, waxaana xigay dablay hubaysan oo gudaha Hotelka rasaas kabilaabay.

Weerarkan oo socday kudhawaad 17 Saac ayaa lasoo afmeeray subaxnimadii hore ee Sabtida.

Khasaaraha ka dhashay Qaraxaan ayaa gaadhay 26 Dhimasho ah, 56 Dhaawac ah & bur-bur hantiyadeed sida uu faah-Faahinta ku bixiyay Madaxwaynaha Jubba-Land-Mudane Axmad Islaam ( Axmad-Madoobe )

Masuuliyada weerarkan khasaaraha badan dhaliyay waxaa sheegtay xarakada shabaab siday kubaahiyeen qoraal ay internetka soo galiyeen waxyar uun kadib bilawga weerarka.

Dadka dhintay waxay ubadnaayeen dad shacab ah oo ka kooban qaybaha kala duwan ee bulshada Soomaaliyeed.

intii Dhimatay allaah ha unaxariisto, ehelkii & shacabka soomaaliyeeedna samir iyo iimaan allaah haku arzaaqo.

ONA.

July 13th 2019, 6:43 am

Xaflad Lagu Furayo Xafiiska ONLF oo Magaalada Adiss Ababa Ka Dhacday.

Ogaden News Agency

Maanta oo taariikhdu ay tahay 13/07/2019, waxaa magaalada Addis Ababa lagu qabtay xaflad lagu maamuusayay furitaanka xafiiska Addis Ababa ee JWXO. Xafladdan, oo billaabatay 10:00 aroornimo, waxaa qaybteedii hore la soo gabagabeeyay 12:00 duhurnimo.

Qaybta hore ee xafladda oo loogu talagalay martida ajnabiga ah, waxaa ka soo qaybgalay marti ka socota safaaradaha, xisbiyada mucaaradka ah iyo marti kale.

Waxaa sidoo kale dhinaca Jabhadda ka joogay wafti culus oo uu hoggaaminayay guddoomiyaha JWXO Admiral Maxamed Cumar Cismaan.

Safaaradaha ka soo qayb galay waxaa ka mid ahaa; safiirada Jarmalka, iyo wakiillo ka socday safaaradaha USA, UK iyo Soomaaliya.

Xisbiyada mucaaradka ah ee ka soo qaybgalay waxaa sidoo kale ka mid ah guddoomiyaha OLF mr Daud Ibsa, ku xigeenka xisbiga EZEMA(Ginbot iyo shan urur oo kale), C/xakiim, Harar Revival Movement, guddoomiyaha EUPF C. Thawath.

Gelinka dambe ee maanta, 15:00, waxaa billaaban doonta qaybtii labaad ee xafladda, taasoo ay ka soo qaybgali doonaan madaxda JWXO, xubnaha iyo marti kala duwan oo soomaali ah.

ONA/Adiss Ababa.

July 13th 2019, 6:43 am

Wafti Balaadhan uu Horkacayo Gudoomiayaha JWXO ayaa Lagusoo Dhaweeyay Adiss Ababa.

Ogaden News Agency

Waxaa maanta magaalada Addisababa lagu soo dhaweeyay wafti ballaadhan oo uu hogaaminiyay guddoomiyaha JWXO Admiraal Mohamed Omar Ismaan waftigaa oo uu soo dhaweeyeen Gudoomiyaha Xafiiska Siyaasada iyo Duplamasiyada ONLF Mudane Hassan Moalin iyo hoggaaminta Unugta JWXO ee magaalada Adiss Ababa.

Socdaalka guddoomiyaha JWXO ayuu ujeedkiisu ahaa inuu xadhiga ka jaro xafiiska ONLF ee Magaalada Adiss ababa oo Xadhiga Laga Jari doono Sabtida bari ah.

Diyaar garoowga xaflad balaadhan oo lagu furayo xafiiska ONLF ee magaalada Adiss Ababa ayaa waxay ka socotaa Adiss Ababa waxaana loo balan san yahay inay kasoo qayb galaan wufuud isugu jira Safiiro, siyaasiyiin ka socda ururada mucaaradka iyo ergo ka socota dawlada Faderalka ah ee Itoobiya.

ONA /Adis Ababa.

July 12th 2019, 11:07 am

Tababarkii usocday hawl-wadeenada Hogaanka Warfaafinta JWXOoo lagusoo afmeeray JIJIGA.

Ogaden News Agency

Waxaa Magaalada Jigjiga ee xarunta Gobolka Faafan si rasmi ah loogu soo xidhay Tababarkii halkaas uga socday howlwadeenka Hogaanka Warfaafinta Jabhada Wadaniga Xoraynta Ogadenia (JWXO).

Tababarkan oo mudo socday ayaa lasoo afmeeray barqin nimadii maanta oo Jumce ah, waxaana xidhitaanka kasoo qayb galay madax katirsan Jabhada Wadaniga Xoraynta Ogadenia (JWXO) oo uu hogaaminayay General Cabdulaahi Mukhtaar oo kamid ah madaxda ugu saraysa JWXO.

Furitaankii diiniga ahaa kadib waxaa lagusoo dhaweeyay Janaraal Cabdulaahi Mukhtaar oo khudbad dhaxal gal ah usoo jeediyay dhalintii siminaarka qaadatay isagoo siwayn u hoga tusaaleeyay.

Sidoo kale dhalinta tababarku usoo xidhmay ayaa lagudoonsiiyay Shahaadooyin ay mutaysteen, waxayna dhalintu muujiyeen sida ay ugu faraxsan yihiin aqoonta warbaahineed ee ay qaateen.

Gabagabadii waxaa si rasmi ah looxidhay xafladii looqabtay dhalinta baranaysay saxaafada, kuwaas oo kahowl galidoona saxaafada Afka Jabhada kuhadasha.

ONA Jigjiga.

July 12th 2019, 7:03 am

Gudoomiyaha Xafiiska Siyaasada & Xidhiidhka Heer Faderal Ee ONLF oo Waraysi Siyay Esat Tv.

Ogaden News Agency

Gudoomiyaha xafiiska siyaasada iyo xidhiidhka heer Faderal ee JWXO Mudane Hassan Muhumed aw Macalin ayaa waraysi siiyay Tvga Esat wuxuuna uga waramay Xafiiska ONLF ee laga furi doono magaalada Adiss Ababa taariikhdu markay tahay 13/07/2019 ka oo ku beegan maalinta sabtida ah.

Gudoomiye Hassan ayaa wuxuu ka waramay ergada kasoo qayb gali doonta furitaanka xafiiska ONLF ee magaalada Adiss Ababa.

waxaana kasoo qayb gali doona safiiro, madax ka tirsan dawlada Faderalka Itoobiya, xisbiyada Mucaaradka iyo qaybaha kala duwan ee bulshada.

Waraysiga oo Faah faahsan hooska daawo daqiiqada 19 aad ayuuna ka bilaaban hayaa.

ONA/Adiss ababa.

July 11th 2019, 5:12 pm

Xafiiska ONLF ee Magaalada Fiiq oo Maamul cusub doortay.

Ogaden News Agency

Xafiiska ONLF ee Magaalada Fiiq oo Maamul cusub doortay.

Xaflad dootosho oo si wayn loosoo agaasimay oo ka dhacday magaalada FIIQ ee Xarunta Gobalka erer Soona agaasimeen hogaaminta JWXO ee heer gobal ayaa lagu soo dhisay Maamulka Cusub ee Qabanaya Xafiisyada JWXO ee Heer Gobal & heer Dagmo.

Xafladan oo ahayd mid si xamaasadaysan loosoo qaban-qaabiyay waxaa ka soo qayb galay Dhamaan Qaybaha kala duwan ee Bulshada ku dhaqan Xarunta Gobalka Erer ee Magaalada FIIQ & heerarka kala duwan ee Xubnaha JWXO ee ka hawlgala FIIQ.

Sidoo kale waxaa iyana dhankooda joogay Masuuliyiin Gole-dhaxe ee ONLF oo uu hor kacayay halgame-Cabdi-kaafi Sheekh iyagoo halkaasi kasoo Jeediyay khudbado soo jiitay dareenka kaqayb galayaashii Xaflada iyagoo ku dheeraaday adkaynta Midninada & kamidha dhalinta halgankii Xoriyad raadinta ee mudada dheer lasoo waday.

Gaba-Gabadii waxaa madashaad lagu doortay Gudiyada Maamul ee heer Gobal & heer Degmo oo midkiiba kakoobanyahay 9 Xubnood, waxaana Maamulka cusub ee ladoortay kamid ah:

1. Cali Daahir Cabdi-dheere ( XAAJI CALI DAHIR): Gudoomiyaha Gobalka ERER.
2. Yuusuf Shugri: Xoghayaha xafiiska gobalka
3. Axmad Carab: Gudoomiyaha xafiiska dagmada Fiiq
4. Cabdi sheekh muxumed: Xoghayaha xafiiska dagmada.

Gunaanadkii waxay xafladu kusoo idlaatay Jawi farxadeed oo Qurxoon isagoo loo rajeeyay maamulka cusub inuu kasoo baxo waajibaad shaqo ee loo igmaday.

ONA / FIIQ.

July 11th 2019, 3:08 pm

Tababarkii Xubnaha Cusub Ee Hawul wadeenka Warfaafinta JWXO oo Maalintii Labaad Galay

Ogaden News Agency

Waxaa maalintii labaad galay Tababarkii ay mas’uuliyiinta Hogaanka Warfaafintu siinayeen qaar kamid ah howlwadeenka Hogaanka Warfaafinta JWXO.

Tababarkan oo ah mid dhalinta saxaafada Jabhada kashaqaysa lagu korinayo tayadooda warfaafineed ayaa maalintii labaad kasocda Xafiiska Hogaanka Warfaafinta JWXO ee magaalada Jigjiga.

Dhalinyaro badan oo u heelan in ay wax kaqabtaan baahida saxaafadeed ee kajirta Ogadenia ayaa kafaa’iidaystay tababarkan waxaana lagu wadaa in ay si dhakhso ah bulshada ugu adeegaan.

Siminaarkan ayaa ahaa mid ay ka qayb qaateen qaar kamid ah madaxda sarsare ee Jabhada Wadaniga Xoraynta Ogadenia (JWXO), kuwaas oo dhalinka kubooriyay in ay bulshadooda uga faa’iideeyaan wixii ay barteen.

Tababarkan oo baryaha soosocda lasoo afmeeri doono wixii kasoo kordha kala soco Wakaalada Wararka Ogadenia (ONA).

ONA.

July 10th 2019, 1:24 pm

Tababar Lagu Kobcinayo Tayada Warfaafinta JWXO oo ka Bilawday Magaalada Jig Jiga.

Ogaden News Agency

Waxaa hada magaalada Jigjiga ee xarunta Gobolka Faafan kafurmay tababar lagu kobcinayo tayada howlwadeenka Hogaanka Warfaafinta JWXO.

Tababarkan oo ah mid wax wayn kabadali doona baahida ay bulshada Soomaalida Ogadenia uqabto warar lagu kalsoonyahay ayaa saaka laga furay Xafiiska Warfaafinta JWXO ee kuyaala magaalada Jigjiga, waxaana tababarka xadhiga kajaray Kuxigeenka Xoghayaha Guud ee JWXO ahna Hogaanka Warfaafinta JWXO Mudane Axmed Yaasiin Sh Ibraahim.

Halgame Axmed Yaasiin oo ah nin aqoon durugsan uleh saxaafada ayaa dhalinta siiyay talooyin wax ku’ool ah, wuxuuna Halgame Axmed Yaasiin rajo fiican kamuujiyay in goordhaw ladabooli doono baahida ay bulshadu uqabto warar sugan.

Siminaarkan oo mudo 7 aad ah socon doona waxaa ka faa’iidaysanaya dhalinyaro badan oo u heelan in ay wax wayn kabadalaan sadaafada kuhadasha Afka Jabhada Wadaniga Xoraynta Ogadenia (JWXO).

Tababarkan oo ay bixinayaan macalimiin kuxeel dheer Arimaha Saxaafada oo uu kamid yahay Agaasimaha Guud ee Hogaanka Warfaafinta JWXO Mudane Xirsi Cali ayaa noqonaya kii ugu horeeyay ee xubnaha Hogaanka Warfaafinta JWXO loogu qabto gudaha Wadanka Ogadenia.

Wixii kasoo kordha kala soco Wakaalada Wararka Ogadenia (ONA).

ONA.

July 9th 2019, 6:13 am

Tababar lagu kobcinayo tayada howlwadeenka Hogaanka Warfaafinta JWXO oo JIJIGA Kafurmay.

Ogaden News Agency

Waxaa hada magaalada Jigjiga ee xarunta Gobolka Faafan kafurmay tababar lagu kobcinayo tayada howlwadeenka Hogaanka Warfaafinta JWXO.

Tababarkan oo ah mid wax wayn kabadali doona baahida ay bulshada Soomaalida Ogadenia uqabto warar lagu kalsoonyahay ayaa saaka laga furay Xafiiska Warfaafinta JWXO ee kuyaala magaalada Jigjiga, waxaana tababarka xadhiga kajaray Kuxigeenka Xoghayaha Guud ee JWXO ahna Hogaanka Warfaafinta JWXO Mudane Axmed Yaasiin Sh Ibraahim.

Halgame Axmed Yaasiin oo ah nin aqoon durugsan uleh saxaafada ayaa dhalinta siiyay talooyin wax ku’ool ah, wuxuuna Halgame Axmed Yaasiin rajo fiican kamuujiyay in goordhaw ladabooli doono baahida ay bulshadu uqabto warar sugan.

Siminaarkan oo mudo 7 aad ah socon doona waxaa ka faa’iidaysanaya dhalinyaro badan oo u heelan in ay wax wayn kabadalaan sadaafada kuhadasha Afka Jabhada Wadaniga Xoraynta Ogadenia (JWXO).

Tababarkan oo ay bixinayaan macalimiin kuxeel dheer Arimaha Saxaafada oo uu kamid yahay Agaasimaha Guud ee Hogaanka Warfaafinta JWXO Mudane Xirsi Cali ayaa noqonaya kii ugu horeeyay ee xubnaha Hogaanka Warfaafinta JWXO loogu qabto gudaha Wadanka Ogadenia.

Wixii kasoo kordha kala soco Wakaalada Wararka Ogadenia (ONA).

ONA.

July 9th 2019, 5:44 am

Press Release: Conference on Transition and Transformation in the Horn of Africa_Ethiopia and the Og

Ogaden News Agency

Conference on Transition and Transformation in the Horn of Africa:  Ethiopia and the Ogaden Region

Hyatt Regency Hotel
Denver, Colorado
USA

Conference Press Release

July 6, 2019

The Somali and East African communities of North America organized an inclusive three-day conference between July 4 and July 6, 2019 in Denver, Colorado. The conference objectives included assessment of ONLF and Ethiopia peace agreement and the current democratization process and its impact in the Horn of Africa. Over 1,200 members of the Somali and East African community in North America, which included academics, researchers, cultural artists, activists and at large members of the community participated the event. The Secretary General of ONLF was also present. After discussing and deliberating the democratic transition as well as the challenges faced in the region and particularly in Ethiopia, participants agreed upon the following resolutions:

1. The participants of the conference supported the peaceful transition of Ethiopia into a multi-party system and the reformation of the State both at the local and federal level to address prevalent issues such as division of power between the federal government and the states representing nations, nationalities, and peoples of Ethiopia.

2. The participants of the conference supported without any condition the maintenance, implementation, protection of the right for self-determination, and advancement of federalism as this system of governance better ensures and realizes than any other approach the social, economic, political and human rights of all nations, nationalities, and peoples in Ethiopia.

3. The entire conference participants supported ONLF both materially and morally and showed willingness to assist it in its transition to a political party in its quest to ensure the rights of the Somali people in the Ogaden region.

4. The conference called for an equitable economic development in the region and in Ethiopia. In addition, the participants, after a long deliberation, felt the need for full participation of the Somali people in the decision-making process and formulation of all government policies including license granting, exploration, and wealth-sharing of oil, gas and other natural resources. In relation to the issue of oil and gas extraction, the conference emphasized:

a. Importance of the protection and preservation of the environment.
b. Importance of conducting an independent environmental assessment and the need for developing mitigation programs for the environment and for the livelihood of the people who live in the region.
c. Acquisition and understanding of the oil and gas baseline data that has been already created, and agreements thus far entered into.
d. Studying and research into the potential impact of the extraction and utilization of critical natural resources such as oil and gas and other extractive minerals.

5. The conference encouraged development and modernization of independent mass media to disseminate information in the region and to strengthen integration of the region’s different zones and to help in forging unity among the Somali people.

6. The conference expressed the need for establishing a research-based intellectual group that advises ONLF as well as the Somali State government on issues such as crafts for state-building, democratization, corruption eradication, and citizen participation in the political process.

7. The conference finally condemned those involved in the recent failed coup d’etat and have categorically rejected the use of force or any other type of manipulation intended to reverse the current process to democratize the political space, deepen the federation and strengthen exercise of self-determination of all nations, nationalities, and peoples in Ethiopia.

For more information, please contact:
Conference Organizing Committee
Muhyaddin S. Abdi Hukun
Phone: (720) 421-5908

Omer Sowje
Phone: 720-495-1564

 

ONA – AMERICA

July 8th 2019, 4:54 pm

Kal Fadhigii Baar lamaanka Itoobiya oo Qabsoomay & JWXO oo Lagu Casuumay.

Ogaden News Agency

Waxaa goordhaw oo maanta ah soo gabagaboobay fadhigii Baarlamaanka Itoobiya oo maanta ahmiyad gaar ah lahaa.

Fadhiga maanta oo uu fadhiyay Raysal-wasaaraha Itoobiya Abiye Axmed ayaa si rasmi ah loogu casuumay Jabhada Wadaniga Xoraynta Ogadenia (JWXO), waxaana fadhiga ka qayb galay Hogaanka Arimaha Siyaasada Iyo Xidhiidhka heer Faderal ee JWXO Mudane Xassan Muxumed Ow-macalim.

Kulankan oo mudo laga dhursugayay waxaa khudbad kusaabsan sanad miizaaniyeedka Itoobiya kasoo jeediyay Raysal-wasaaraha Itoobiya Abiye Axmed, wuxuuna Abiye Axmed sheegay in ay dajiyeen Miizaaniyadii sanadka 2012 ee tirsiga Itoobiya.

Xunbaha Baarlamaanka iyo Ururada Mucaaradka ah ayaa Abiye Axmed waydiiyay su’aalo aad ubadan oo kusaabsan miizaaniyada ay xukuumadu sooban dhigtay, waxaana su’aalaha kawada jawaabay Raysal-wasaaraha.

Kulanka fadhiga Baarlamaanka Itoobiya oo mudo lasugayay ayaa kusoo dhamaaday si nabad ah, wuxuuna kulanku ahaa mid mucaarad iyo muxaafidba ay u dhanaayeen.

ONA.

July 8th 2019, 5:45 am

JWXO oo Bayaan Kasoo Saartay Colaadaha Soo Kordhaya Ee Beelaha Deegaanka Somalida udhaxeeya.

Ogaden News Agency

Jabhadda Waddaniga Xoraynta Ogaadeenya(JWXO)

Taariikh: July 06, 2019

Bayaan ku saabsan colaadaha soo kordhaya ee beelaha u dhexeeya

Tan iyo markii ay isbedallada siyaasadeed ka dheceen dalkaee la soo afjaray cabudhintii  iyo cadaadiskii lagu hayayabulshada Soomaalida Ogaadeenya, waxaa soo kordhayaycolaadaha iyo isku dhecyada beelaha dhexdooda ah, kuwaasoo dhibaatooyin badan gaadhsiiyay dadwaynaha, islamarkaana carqalad ku noqday taabba-gelinta nabadda iyohorumarinta deegaanka.

Waxaa jira dagaallo badan oo dhex-maray beelahaSoomaalida Ogaadeenya oo gaystay waxyeellooyin dhimashoiyo dhaawacba isugu jira, kuwaasoo ka dhashay dhulal la iskuhaysto. Waxaa sidoo kale jira meelo badan oo la is hor-fadhiyo, lagana cabsi qabo inay dagaallo ka billowdaan, oo u baahan in laga qaado tallaabooyin lagu baajinayo dhiig macnadarro ah ku daata.

Colaadaha beelaha dhexdooda ah waxaa sabab u ah tuulooyinama dhul deegaan ah oo la isku haysto, waxaana intoodabadan raad ku leh siyaasadii taliskii hore ee ahayd abuuristatuulooyin ka turjumaya danaha amni ee taliska ee aan ka turjumaynin danaha bulshada deegaannadaas deggan.Arrintaasina waxay halis galisay amnigii dalka iyo xidhiidhkiiwanaagsanaa ee u dhexeeyay beelaha wada-dega ama deriskaah. Waxay sidoo kale khatar ku tahay daryeelka dhulkadaaqsinta ah cimilada guud.

Sidaas darteed, waxay Jabhaddu ugu baaqaysaa bulshadaSoomaalida Ogaadeenya inay si degdeg ah u joojiyaan isku-dhacyada dhexdooda ah, isla markaana ay wada-xaajood iyois af-garad ku dhammeeyaan xurgufaha u dhexeeya.

Jabhaddu waxay sidoo kale dowlad deegaanka ugu baaqaysaainay la timaado barnaamij wax ku-ool ah oo lagaga hortegayoisku-dhacyada soo noqnoqonaya ee beelaha u dhexeeya, islamarkaana ay diyaariso qorshayaal cad-cad oo lagu xakamaynayo isku-dhacyadaas iyo hay’adihii qorshayaashaasfulin lahaa. Maadaamoo dalka ay muddo  dheer dagaallo ka socdeen, cadaadis iyo gabood-fallo badana ka dhaceen, waxaalagama maarmaan ah in la dejiyo barnaamij dib u-heshiisiinah oo lagu furdaaminayo dhibaatooyinkii dhacay, bulshadanala isugu soo dhawaynayo.

Jabhaddu waxay dhinaceeda diyaar u tahay inay dowladdeegaanka kala shaqayso sidii xal waara loogu heli lahaacolaadaha beelaha ee maalinba maalinta ka dambaysa siikordhaya. Jabhaddu waxay aaminsan tahay in xaqiijintamidnimada shacabka iyo dib u-heshiisiinta bulshadu ay fure u yihiin xaqiijinta amniga dalka.

Jabhaddu waxay si cad uga soo horjeeddaa tuulooyinka aannacfiga u lahayn bulshada ee qaabka siyaasadaysan loo abuurayo, kuwaasoo danta laga leeyahay ay tahay is riix-riixiyo in Qabandi lagu helo.

Tuulooyinka noocan ah waxaykhatar ku yihiin amniga dalka, xidhiidhka bulshada iyodhawrsanaanta deegaanka, sidaas darteed waxay Jabhaddudowlad deegaanka ku guubaabinaysaa inay soo saartogo’aamo iyo qorshayaal ka dhan ah tuulooyinka noocaas ah, iyadoo la hubinayo in xallinta wixii khilaaf ah ee beelaha u dhexeeya loo maro garsoor dhexdhexaad ah oo cadaalad kushaqeeya.

Waxaa kaloo lagama maarmaan ah in la hirgeliyo barnaamijyo wacyigalin ah oo dadwaynaha lagu barayosarrayo sharciga iyo in kala-dambayntu ay fure u tahaynabadda iyo horumarka deegaanka.

Jabhada Wadaniga Xoraynta Ogaadeniya (JWXO).

July 6th 2019, 11:47 am

Daawo: Khudbadii Aqoon Yahan Faysal Roble Ka jeediyay shirkii Denver.

Ogaden News Agency

July 6th 2019, 9:16 am

Daawo: Khudbadii Shirkii Denver ay ka Jeedisay Aqoon yahanad Dr’s Safiya.

Ogaden News Agency

July 6th 2019, 9:16 am

Ururka Dhalinyarada Iyo Ardayda Soomaalida Ogadenya OYSU Faraca Magalada Garissa OO Kulan Muhiima ye

Ogaden News Agency

Waxaa magalada Garissa Ee xarunta Gobolka Waqooyi bari ee dalka kenya shir kuyeeshay Faraca Ururka Dhalinyarada Iyo Ardayda Soomaalida Ogadenya OYSU.

Shirka oo ahaa mid sifiican loosoo agaasimay ayaa waxaa furay gudomiyaha faraca sheekh khadar cusmaan waxaana wacdi dini ah oo meela badan taaban haya soojeediyay Sheekh mohamed baruud wacdi.

kadib waxa warbixin dher oo meelabadan tabanhaysa soojediyay gudomiyaha faraca sheek khadar waxuuna dhalinyarada kula dardaarmay in dagaalka lasii labajibaaro gacmahana lays qabsado si Wakhtigan kala-guurka ah looga gudbo.

Sidookale waxaa warbixin Kusaabsan Ururka Dhalinyarada Iyo Ardayda Soomaalida Ogadenya OYSU iyo shirweynaha Ururka OYSU Ee Bisha sagaalad dhacahaya laga dhagestay Alisamir OYSU oo ah xubin katirsan Ururka oysu faraca garissa.

gabagabadii shirka waxa la dhagestay afkaarta iyo talooyinka xubnaha shirka kasooqayb-galay wuxuuna kusoo dhamaaday guuul, gobonimo iyo in shaqada halganka lasii laba Jibaaro.

ONA/Garisa

July 5th 2019, 7:54 pm

Ururka Culumada Ogadeniya Ee USCO oo kulankoodii Caadiga Ahaa isugu Yimid Dhadhaab.

Ogaden News Agency

Waxaa xerada qoxootiga Dhagaxlay ee Deegaanka Dhadhaab kaqabsoomay kulankii caadiga ahaa ee Ururka Culimada Soomaalida Ogadenia (UCSO).

Kulankan oo ahaa mid muhiimad gaar ah lahaa ayaa kaqabsoomay guriga umada ee lagu magacaabo Allifle, kaas oo dhaca badhtamaha xerada qoxootiga Dhagaxlay.

Xubnaha Ururka Culimada Soomaalida Ogadenia (UCSO) ee kusugan Dhagaxlay ayaa kulankan kaga dooday dhowr qodob oo muhiim u ah halganka xaqa ah ee shacabka Soomaalida Ogadenia ay ugu jiraan xaqiijinta hamigooda.

Xubnaha Culimada ayaa sidoo kale ka hadlay sidii ay u akhrin lahaayeen qur’aanka kariimka ah oo si joogta ah looga akhriyo xarumaha Jabhada Wadaniga Xoraynta Ogadenia (JWXO) ee dacalada dunida.

Gabagabadii xubnaha kasoo qayb galay shirka Ururka UCSO ayaa Isla qaatay in ay sare uqaadaan kaalinta muhiimka ah ee culimadu ay kuleeyihiin bulshada Soomaalida Ogadenia dhexdeeda.

ONA.

Uru

July 5th 2019, 6:30 am

Sanad Guuradii 9 aad Ee OYSU oo Lagu Qabtay Ifo.

Ogaden News Agency

Waxaa shaley oy tarikhdu kubeegnayd 30-06-2019 kaqabsoomey Deeganka Dadaab Kenya gaar ahan xerada qaxotiga Ifo Sanadguuradii 9aad ee ururka Dhalinyarada iyo Ardayda Somalida Ogadenia oo losogabiyo Oysu.

Xaflada wxaa kasoo qaybgalay ergoonyin kaladuwan iyo marti shrf iyo masuuliyiin aad ubadan sida masuliyinta Xeryaha,security iyo Chairman’s ka xeryaha.

Xaflada oo uguhorayn lagufurey wacdi diini ah ayaa kadib waxaa lagudagaley Warbixintii kusaabsanayd guud ahan iyo gaar ahan Oysu xaalkeda Halkaas uu sojediyey Gudomiyaha Faraca Miftaxul-xorriyo Ifo ,,Bishaar Afjar,,

Intaas kadib waxaa warbixin gaar ah kajediyey Gudomiyaha Oysu Ifo Abdirahim Abdullahi Ali (Fanax Oysu) isaga oo kawarbixiyey waxqabadkii Oysu Worldwide iyo Himilooyinka ay rabaan inay gaadhaan.

Intaas kadib Waxaa si toos h loogusodhaweyey Marti shrftii kakala imaatey Xeryaha iyo guud ahanba bariga Africa.

Xaflada ayaa kusoodhamatey jawi farxad iyo raynrayn aaaad oogu dheehantahay.

July 1st 2019, 11:34 am

Dufcad Cusub oo Ka Qalin Jabisay Koorsada Alifle Magaalada Qabri Dahare.

Ogaden News Agency

Waxaa Magaalada Qabridahare ee Xarunta Gobolka Qoraxay kaqabsoontay xaflad aad ubalaadhan oo looqabtay arday kaqalin jabisay koorsada Allifle.

Xafladan oo ahayd mid heer sare ah waxaa kasoo qayb galay madax katirsan Jabhada Wadaniga Xoraynta Ogadenia (JWXO), Maamulka Xafiiska Jabhada ee Gobolka Qoraxay, Maamulka Xafiiska Jabhada ee Dagmada Qabridahare iyo dadwayne aad utiro badan.

Xafladan oo ahayd mid lagu maamuusayay arday aad ubadan oo kaqalin jabisay Koorso Halgameedka Allifle ee lagu barto Taariikhda iyo xeerarka Jabhada Wadaniga Xoraynta Ogadenia (JWXO) ayaa siwayn loogu maamuusay Dagmada Qabridahare ee Xarunta Gobolka Qoraxay.

Afhayeenka Jabhada Wadaniga Xoraynta Ogadenia (JWXO) Halgame Cadaani Hirmooge oo Xaflada kasoo qayb galay ayaa dhalinta qalin jabinaysay kubooray in ay dadkooda iyo dalkooda uga faa’iideeyaan wixii ay barteen.

Afhayeenka ayaa sidoo kale dhalinta usheegay in lagaadhay xiligii ay Hogaanka umada uqaban lahaayeen, wuxuuna Halgame Cadaani sheegay in dhalintu ay yihiin tiir dhexaadka halganka.

Dhinaca kale mudane Cadaani ayaa xubnaha JWXO ee ree Qabridahare ku amaanay doorka hogaamineed ee ay kulahaayeen halganka isagoo xusay in Xafiiskii ugu horeeyay ee JWXO laga furay Qabridahare sanadkii 1991, sidoo kale Afhayeenka ayaa xusay in ciidankii JWXO ee ugu horeeyay laga aas’aasay magaalada Qabridahare.

Dhinaca kale waxaa Xaflada ka hadlay dad aad ubadan oo dhamaantood soodhaweeyay ardayda tirada badan ee markii ugu horaysay gudaha Ogadenia ku qaadatay koorsada Allifle mudo kabadan 30 sano.

Tuuladiid.
ONA Qabridahare.

July 1st 2019, 6:13 am

Hambalyo 1 Luulyo Dhamaan umada soomaaliyeed Meel Kasta oo Ay Joogaan.

Ogaden News Agency

Waxaan marka hore ugu hambaleyeynaa dhammaan ummada Soomaaliyeed munaasibadaan qaaliga ah ee 1-da Luulyo.Waxaan leeyahay farxad ku ciida isla markaana dib ha loo eego taxanaha taariikhda gobanima doonka Soomaaliyeed. Umad waliba waxay leedahay taariikh ay ku faanto iyo munaasabado ku dheer oo lama illaawaan ah, kuwaasoo la xuso lagana sheekeeyo halgamadii iyo maalin waliba waxay wanaag iyo tiiraanyo umada u leedahay. Maalmahahaas ayaa waxa ka mid ah maalin qaran, mid qoys iyo mid shakhsiyadeed oo midba mudnaanteeda loo xuso, taasoo mudan in mid walba mudnaanteeda la siiyo oo xuskaas la xusayaa uu noqdaa mid lagu xusaayo hab maamuus aad u heer sareeya.

1 Luulyo waa maalintii xornimada laga helay gumeystihii saancaddaalaha ahaa oo buluugley ay dabeyluhu ka lulayeen daaraha dushooda.Waa maalintii ugu horreysay ee qaranka Soomaaliyeed labo midowday oo hal dawlad ah yeesheen oo horey u ahaa “British Somali land” iyo “Italian Somali Land”.

Waa maalintii hanka Soomaaliyeed kor u kacay oo lagu hammiyey loona hawlgalay in la haleelo qaran Soomaaliyeed oo dhammeystiran. Waa maalintii aan ku heesnay ”Qolobaa calankeedu waa caynoo innaga keennu waa cirkoo kaloo aan caadna laheyn.”

1-dii Luulyo 1960 waa maalintii gobolada koonfur ee Soomaaliya ay ka xuroobeen gumeysigii Talyaaniga, isla markaana ay la midoobeen gobolada waqooyi, halkaasna ay ku curatey Jamhuuriyadda Soomaaliya iyo 26 Juun oo iyana ahayd maalin taariikh iyo xusuus dheer mudun 26 Juun waa maalintii ugu horeysey ee ciida amase gayiga Soomaaliya laga taago calanka quruxda badan ee uu alifey, alifihii caanka ahaa ee Mohamed Cawaale Liibaan eebe naxarisitii jano ha ka waraabiyee.

Waxaana halkaasi gabay qiiraanyo leh calanka u tiriyay abwaanka caanka ah ee Cabdulaahi Suldaan Timacade waxaana ka mid ahaa maansaddii uu habbeenkaas tiriyey ee ay ka mid ahaayeen ereyada ah: “SAREEYOOW MA NUSQAAMOOW, AAN SIDUU YAHAY EEGEE KANA SIIB KANA SAAR” oo uu ula jeedey in calankii gumaystaha meesha laga tuuro, waxaana farxad iyo reyn-reyn ay u ahayd maalintaas dhamaanba bulsho weynta Soomaaliyeed waxayna maalin muguro u ahayd gumaysigii meesha laga saarey ee Ingiriiska iyo Talyaaniga waxaanse shaki ku jirin in caalamka dadka ku nool qolo walib ay marba heer soo martey taariikh iyo waayo kala duwan.

Hadaba maalinta 1-da Luuliyo oo ah maalin taariikhi ah, isla markaana xusuus dheer mudun, ahna maalintii la heley dawlad Soomaali ah ee ugu horeysey ee dad Soomaaliyeed oo xor ah maamulaan, isla markaana la laabay calankii gumaysiga, laguna bedelay mid Soomaali leedahay.

Dadweynaha Soomaaliyeed meel kasta oo ay joogaan waxay u diyaar garoobayaan xuska 1-da Luuliyo oo ah maalin taariikh qiimo badan u leh ummadda Soomaaliyeed. Munaasibadahaan waxaa lagu xasuusta xoriyadii Koonfurta Soomaaliya, la midowgii Waqooyiga, iyo dhalashadii Jamhuuriyada Soomaalida markii uu sannadku ahaa 1960.

Waxaan bulshada farayaa inay ka shaqeeyaan siddii ay kusoo ceshani lahayeen dadnimadii lagu yaqaanay Soomaalida. Dhulkii Soomaaliyeed maanta wuxuu u baahanyahay inay dhistaan waa Soomaalidii u dhalatay ma ahan cidkale. Waxaana la joogaa wakhtigii loo istaagi lahaa isku duubni iyo xidhnaan.

Dalkaan maanta wuxuu u baahanyahay waa dadkiisa ee umma baahno aqqoon shisheeye, waxaana ka makhqaati nahay dalwalbo waxbo uma taraan dad shisheeye ee dadkiisa ayaa horumar gaarsiiyo.

ONA.

July 1st 2019, 5:13 am

Xoghayaha guud ee JWXO oo dhinaca khadka taleefanka shirkii jaaliyada Edmonton kaga qayb galay.

Ogaden News Agency

Xoghayaha guud ee Jabhada Wadaniga Xoreynta Ogaadeeniya mudane C/raxmaan sheekh Mahadi ayaa maanta shirkii bilaha ahaa ee jaaliyada magaalada Edmonton Alberta ,Canada kaga qayb galay dhinaca isgaarsiinta taleefanka .Wuxuuna xubnihii kaadar ee halkaa isugu yimid siiyey warbixin aad u qiimo badan oo dhinacyo badan taabanaysay,waxaa kale uu gaadhsiiyey fariintii JWXO ee ku saab- sanay isbedelka iyo waqtiga kala guurka ee ay JWXO u gudubtay xisbi siyaasi ah oo ka hawlgalaya gudaha ogaadeeniya.


Warbixintaa kadib wuxuu ku dhiirigaliyey xubnihii halkaa isugu yimid in ay ka qayb qaataan abaabulka iyo midaynta shacabka soomaaliyeed ee deegaanka Lana xoojiyo midnimada iyo wax wada qabsiga umadaa mudada dheer dhibaatada la soo daalaco dhacaysay.

Waxaa  kale oo shirka maanta ka qeybgalay Masuuliyiin kamid ah golaha dhexe  ee Jabwada Xoreynta Ogadenia iyo Mudane PHD:Mahamoud Ugaas  oo halkaasi xubnaha kula wadaagay xaalada dhabta ah ee ka jirta  geeska  africa  iyo sida  maanta loogu baahan yahay in shacabka Somalida Ogadenia uga faa’iideystaan.
Shirka wuxuu kusoo dhamaaday guul.

  

C/raxmaan sheekh.

ONA,

Canada.

July 1st 2019, 1:39 am

Jaaliyada Soomalida Ogadenya Ee Dalka Qadar Oo Shir Muhiim Ah isoogu timid.

Ogaden News Agency

Waxaa magalada Dooxa ee dalka Qadar kadhacay shir balaadhan oo ay isugu yimaadeen Jaaliyada ogadenya ee Wadanka Qadar shirka Ayaa waxaa kasoo qaybgalay Masuuliyiin katirsan Golaha fulinta, Golaha Dhexe iyo Howl-wadeenka Jaaliyada Ogadenya ee dalka Qadar.

Kulanka oo ahaa kulan is-xogwaraysi ah korna loogu qaadayay Waxqabadka Jaaliyada Dalka qadar ayaa waxaa masuuliyiinta jwxo ee dalka Qadar kusugan culimo awdiinka iyo madaxda Jaaliyada.

Dadkii meesha kahadlay ayaa waxaa kamid ahaa halgame Xusen Nuur, sheekh maxamad golas, sheekh Axmad Cali Xaashi iyo gudoomiyaha Jaaliyada mudane bashiir maxamud yogol waxayna dhamaantood siqoto-dheer uga hadleen kor uqaadida halganka iyo sidii marxaladan kala-guurka ah loosii labajibaari lahaa.

ONA/Qadar.

June 30th 2019, 2:01 pm

Xoghayaha Guud Ee JWXO oo Si Wayn Loogusoo Dhaweeyay Wadanka Maraykanka.

Ogaden News Agency

Waxaa siwayn Magaalada Minneapolis ee cariga Maraykanka loogu soodhaweeyay Xoghayah guud ee jabhada wadaniga xoraynta Ogadenya (JWXO) halgame Cabdiraxmaan sheekh mahdi maadeey.

Xoghayaha ayaa waxaa garoonka diyaaraha ee magalada Minneapolis kusoo dhaweeyay masuuliyiin Gole dhexe ah, Madaxda, Kaadirka & Jahliyada Fooljeex ee Gobolka mineasota.

Xoghayaha ayaa waxuu Magalada Denver ee gobolka Colorado ee cariga maraykanka kaga qayb gali doonaa shir muhiim ah oo lagaga hadli doono Arimaha ogadenya iyo siyaasada Geeska Afrika,

Soodhawayn diiran kadib Xoghayaha waxaa loo galbiyay Goobtuu magalada kadagi lahaa waxaana bari bilaambi doona shirar is xogwaraysi ah oo udhaxeeya Xoghayaha iyo Jahliyada Mineasota.

ONA/USA

June 29th 2019, 6:18 pm

Munaasabad Lagu Xusayay Aas aaskii ururka Dhalinyarada OYSU oo Jig Jiga Lagu Qabtay.

Ogaden News Agency

Xaflad siwayn loosoo agaasimay islamarkaasna lagu xusayay Sanad guuradii 9aad ee aas-aaskii ururka Midawga ardayda & dhalinyarada Ogaadeina ( OYSU ) ayaa lagu Qabyay Xarunta Deegaanka ee magaalada JIJIGA.

Xafladan Maamuuska ah ooy soo agaasimeen faraca OYSU ee gobalka Faafan waxaa ka soo qayb galay masuuliyiin heer sare ah oo jwxo ka socotay ooy kamid ahaayeen
1. Halgame Maxamed shariif Xoghayaha Golaha Dhexe JWXO.
2.Halgame Axmed yaasiin sh ibraahin Hogaanka Warfaafinta JWXO.
3.Halgame C/qaadir Xasan Hiirmooge ( Cadaani ) Afayeenka JWXO.

Masuuliyiinta Jwxo ee xaflada soo camiray ayaa ka jeediyay goobta khudbado kookooban oo dhaxal gal ah iyagoo diirada saaray sida ay dhalinyaradu uyihiin laf-dhabartii halganka Ogaadeiya iyo hogaamintii Mustaqbalka ee umada, isla markaaana waxay si adag carabka ugu adkeeyeen in xiligani yahay wakhtigii Dhalinta OYSU Muujin lahayd udiyaarsanaanteeda hanashada Quluubta Shacabka ree Ogaadeeniya kuna hantaan Midnimo, iscafin, wax wada qabsi & dulqaad loo muujinayo hayaanka halganka Xoriyad raadinta ogaadeenia.

Dhanka kale waxaa madasha hadalo xamaasad xambaarsan kasoo jeediyay Dhalinyaro badan oo uu ugu horeeyo Xoghayaha OYSU ee gudaha Ogaadeeniya Halgame: Cumar sooya iyagoo dhamaantood muujiyay u heelanaanta u adeegida Qadiyada Ogaadenia heer naf hurid ilaa Xoriyada laga hananayo, waxayna sheegeen inay kufaraxsanyihiin una dhaga nuglaanayaan hadalada waxsheega, waanada, tilmaanta & waayo aragnimada leh ee Masuuliyiinta JWXO usoo jeediyeen & dardaarankoodaba.

Gaba-gabadii Xaflada ayaa ku dhamaatay Jawi dagan oo farxadeed isagoo la isu rajeeyay Xoriyad soo dag-dagta iyo hal adayg halgamaa.

ONA / JIJIGA.

June 29th 2019, 5:03 pm

Jaaliyada Ogaadeniya ee Dhobley oo shir Heer sare ah Isugu Timaaday.

Ogaden News Agency

Waxaa shir heer sare ah isugu yimaaday jaaliyada Ogaadeniya ee ku dhaqan magaalada Dhobley ee dalka somaliya shirkan ayaa waxaa kasoo qayb galay dhamaanba qaybaha kala duwan ee bulshada.

Shirkan ayaa sidii caadada inoo ahayd waxaa lagu furay wacdi diini ah iyo aayado quraanka kariimka ah waxaa intaas kadib shirka furay gudoomiyaha Jaaliayada Ogaadeniya Mudane Xassan Guhaad wuxuuna ka jeediyay qud bad balaadhan oo meelo badan taaban haysay.

Gudoomiyaha ayaa sidoo kale wuxuu warbixin balaadhan siiyay dhamaan xubnihii kasoo qayb galay asagoo uga waramay marxalada halganka Ogaadeniya marayo iyo xaalada gudaha ee halganka.

Shirka ayaa waxaa ka hadlay sidoo kale xubno masuuliyiin jabhadeed ah, qaybo kamida ururka dhalinyarada iyo ururka haweenka Ogaadeniya waxayna dhamaantood hoosta ka xariiqeen in JWXO la garab istaago.

Shirka ayaa wuxuu gaba gabadii kusoo dhamaaday si guul ah waxaana lagusoo af meeray wacdi diini ah iyo quraanka kariimka ah.

ONA/Dhobley.

June 29th 2019, 5:03 pm

Abiye Ahmed oo u Magacaabay Taliyaha Ciidamada Qalabka sida Gen. Adem.

Ogaden News Agency

Raysal wasaaraha Itoobiya PM Abiye_Ahmed ayaa u magacaabay taliyaha ee ciidamada Qalabka sida ee Itoobiya Gen Adem Mohamed.

Taliyahan la magaacaabay ayaa wuxuu horay u ahaa Taliyaha sirdoonka Itoobiya oo uu horay h ahaa Getachew Asefe.

waxaa dhanka kale loo magacaabay Taliyaha Sirdoonka Itoobiya nin lagu magacaabo Demelash Gebremicha.

Afganbigii dhicisoobay ee ka dhacay wadanka Todobaadki hore ayaa wuxuu saamayn balaadhan ku yeeshay geedi socodka Dawlada Abiye Ahmed.

Jabhada ONLF ayaa Cambaaraysay isku dayga afganbiga fashilmay todobaadkii hore ayadoo qoraal soo dhigtay barta ay ku lee dahay Twiterka.

ONA.

June 28th 2019, 12:33 pm

Ogaysiis:Wareys Xiisa badan iyo Shirka Norther America IlaysTV.

Ogaden News Agency

Jaaliyada Soomalida Ogadenia ee  wadanka Mareykanka ayaa wada abaabul xoogan oo heer caalami ah,kaasi oo mudo bil  ka badan ka socday wadanka mareykanka gaar ahaan magaalada Denver.

Shirka wufuuda  ka soo qeybgalaysa, waxaa  lagu soo qaadan doono iyo inta uu socon shirku, waxaan wareysi Iive ah idiinka haynaa  Gudoomiyahay Jaaliyada Ogadenia  ee marti galin shirka . Halgame Muxyadiin Sh,Abdi xukun.

Denver 10:am

Ogadenia :7:pm

la socod wanaagsan IlaysTV live.

 

June 26th 2019, 2:57 am

Xoghayaha Guud Ee JWXO oo Xafiiskiisa Ku Qaabilay Wafti Ka socda Jubaland.

Ogaden News Agency

Xoghayaha guud ee Jabhada Wadaniga Xoraynta Ogaadeniya Halgame Abdirahman Sheekh mahdi Maadeey ayaa wuxuu xafiiskiisa Magaalada Jig Jiga ku qaabilay wafti balaadhan oo ka socda Maamul goboleedka soomaaliyeed ee Jubbaland waftigan ayaa waxay u yimaadeen ka qayb galka aaskii marxuumka Mohamud Cabdulaahi Ciise (Singub).

Kulankan dhex maray Hogaaminta JWXO iyo watiga ka socday Jubaland ayaa waxaa looga hadlay arimo muhiima waxaana la is waydaar saday warbixino labada dhinac ba.

Kulankan ayaa wuxuu kusoo dhamaaday si guul ah waxaana labada dhinac ba la isku afgartay sidii loosoo xoojin laha xidhiidhka walaaltino ee u dhaxeeya labada shacab.

ONA/Jig Jiga.

June 22nd 2019, 10:00 am

Waftigii JWXO ee Socdaalka Shaqo ku marayay Gobalada Erer & Nogob oo Salaxaad Ujarmaaday.

Ogaden News Agency

Waftigii JWXO ee Socdaalka Shaqo ku marayay Gobalada Erer & Nogob oo Salaxaad Ujarmaaday.

Waftigii JWXO ee Gobolada Nogob iyo erar oo Sii amba qaadaya Socdaalkoodii Shaqo ayaa saaka u anba baxay Magaalada Salaxaad ee Gobalka Erer.

Waftigan oo sidaad lasocoteenba ay horkacayeen Naftii-hure Cabdikaafi sheekh ismaaciil iyo Naftii-hure Abdi saxane waxay saacadihii lasoo dhaafay kulamo kala duwan layeelanayeen Bulsho waynta kudhaqan Magaalada FIIQ ee Xarunta Gobalka ERER iyagoo si nug leh isugu Xog waramay isulana jeex-jeexay axwaasha Halgan & Mida Deegaanka iyo Bulshadaba.

Waxaa lagu wadaa in Waftigu Maalmaha soosocda uu ku ekeeyo socdaalkiisa Shaqo inta badan Gobalada Nogob & Erer.

Faah-Faahinta Hadba halka ay marayaan kala socda Tabintooda ONA.

ONA / FIIQ.

June 22nd 2019, 7:45 am

Waftigii JWXO oo kulan isxog-waraysi ah laqaatay Maamulka JWXO ee Magaalada Fiiq.

Ogaden News Agency

Waftigii JWXO ee Socdaalka Shaqo ku marayay Gobalada Erer & Nogob oo kulan isxog-waraysi ah laqaatay Maamulka JWXO ee Magaalada FIIQ.

kulankan oo ay kasoo qayb galeen gudiyada Maamul ee heer dagmo iyo heer gobol ayaa la isku waydaarsaday warbixino dhinacyo badan taabanaya kuna saabsan xaalada Magaalada Fiiq ee Xarunta Gobalka erer, geedi socodka halganka iyo heerka nololeed ee bulshada ku dhaqan Gobalka Erer.

Sidaad horay ONA uga daalacateen waftigan Balaadhan waxaa hor kacaya Naftii-hure Cabdikaafi sheekh ismaaciil iyo Naftii-hure Abdi saxane.

Waxaa lagu wadaa in Waftigu Maalmaha soosocda ay si is daba joog ah ula kulmaan Dhamaan Qaybaha kala duwan ee Bulshada ku dhaqan Xarunta Gobalka Erer ee FIIQ.

Faah-Faahinta Hadba Kulamada Qabsooma kala socda Tabintooda ONA.

ONA / FIIQ.

June 21st 2019, 1:23 pm

Aaska Marxuum Abwaan Singub oo Hada Lagasoo Kala Dareeray.

Ogaden News Agency

Sida aan wararkii hore ku soo tabinay waxaa maanta aas-qaran magaalada jig jiga loogu sameeyey Abwaankii Soomaaliyeed, Halyeygii iyo Halgamaagii caanka ku ahaa Xornimadoonka, alle ha u naxariistee Abwaan Maxamuud Cabdulaahi Singub.

Waxaana xarunta madaxtooyada Ismaamulka Soomaalida oo marxuumka maydkiisa la keenay
taariikhdiisii Gobanimadoon iyo Suugaaneed kaga waramay Abwaaniin, xaaskiisa iyo Gabadhiisa Nagi Singub oo si cilmiyeysan uga hadashay taariikhdii uu Aabaheed ku dhax-lahaa Bulshada Soomaaliyeed.

Waxaa madasha lagu xusay qaar ka mid ah Suugaantiisii gobanimadoonka iyo Soomaali jacaylka ku dhisnayd.

Kadibna waftigii JWXO uu hogaaminaayo Admiral Maxamed Cumar cismaan iyo Xoghaya guud Halgame Abdirahman Shekh Mahdi Maadeey ayaa si gaara ula kulmay qoyskii Abwaanka waxay uga tacsiyeeyeen geerida ku timid Abwaanka oo ahaa shaqsi ka baxay dhamaan Bulshada Soomaaliyeed.

Intaas kadib, waxaa loo dareeray Qubuuraha ku yaala Gidhibka oo kumanaan shacab ah ay ku sugnaayeen halkaas oo lagu aasay Abwaanka.

Waxaana taariikhda Abwaanka ka hadlay dhamaanba ergooyinkii ka soo qayb galay Aaska qaran sida gudoomiyaha JWXO  iyo wafuudii kale.
Alle bari iyo ducuuyin kadib maanta oo ay taariikhdu tahay 21/06/2019 Maalin jimce ah ayaa alle kitaabkiisa midigta ha ka siiyee Abwaan Maxamuud Cabdulaahi Singub lagu aasay magaalada Jigjiga.

ONA/Jig Jiga.

June 21st 2019, 8:18 am

Aas Qaran oo Magaalada Jig Jiga Loogu Sameeyay Abwaan Singub.

Ogaden News Agency

waxaa Maanta aas qaran loogu sameeyay Magaalada Jig Jiga ee xarunta gobolka faafan alla ha u naxariistee Abwaan Mohamud Abdulaahi Ciise (Singub) aaskan qaran oo ay kasoo qayb galeen dad wayne aad u fara badan masuuliyiin iyo ergooyin ka socotay dawladaha bariga Afrika.

Aaska qaran ayaa waxaa ka soo qayb galay wafti heer sare ah oo ka socday Jabhada wadaniga Xoraynta Ogaadeniya (JWXO), Masuuliyiin ka socotay Dawlada Faderal Soomaaliya, Maaamulka Somaliland, Maamulka Deegaanka soomalida iyo Dawlada Jabouti.

Abwaanka ayaa ku geeriyooday Hospital ku yaala magaalada Adiss Ababa todobaadkan.

Waxaan ilaahay uga baryaynaa inuu naxariistii kano ka waraabiyo ehelkii iyo qaraabadii uu ka tagayna samir iyo iimaan ka siiyo.

Abwaanka ayaa wuxuu taariikh dahaba ku dhex laha guud ahaanba umada soomaaliyeed wuxuuna caan ku ahaa curinta riwaayadihii gumaysi diidka ahaa iyo heesihii gobonimo doonka ahaa.

ONA/Jig Jiga.

June 21st 2019, 4:50 am

Wafti balaadhan oo kasocda JWXO ayaa Socdaal Shaqo uga bilawday Gobalada Erer & Nogob.

Ogaden News Agency

Wafti balaadhan oo kasocda JWXO ayaa Socdaal Shaqo uga bilawday Gobalada Erer & Nogob.

Waftigan oo ay hor kacayaan Naftii-hure Cabdikaafi sheekh ismaaciil iyo Naftii-hure Abdi saxane ooy wehelinayaan masuuliyiin jabhadeed ayaa socdaalkooda kabilaabi doona Magaalada Fiiq ee Xarunta Gobalka Erer ee dalka Ogadenia.

Socdaalkan oo ahaa mid qorshaysnaa ayay ujeedadiisa ugu wayni tahay abaabul iyo wacyi galin bulsho taasoo lala wadaagayo Bulsho waynta ku dhaqan labadan Gobal oo baaxad weyn leh isla markaasna ahaa laf-dhabartii taageeridii hayaankii dheeraa ee Halgankii Xoriyad raadinta Ogadenia.

Waxaa lafilayaa inay masuuliyanta waftigani kulamo tiro badan oo iswaraysi iyo xogwaran ah layeelan doonaan bulshada  qaybeheeda kala duwan ee ku dhawan labadaas gobal.

Sidoo kale waxaa lafilayaa inay Masuuliyiinta jabhadeed ee lakulmiya bulshada ka jawaabaan wixii su’aalo ah ee bulshadu qabto iyagoo ka haqabtiraya Xogwaranka Jihooyinka halgankii qaabilay, Marxalada lamarayo iyo dar-dar galinta dadaalka Xoriyad raadinta dalka.

hadba halka ay marayaan Waftigu iyo waxay lakulmaanba faah-faahintooda kala socda ONA.

ONA / JIJIGA.

June 20th 2019, 6:49 am

Ururka Dhalinyarada OYSU oo Kulan Ku Qabtay Diri dhaba & Madaxda JWXO oo Ka Qayb Gashay,

Ogaden News Agency

Madaxda Ururka Dhalinyarada iyo Ardayda Soomaalida Ogadenia OYSU ee Ogadenia ayaa kulan balaadhan kuqabtay magaalada Dirdhabe ee galbeedka Ogadenia.

Kulankan oo ahaa mid taariikhi ah waxaa kasoo qayb galay madax katirsan Jabhada Wadaniga Xoraynta Ogadenia (JWXO) iyo dhalinta Jaamacadaha ee magaalada Dirdhabe.

Sidoo kale kulankan waxaa lagu doortay xoghayaha cusub ee Ururka OYSU laantiisa Dirdhabe, waxaana kulanka khudbado taariikhi ah kasoo jeediyay Gudoomiyaha OYSU Ogadenia halgame Cumar Sh Cabdulaahi (Cumar Sooya) iyo Mudane Ahiib Sheekh oo kamid ah madaxda OYSU ee Ogadenia.

Sidoo kale waxaa kulanka khudbad mug iyo miisaan leh kasoo jeediyay Afhayeenka JWXO Halgame Cadaani Hirmooge, wuxuuna Mudane Hirmooge dhalinta kula dardaarmay in ay kaalintooda ciyaaraan hanashada Hogaanka wadankana uriyaar garoobaan.

Gabagabadii xubnihii kulanka sooxaadiray ayaa Xoghayaha cusub ee OYSU Dirdhabe udoortay Halgame Maxamed Daahir oo kamid ah dhalinta OYSU ee Dirdhabe.

ONA.

June 19th 2019, 5:24 pm

Wafti JWXO ah oo Gaadhay Dagmada Iimay Bari.

Ogaden News Agency

Waxaa Dagmada Iimay-bari ee Gobolka Shabeelle gaadhay wafti balaadhan oo kasocday Jabhada Wadaniga Xoraynta Ogadenia (JWXO).

Waftigan oo kakoobnaa Xafiiska Jabhada ee Gobolka Shabeelle ayaa siwayn loogu soo dhaweeyay Dagmada Iimay-bari ee Gobolka Shabeelle, halkaas oo dadwayne aad utiro badan ay isugu soobaxeen.

Waftiga kasocday Maamulka Gobolka Shabeelle ee Xafiiska JWXO ayaa shacabka Dagmada Iimay-bari ku waaniyay in ay ilaaliyaan Amaanka Isla markaana ay taageerada halganka laba jibaaraan si loogaadho hadafka shacabka Soomaalida Ogadenia.

Dhinaca kale dadka shacabka ah ee kudhaqan Dagmada Iimay-bari ayaa sheegay in ay waligoodba taageersanaayeen halganka ay JWXO hormuudka utahay, hadana ay taageerada siiwadi doonaan.

Yuusuf Shariif.
ONA Iimay-bari.

June 19th 2019, 3:24 pm

Masuuliyiinta Qorahay Media oo Siminaar usoo Xidhay Dhalinyaro Ku Dhaqan Magaalada Jig Jiga.

Ogaden News Agency

Waxaa si guul ah kusoo dhamaaday tababar ay Mas’uuliyiinta Shabakada Qorahay Media uqabteen dhalinyaro badan oo kudhaqan magaalada Jigjiga.

Tababarkan ama siminaarkan oo ka socday Hotel Istanbuul oo kuyaala badhtamaha magaalada Jigjiga ayaa maanta loosameeyay xafladii xidhitaanka, waxaana Xaflada kasoo qayb galay musuuliyiin kala duwan oo magac iyo maamuusba bulshada kudhex leh.

Tababarkan oo uu bixinayay Milkiilaha Shabakada Qorahay Web TV, Xildhibaan Maxamed Ibraahim Mursal waxaa ka faa’iidaystay dhalinyaro badan oo maanta ah xirfadle yaal saxaafadeed, waxaana shahaadooyin lagudoonsiiyay dhalintii tababarka qaadatay.

Xaflada xidhitaanka ee maanta laqabtay waxaa kahadlay Drs, Fowsiya Cabdiqaadir oo kamid ah aqoonyahanada ree Ogadenia, waxayna Marwo Fowsiya dhalinta tababarka qaadatay kuwaanisay in ay ilaaliyaan shiruucda saxaafada ee ay barteen.

Sidoo kale waxaa dhalinta lahadlay Xildhibaan Cabdinaasir Gadhwayne oo kamid ah Golaha Dhexe ee JWXO, wuxuuna Halgame Gadhwayne bogaadiyay Bahda Qorahay Media iyo dhalinta tababarka qaadatay oo uu urajeeyay in ay waxbadan saxaafada kabadali doonaan.

Sidoo kale waxaa madasha kahadashay Abwaanad Roodo Ibraahim Cabdi Gurey (Afjano) oo iyaduna kamid ah tirfactirayaasha Qoraxay Web TV, waxayna Marwo Roodo aad usharaxday waajibaadka wariyaha saaran oo haduu kaleexdo ay khalad tahay.

Gabagabadii waxaa Xaflada soo afmeeray Agaasimaha Guud ee Qorahay Media Halgame Maxamed Ibraahim Mursal, isagoo dhalinta urajeeyay in ay waxbadan bulshada uqaban doonaan, wuxuuna Agaasimuhu sheegay in uu dhalinyaro kale si bilaash ah utababari doono si ay bulshada ugu adeegaan.

ONA.

June 19th 2019, 2:54 pm

Wafti JWXO oo Lagusoo Dhaweeyay Dagmada Yoocaale Ee Gobolka Jarar.

Ogaden News Agency

Waftigii Jabhada Wadaniga Xoraynta Ogadenia (JWXO) ee socdaalka ku marayay qaar kamid ah Gobolada Ogadenia ayaa si wayn loogu soo dhaweeyay Dagmada Yoocaale ee Gobolka Jarar.

Madaxda Jabhada Wadaniga Xoraynta Ogadenia (JWXO) ayaa soodhawayn kadib lakulmay Odayaasha Dhaqanka ee Dagmada Yoocaale ugu magaca wayn.

Madaxda JWXO ayaa ugu horaynba Odayaasha usheegay in ay Soo salaameen, Isla markaana ay doonayaan in ay wax badan oo danta dalka iyo dadka ah kawada hadlaan si isku meel loogu dhaqaaqo.

Dhinaca kale Odayaasha oo uu hogaaminayay Suldaan Dheeg Jaamac Shaacib, oo kamid ah salaadiinta waawayn ee Gobolka Jarar ayaa sheegay in ay siwayn usoo dhawaynayaan madaxda JWXO iyagoo sheegay in ay mar horaba sugayeen in ay JWXO soo dhex fadhiisato Dagmada Yoocaale.

Sidoo kale Odayaasha ayaa Madaxda JWXO kucasuunay Dagmada si ay wax badan uga wada hadlaan, waxaana casuumada aqbalay madaxda JWXO.

Dhinaca kale madxda JWXO ee socdaalka kutagay Dagmada Yoocaale ayaa lakulmay xubnaha iyo taageerayaasha JWXO, iyagoo wax badana kala hadlay.

Tuuladiid.
ONA Yoocaale.

June 19th 2019, 12:37 pm

Wafti Ka Socda JWXO oo Su Wayn Loogusoo Dhaweeyay Dagmada Awaare.

Ogaden News Agency

Wafti kasocday Jabhada Wadaniga Xoraynta Ogadenia (JWXO) ayaa siwayn loogu soo dhaweeyay Dagmada Awaare ee Gobolka Jarar.

Waftigan oo uu hogaaminayay Xoghayaha Golaha Dhexe ee JWXO mudane Maxamed Shariif Cumar ayaa meel fagaare ah kula hadlay dadka shacabka ah ee kudhaqan Dagmada Awaare iyo deegaanada hoos yimaada.

Kuxigeenka Xoghayaha Guud ee JWXO ahna Hogaanka Warfaafinta JWXO Mudane Axmed Yaasiin Sh Ibraahim oo hadalka ku horeeyay ayaa dadka ree Awaare usharaxay sababtii keentay in JWXO ay hubka qaado iyo marxaladihii uu halganku soomaray, wuxuuna halgame Axmed Yaasiin shacabka ucadeeyay marxalada cusub ee halganku uu galay iyo sida ladoonayo in loola jaanqaado.

Halgame Axmed Yaasiin ayaa sidoo kale sheegay in shacabka Soomaalida Ogadenia oo dhibaatooyin badan soomaray aan maanta loogu caga juglayn karin kiish Qabandi ah si hadafkooda looga leexiyo.

Dhinaca kale halgame Maxamed Shariif Cumar Xoghayaha Golaha Dhexe ee JWXO ayaa fariin rasmi ah udiray ciidamada deegaanka, isagoo sheegay in ciidanka aan loo adeegsan karin arimo siyaasadeed.

Sidoo kale Maxamed Shariif ayaa maamulada Gobolada Ogadenia kawaaniyay in aysan isku mashquulinin dajinta calanka JWXO isagoo sheegay in uu si sharci ah uga babanayo Addis Ababa, Jigjiga iyo dhamaan Gobolada Ogadenia.

Sidoo kale labada mas’uul ayaa si isku mid ah shacabka ugu sheegay in ay amaanka ilaaliyaan Isla markaana Midnimada ay kudadaalaan.

Shacabka kudhaqan Dagmada Awaare ayaa dhankooda sheegay in ay siwayn ugu ooman yihiin aragtida JWXO iyo qorshayaasha Jabhada ee mustaqbalka dhaw hadii Alle Idmo.

Tuuladiid.
ONA Awaare.

June 19th 2019, 7:34 am

Shir Loogu diyaar garoobayo  doorshada Maamulka unugta gobalka Jarar oo hada ka socda Magaalada Dhag

Ogaden News Agency

Shir Loogu diyaar garoobayo  doorshada Maamulka unugta gobalka Jarar oo hada ka socda Magaalada Dhagaxbuur.

Shirkan oo si heer sare ah loosoo abaabulay kana dhacaya hoolka shirarka ee magalada dhagaxbuur ayay ujeedadiisu Tahay u diyaar garoobida doorashada iyo dibu habaynta  Maamulka Unugta JWXO ee xarubta Gobalka Jarar ee Dhagaxbuur.

Waxaana shirkan kasoo qayb galay bulshada qaybaheeda kala duwan sida culumida, hoyooyinka, dhalinyarada, ganacsatada iyo aqoonyahanka ku dhaqan xarunta Gobalaka Jarar ee Dhagaxbuur.

Sidoo kale waxaa goob joog aha masuliyiin Jabhadeed oo Gole dhexe ah kana midyihiin Halgame Muxumad-Ani,
Muhumed Cabdulahi Guleed, &
Hooyadii Halganka Canbaro muuse (Hooyo canbaro dheer )

Shirka oo sidii caadada ahayd lagu bilaabay aayado qur’aan ah kadibna loo istaagay heestii Calanka Ogaadeeniya ayaa ilaa hada si habsami leh usocda waxaana  larajaynayaa inuu kusoo dhamaado jawi dagan.

Faah-Faahintiisa Kala soco ONA.
ONA – Dh/buur

June 19th 2019, 5:13 am

Wafti Ka socda JWXO oo Socdaal Ku Maray Dagmada Xamaro.

Ogaden News Agency

Wafti balaadhan oo kasocda Jabhada Wadaniga Xoraynta Ogadenia (JWXO) ayaa socdaal shaqo kumaray Dagmada Xamaro ee Gobolka Erar iyo deegaanada kuxeeran.

Waftigan oo indhawaalaba marayay qaybo kamid ah Gobolka Erar ayaa kulamo laqaatay qaybaha kala duwan ee bulshada sida Odayaasha iyo dadwaynaha, waxayna waftigu shacabka kudhaqan Gobolka Erar ugudbiyeen fariintii JWXO ee ahayd midnimo iyo ismaqal.

Waftiga ayaa shacabka kudhaqan Gobolka Erar kuwaaniyay in ay amaanka ilaaliyaan isla markaana lashaqeeyaan laama amaanka si nolasha iyo daganaan shuhu ay utaaba galaan.

Dhinaca kale shacabka Gobonimada jecel ee kudhaqan Gobolka Erar ayaa muujiyay rabitaanka iyo taageerada ay uhayaan Jabhada Wadaniga Xoraynta Ogadenia (JWXO) oo ah mid ah naf iyo maal badan uhureen si ay uhanato ciida.

Shacabka ayaa sidoo kale waftiga umuujiyay taageero badan oo ay uhayaan halganka xaqa ah si looga baxo duliga badan ee shacabku uu mutay.

ONA.

June 19th 2019, 5:01 am

Wafti Baladhan oo JWXO ah ayaa Gaadhay Tuulada Dhagax tuur Ee Dagmada Yoocaale.

Ogaden News Agency

Wafti balaadhan oo kasocday Jabhada Wadaniga Xoraynta Ogadenia (JWXO) ayaa gaadhay Tuulada Dhagax-tuur oo Dagmada Yoocaale ee Gobolka Jarar katirsan.

Waftigan oo uu hogaaminayay Xoghayaha Golaha Dhexe ee JWXO Halgame Maxamed Shariif Cumar ayaa dadka shacabka ah ee kudhaqan Tuulada Dhagax-tuur kula hadlay badhatamaha Tuulada halkaas oo dadku ay aad ugu soo dhaweeyeen.

Waftiga JWXO ayaa dadka ree Dhagax-tuur usharaxay ujeedada Ururka ONLf oo ah mid aan waligeed isbadalin, waxayna waftigu shacabka usheegeen in qaab nabad galiyo ah ay kudagaalami doonaan iyagoo kaashanaya shacabkooda madaalaha ah ee halganka halkan soogaadhsiiyay.

Madaxda JWXO ee Dhagax-tuur gaadhay ayaa sidoo kale sheegay in shacabka aan loo indha guduudin karin Isla markaana aan laga weecin karin rabitaankooda.

Dadka Shacabka ah ee kudhaqan Tuulada Dhagax-tuur ayaa dhankooda sheegay in loogu hanjabo in qabandida laga gayn doona hadii ay taageeraan Ururka ONLf, taas oo ah bay dhaheen mid aan hadafkooda lagu leexin karin.

Gabagabadii Madaxda JWXO iyo dadka ree Dhagax-tuur ayaa Isla sheegay in si midaysan looga bixi karo caqabadaha yar yar ee ina hor yaala.

Tuuladiid.
ONA Dhagax-tuur.

June 18th 2019, 1:54 pm

inaalilaahi wa inaa ilayhi Raajicuun Taariikh Nololeedkii Abwaan Singub,

Ogaden News Agency

Ilaalilaahi wa inaa ilay raajicuun Abwaan Mohamed Abdulaaho Ciise (Singub) Wuxuu maanta ku geeriyooday Hospital wayn oo ku yaala Magaalada Adiss Ababa abwaankii wayn e Maxamuud Cabdilaahi Ciise oo ku magac dheeraa ‘Singub’ ayaa wuxuu ku lahaa bulshada soomaaliyeed dhex deeda gaar ahaan dhinaca suugaanta taariikh muuqata.

Abwaanka ayaa waayadii dambe la daalaa dhacayey xanuunka macaanka iyo dhaawac la sheegay in uu lugta ka soo gaaray mar uu ku sugnaa Sacuudiga oo uu Cumro u aaday.

Abwaan Singub ayaa hilaaddii 1943-dii ku dhashay xarunta gobolka Jarar ee Magaalada Dhagax buur ee Dhulka Soomaalida Ogaadeniya.

Waxa uu fanka kusoo biiray asagoo da’yar , waxa uuna ku bilaabay ciyaarta dhaantada oo uu aad ugu soo caan baxay.

Bilowgii sannadkii 1961 ayuu tagay magaalada Hargeysa oo uu muddo kooban Joogay, isla sanadkaas ayuuna u wareegay magaalada Muqdisho.

Waxa uu abwaanku caan ku ahaa samaynta riwaayadaha iyo curinta heesaha. Waxa uuna lahaa heeso iyo riwaayado badan oo caan baxay.

Riwaadaha sida wayn loogu xasuusto waxaa ka mid ahaa: Waa Maadays Adduunyadu Dadkuna waa Matalayaan, Qabrigii Jacaylka, Xuskii Jacaylka , Xuudbaa liqay Jacaylka , iyo Qabyo oo uu sameeyey burburkii kaddib.

Sidoo kale riwaayadaha Xorriyo , Maadays , Gari makaa baxdaa (Ninba Tacabkii Talooy Kaa Maal) , iskuma Qaddo , Xaajo Ugub, Geedigaa Kaa lumay, Yaxaa Dhagaduub, Halkay Qoontu Taal Takhtarkii Qali Waa , Ummad Wada Qorqodo ah baan Wax u Qeybi Leeyahay iyo kuwa kale sida Afrikaay Hurudooy.

Abwaan Maxamuud Cabdullaahi Ciise Singub sidoo kale wuxuu noqday maamulaha tiyaatarka Hargeysa.

Abwaan Singub waxa uu ka mid ahaa hal abuuradii ugu caansanaa ee taariikhda fanka Soomaaliyeed soo mara, waxa uu sanadihii ugu danbeeyay ku sugnaa magaalada Muqdisho, oo uu ka sameeyay koox la yiraahdo Deegaan kuwaas oo masraxyada la isugu yimaado ka dhiga heeso iyo riwaayado dhamaantood ka tarjumaya in dib loo dhiso Soomaaliya lagana gudbo kala qaybsanaanta.

Abwaan Singub ayaa burburkii kaddib ku noolaa dalka Jabuuti oo uu kusoo dhaweeyey madaxweyne Cismaaciil Cumar Geelle, asagoo waayadii dambena u wareegay magaalada Muqdisho.

Waxa uu sidoo kale waayadii dambe ahaa guddoomiyaha golaha abwaanada Soomaalida.

Waxaana la sheegaa in uu ahaa Abwaanka labaad ee Soomaali ugu riwaayadaha badan Waxaana ka horreeya oo kaliya Axmed Saleebaan Bidde.

Waxaa lagu tilmaamaa in uu ahaa abwaanka kaliya ee suugaantiisu ay Soomaaliya dhaafsiisnayd, Suugaantiisa ayaana u badnayd gumaysi diid iyo mid uu ka sameeyey xornimo doonkii Afrika.

Abwaanka ayaa wuxuu Taariikh dahab ah ku dhex lahaa Halgamadii soo maray Ogaadeniya oo dhan asagoo door muhiima ka ciyaaray kaalin tiisa suugaaneed.

ilaahay Naxariistii Jano haka waraabiyo ehelkii iyo qaraabadii uu ka baxay iyo guud ahaanba shacabkii soomaaliyeed samir iyo iimaan haka siiyo.

ugu Danbayn Madaxda Jabhada ONLF gudiga fulinta Golaha dhexe iyo kaadir ka JWXO ayaa waxay tacsi u dirayaan bulshada soomaaliyeed po dhan gaar ahaana qaraabadii iyo ehelkii Abwaan Mahamuud Cabdulaahi ciise Singub.

ONA.

June 18th 2019, 11:09 am

Madaxda JWXO oo Ku Meer Ku Maray Magaalada Wardheer Dhexdeeda.

Ogaden News Agency

Madaxda Jabhada Wadaniga Xoraynta Ogadenia (JWXO) ee kusugan Magaalada Wardheer ee Xarunta Gobolka Doollo ayaa ukuur galay xaalada Magaalada oo horaantii todobaadkan ay shaqaaqooyin kadhaceen.

Waftiga JWXO ayaa soo indha indheeyay qaarkamid ah goobihii ay wax kadhaceen iyo goobaha caanka ah ee magaalada, waxayna waftigu soo darseen sidii ay wax udhaceen maalinkii shaqaaqadu ay dhacday.

Sidoo kale waftiga ayaa lakulmay qaar kamid ah dadkii shacabka ahaa ee ciidanka Layuugu ay wax yeelada ugaysteen, kuwaas oo qaar kamid ah ay kuyaalaan nabaro waawayn.

Waftiga Jabhada Wadaniga Xoraynta Ogadenia (JWXO) oo mudo 3 bari ah kusugnaa Magaalada Wardheer ayaa uyimid in ay ukuur galaan wixii Magaalada kadhacay Isla markaana ay lakulmaan dadka ay khusayso.

Wixii kasoo kordha Waftiga JWXO ee Gobolka Doollo kala soco Wakaalada Wararka Ogadenia (ONA).

ONA.

June 18th 2019, 10:39 am

Jaaliyada Ogadenia ee Wadanka Canada iyo Abaabul Xoogan.

Ogaden News Agency

Jaaliyada Ogadenia ee wadanka Canada  ka howlgasha ayaa  waxaa maal mahan laga dareemayaa  dhaq-dhaqaaq  xoogan oo ku saabsan sidii kor loogu qaadilahaa tirada iyo tayada Jaaliyada  Ogadenia ee wadankaasi Canada.

Wadanka  Canada oo horay u ahaan jiraya  wadamada uu saldhigtay Halganka gobanimadoonka Somaalida Ogadenia ayaa waxaa jiray in sanadihii la soo dhaafay laga badiyay tartankii  abaabulka halganka aayo katalinta shacabka Somaalida Ogadenia.

Canada waxay kamid tahay  wadamada ay ku noolyihiin aqoonyahanka ugu tirada  badan ee ka soo jeeda Ogadenia.Hadaba  waxaa maanta  shir lagu qabtay xafiiska jaaliyada Ogadenia ee  magaalada Edmonton, shir kaasi uu soo qaban qaabiyay  Isku duwaha  Jabhada wadaniga Xoreynta Ogadenia  ee Wadanka Canada Mudane Abdi Hirsi, shirkan ooy ka  soo qayb galeen masuuliyiin kamid ah golaha dhexe ee JWXO,Maamulka Jaaliyada iyo aqoony meeqaan sare ku dhaxleh Halganka Ogadenia  kana mid ahaayeen,

PHD:Mahmoud Ugaas iyo Mr:Ahmed Yaasin ayaa lagaga dooday  qodobo dhowr ah sida qorshaha guud ee xaalada geeska africa  gaar ahaan shacabka Soomaalida Ogadenia,JWXO, Somali State,iyo abaabulka Jaaliyada Ogadenia  ee wadanka Canada.

Shirkan oo saacada  qaatay uuna  shir godoominayay  Isku duwaha  JWXO ee Wadanka Canada Mudane  Abdi Hirsi ayaa  waxaa  hoosta  laga xariiqay , qodobo dhaxal gal ah oo lagu taaba galinaya  Masiirka  Shacabka Ogadenia, Shirkan ayaa  ku soo dhamaaday guul iyo jawi farxadeed.

ONA:Canada.

June 18th 2019, 2:32 am

Wafti Ka socda JWXO oo Safar Ku Tagay Tuulooyinka Dagmada Yaxoob.

Ogaden News Agency

Waftigii Jabhada Wadaniga Xoraynta Ogadenia (JWXO) ee Gobolka Erar ayaa socdaal kutagay Tuulooyinka hoos yimaada Dagmada Yaxoob ee Gobolka Erar.

Waftigan oo ka amba baxay Magaalada Jigjiga ayaa howlo muhiim ah ka qabtay Gobolka Erar, waxayna waftigu lakulmeen dadka shacabka ah ee kudhaqan qaybo kamid ah Gobolka Erar.

Dadka Shacabka ah ee waftigu ay lakulmeen ayaa muujiyay rabitaanka iyo xiisaha ay uqabaan Jabhada Wadaniga Xoraynta Ogadenia (JWXO) oo in badan dartood dhiiga usoo daadisay.

Wax garadka kudhaqan Tuulooyinka hoos yimaada Dagmada Yaxoob ayaa sheegay in uu jiro cadaadis ay shacabka saaraan xubnaha Xisbigu, balse waxay wax garadku sheegeen in rabitaankooda aan raashin labixiyo iyo handadaad lagaga weecin karin.

Xubnaha kasocda Jabhada Wadaniga Xoraynta Ogadenia (JWXO) ayaa gaadhi doona deegaanada kala duwan ee Gobolku uu kakooban yahay waxayna shacabka ugudbinayaan fariinta JWXO ee ah isku duubni iyo walaaltinimo.

ONA.

June 12th 2019, 11:05 am

Waftigii JWXO oo La Kulmay Odayaasha Dhaqanka Magaalada Wardheer

Ogaden News Agency

Waftigii kasocday Jabhada Wadaniga Xoraynta Ogadenia (JWXO) ee kusugnaa Dagmada Wardheer ee Xarunta Gobolka Doollo ayaa lakulmay Odayaasha Dhaqanka ee Bariga Gobolka Doollo.

Madaxda JWXO ee booqashada kujooga Magaalada Wardheer ayaa goobta ay magaalada kadagan yihiin kubooqday salaadiinta Beelwaynta Dhulbahante, kuwaas oo howlo ujoogay Magaalada Wardheer.

Madaxda Jabhada Wadaniga Xoraynta Ogadenia (JWXO) oo hadalka ku horeeyay ayaa sheegay in ay usocdeen salaan iyo iswaraysi waxayna Waftigu salaadiinta ugudbiyeen salaan iyagoo wakiil ka ah madaxda kala duwan ee JWXO.

Sidoo kale madaxda JWXO ayaa Odayaasha xog waraystay waxayna kawada hadleen arimo muhiim ah oo dan u ah dalka iyo dadka oo ubaahan in marxaladan laga gudbiyo.

Dhinaca kale waxaa si Kal iyo laab ah salaanta ugudoomay Odayaasha kulanka fadhiday oo ay kujireen kuwo magac iyo maamuus kuleh dhulka Soomaalida. Sidoo kale Odayaasha ayaa Madaxda JWXO kucasuunay deegaanada ay kasoo jeedaan.

Madaxda JWXO ee kulanka fadhiyay ayaa dhankooda siwayn usoo dhaweeyay kulanka ay laqaateen Salaadiinta iyagoo sheegay in ay yeelan doonaan kulamo intan kabadan.

Waftiga JWXO ayaa kulamo kale lagali doona qaybaha kale ee bulshada baryaha soosocda hadii Alle Idmo.

Tuuladiid.
ONA Wardheer.

June 11th 2019, 12:54 pm

Waftigii JWXO oo Si Diiran Loogusoo Dhaweeyay Magaalada Wardheer.

Ogaden News Agency

Waxaa sinabad ah Dagmada Wardheer ee Xarunta Gobolka Doollo kugaadhay Waftigii kasocday Jabhada Wadaniga Xoraynta Ogadenia (JWXO).

Waftigan oo kasoo kicitimay magaalada Jigjiga ayaa kusoo hakaday magaalada Qabridahare, halkaas oo saaka subixii ay kasoo baxeen.

Dadka Shacabka ah ee magaalada Wardheer kudhaqan ayaa waftiga JWXO kusoo dhaweeyay Xafiiska Jabhada Wadaniga Xoraynta Ogadenia (JWXO) ee magaalada Wardheer, waxayna shacabku muujiyeen farxada iyo kalsoonida ay uhayaan madaxda JWXO.

Waftiga JWXO ee gaadhay Gobolka Doollo ayaa durba bilaabi doona kulamo ay layeelanayaan qaybaha kala duwan ee bulshada, waxayna waftigu indha indhayn doonaan xaalada Magaalada iyo dadkii uu dhibku dhawaan soogaadhay.

Wixii kasoo kordha kala soco Wakaalada Wararka Ogadenia (ONA).

ONA Wardheer.

June 11th 2019, 8:51 am

Wafti Balaadhan oo Ka Socda JWXO oo U Anba Baxay Magaalada Wardheer.

Ogaden News Agency

Waxaa Magaalada Jigjiga ee Xarunta Gobolka Faafan ka amba baxay wafti balaadhan oo kasocda Jabhada Wadaniga Xoraynta Ogadenia (JWXO).

Waftigan oo uu hogaaminayo Xoghayaha Golaha Dhexe ee JWXO Mudane Maxamed Shariif Cumar ayaa kuwajahan magaalada Wardheer ee Xarunta Gobolka Doollo.

Waftiga ayaa Soo indha indhayn doona Xaalada Gobolka Doollo gaar ahaan magaalada Wardheer, halkaas oo dhawaan ay kadhaceen shaqaaqooyin udhaxeeyay dadka Deegaanka iyo maamulka Gobolka.

Waftiga ayaa hadii Alle Idmo lakulmi doona qaybaha kala duwan ee bulshada kudhaqan Gobolka Doollo, waxayna waftigu qiimayn rasmi ah kusamayn doonaan shaqaaqadii dhacday ee dadka Shacabka ah ay wax yeeladu kasoo gaadhay.

ONA.

June 10th 2019, 9:15 am

Kulan Dhexmaray Ururka Dhalinyarada OYSU iyo Dhalinyarada Magaalada DiriDhaba.

Ogaden News Agency

Waxaa si guul ah kudhamaaday kulan magaalada Dirdhabe ku dhexmaray madax kasocotay Ururka Dhalinyarada iyo Ardayda Soomaalida Ogadenia (OYSU) iyo dhalinta Magaalada Dirdhabe.

Wafiga OYSU oo uu hogaaminayay Gudoomiyaha OYSU ee Ogadenia Mudane Cumar Sh Cabdulaahi (Cumar Sooya) ayaa maalin nimadii shalay ahayd gaadhay magaalada Dirdhabe halkaas oo ay kormeer howleed kugaadheen.

Mudane Cumar Sooya iyo wafiga uu hogaaminayo ayaa shirar uqabtay dhalinta OYSU ee magaalada Dirdhabe iyo dhalinta Jaamacadaha ee magaalada, waxayna kala hadleen arimo dhowr ah oo dhamaantood anfacaya dadka iyo dalka.

Kulankan oo ahaa mid muhiim ah ayaa kudhamaaday si guul ah waxayna dhalintu ku sameeyeen shaqo qaybsi.

ONA.

June 10th 2019, 8:14 am

Ururka Dhalinyarada OYSU Magaalada Jig Jiga oo Agoonta Ogaadeniya Deeq Gaadh siiyay.

Ogaden News Agency

Ururka Dhalinyarada iyo Ardayda Soomaalida Ogadenia (OYSU) laantiisa Jigjiga ayaa maanta oo Axad ahayd Agoonta iyo Danyarta Ogadenia uqaybiyay raashin tabarucaad ah.

Dhalinta OYSU ee magaalada Jigjiga ayaa isu xilqaamay sidii ay uga farxin lahaayeen Danyarta reer Ogadenia ee kudhaqan Magaalada Jigjiga, waxayna maanta gaadhsiiyeen deeq raashin ah.

Dhalinta OYSU ayaa raashinkan masoo uruuriyay dadka wax haysta ee magaalada kudhaqan, waxayna isu xilqaameen in ay caawiyaan dadka baahan.

Ururka Dhalinyarada iyo Ardayda Soomaalida Ogadenia (OYSU) ayaa utaagan gacan qabashada dadka tabaalaysan ee Ogadenia kudhaqan, wuxuuna Ururku in badan caawiyay Danyarta iyo Agoonta Ogadenia kudhaqan.

ONA Jigjiga.

June 9th 2019, 2:14 pm

ONLF oo Bayaan Kasoo saartay Dhibaataa Ka Dhacday Wardheer.

Ogaden News Agency

Jabhada Wadaniga Xoraynta Ogaadeniya oo Bayaan Kasoo Saartay Dhibaatada ka Dhacday Wardheer.

Xilliyadii u dambeeyay oo dhan waxaa Gobolka Doollo ka jirtay dhibaato ka abuurantay maamulka Gobolka iyo qaabka ay dowlad deegaanku u maaraysay.

Shacbiga ayaa ka biya-diiday magacaabista guddoomiyaha cusub ee Gobolka iyo saami-qaybsiga maamulka Gobolka. Arrintaasi waxay dhalisay banaanbaxyo baahsan. Banaanbaxyadaas waxaa u dambeeyay mid la qabtay Arbacadii oo taariikhdu ahayd 05 June 2019, kaasoo ay ciidammada amaanku xoog ku kala kaxeeyeen dadkii bannaanbaxayay, dhibaatooyin badan iyo xadgudubyo baahsana ay u gaysteen shacbiga.

Waxaa dhaawacyo kala duwan loo gaystay dad shacab ah, oo qaarkood uu dhaawacoodu sii daran yahay. Waxaa sidoo kale xabsiga loo taxaabay dadwayne aad u badan. Dadka la xidhxidhay waxaa ka mid ah xubno ka tirsan maamulka Xafiiska JWXO ee magaalada Wardheer, oo qaab shirqool ah loo qaqabtay iyagoon wax lug ah ku lahayn bannaanbaxyada ka dhacayay Gobolka.

Bannaanbaxu wuxuu ahaa mid sharci ah oo hay’adaha ammaanka iyo maamulka gobolkuba ay ka warhayeen. Dhibaataduna waxay billaabatay, ka dib markii ciidammada ammaanku ay xabsiga u taxaabeen labo dhalinyaro ah oo bannaanbaxayaasha ka mid ah, kuwaasoo la xidhay iyagoon wax shaqaaqo ah samaynin.

Bannaan baxayaasha ayaa arrintaas ka cadhooday, waxayna sku soo xoomeen meeshii dhalinnyarada lagu xidhay, hase yeeshee maamulkii Gobolka ayaa dalbaday ciidammo Liyu Police ah, kuwaas oo markii ay yimaadeen cagta mariyay dhamaanba dadkii shacabka ahaa ee aagga ka dhawaa, iyagoon cidna u aaba-yeelin.

Ciidamada amaanku waxay weerareen xafiiskii Jabhadda Wadaniga Xoraynta Ogadenia (JWXO) Gobolka Doollo, halkaas oo ay gabood-fallo ka gaysteen, iyagoo calankii Jabhadda jeex-jeexay, dhalinyaro xafiiska joogtayna xabsiga u taxaabay. Waxay sidoo kale weerareen xafiisyadii Jabhadda ee magaalooyinka Uubataale iyo Dannood, waxayna qaateen calamo xafiisyada sudhnaa, iyagoo u hanjabay hawlwadeenkii Jabhadda.

Jabhadda Waddaniga Xoraynta Ogaadeenya (JWXO) waxay si kulul u cambaaraynaysaa falalka argagixisada ah ee loo gaystay shacbiga sida nabadgalyada ah ugu banaanbaxayay magaalada Wardheer, waxayna dowlad deegaanka uga digaysaa tallaabooyinka noocaas oo kale ah, oo horseedi kara amaan xumo baahsan iyo in dib loogu noqdo marxaladihii laga soo gudbay ee ku dhisnaa cabudhinta iyo xoog ku-muquuninta shacbiga.

Jabhaddu waxay dowlad deegaanka ugu baaqaysaa in ay sida ugu dhakhsaha badan u sii dayso shacbiga xaq-darada ku xidhxidhan, isla markaana ay ka shaqayso sidii xal waara loogu heli lahaa dhibaatada ka taagan Gobolka Doollo, iyadoo la tashanaysa oo dhagaysanaysa tabashooyinka dhamaan shacbiga walaalaha ah ee ku dhaqan Gobolka.

Jabhaddu waxaa kale oo si kulul ay u cambaaraynaysaa xadgudubyada aan dhamaadka lahayn ee hay’adaha dowlad deegaanku kula kacayaan xafiisyada iyo hawlwadeenka Jabhadda. Dhawrkii toddobaad ee u dambeeyay waxay maamulada dowlad deegaanku weerareen oo dhibaatooyin u gaysteen in ka badan 10 Xafiis oo Jabhaddu ay ku leedahay Gobolada dalka iyo hawlwadeenkii ka shaqaynayay. Ilaa iyo hadda maamullada dowlad deegaanku Jabhadda ma ayna soo gaadhsiinin wax cabasho ah oo ay ka tirsanayaan xafiisyada iyo hawlwadeenka Jabhadda.

Jabhaddu waxay dowlad deegaanka uga digaysaa eedaha aan salka iyo raadtoona lahayn ee Jabhadda ay dusha ka saarayso, si ay qiil ugu samayso cabashooyinka ay shacabku kaga cabanayaan maamul xumada iyo xadgudubyada ay kula kacayso. Dawlada ayaa masuul ka noqon doonta cawaaqib xumada ka timaada xubnaha Jabhadda ee loo samaynayo dambiyo ayna lahayn ee maxkamadaha loo diyaarinayo.

Jabhaddu waxay aaminsan tahay in badi dadka hogaanka u haya maamulada Gobolada iyo Dagmooyinka ee dowlad deegaanku ay aaminsan yihiin, kuna shaqaynayaan in ka tirsanaanta ONLF ay dambi tahay.

Jabhaddu waxay u aragtaa in falalka noocan ah ay qayb ka yihiin siyaasadda dowlad deegaanka, arrintaasina ay khatar ku tahay nabad galiyada iyo xasilloonida dalka, isla markaana ay si cad uga hor-imanayso heshiiskii nabadeed ee dhex-maray Jabhadda iyo dowlada Itoobiya.

Jabhaddu waxay dowlad deegaanka ka dalbaysaa in ay jawaab cad oo dag dag ah ka bixiso talaabooyinka sharci darada ah ee Jabhadda ay kula dhaqmayso, isla markaana ay cudurdaar rasmi ah ka bixiso xidhayga sabab la’aanta ah iyo tacaddiyada ay kula kacayso xubnaha iyo hawlwadeenka jabhadda, ayna balanqaado in talaabooyinka noocaas ahi ayna dib dambe u dhacaynin.

Jabhaddu waxay diyaar u tahay in ay dhinaceeda wanaajiso xidhiidhka iyo wadashaqaynta ay la leedahay hay’adaha dowlad deegaanka, isla markaana ay kala shaqayso arimaha amaanka iyo horumarinta nabadda, laakiin uma dulqaadan doonto gabood-fallada sida qorshaysan loogu samaynayo, waxayna qaadi doontaa talaabooyin u gaar ah oo dhibaatooyinkaas lagu xakamaynayo.

Jabhaddu waxay shacbiga ugu baaqaysaa in ayna marna oggolaanin in dib loogu celiyo wixii la soo dhaafay, xaqoodana ay mar walba si nabad galiyo ah u raadsadaan, nabadda iyo xasilloonidana ay ilaaliyaan.

Jabhaddu waxay ciidamada amaanka, gaar ahaan Liyu Police-ka, ugu baaqaysaa in ay ka digtoonaadaan in mar kale shacbigooda loo adeegsado, ogaadaana in ay yihiin ciidamo bulshada u dhexeeya ee ayna ahayn ciidammo uu xisbi gaar ahi danihiisa ku fushado.

Jabhada Wadaniga Xoraynta Ogadenia (JWXO).

June 7th 2019, 10:25 am

Hay’ada daryeelka Naafada iyo Agoonta ayaa deeq raashin ah uqaybisay danyarta iyo Agoonta Ogadenia

Ogaden News Agency

Hay’ada daryeelka Naafada iyo Agoonta Ogadenia ayaa deeq raashin ah uqaybisay danyarta iyo Agoonta Ogadenia ee kudhaqan xerada qoxootiga Xagardheere ee Gobolka Woqooyi Bari Kenya.

Deeqdan raashinka ah oo ay soo uruuriyeen Gudiga Masaajidka Al-furqaan ee galbeedka magaalada London ee wadanka UK, ayaa lagu wareejiyay Hay’ada daryeelka Naafada iyo Agoonta Ogadenia ee fadhigeedu yahay wadanka Kenya.

Deeqdan raashinka ah oo ahayd Zakaatul Fidri ay labaxeen muslimiinta Magaalada London ayaa maanta lagaadhsiiyay danyar iyo agoon aad ubadan oo kunool xerada qoxootiga Xagardheere ee Deegaanka Faafi.

Dadka danyarta ah iyo Agoonta ree Ogadenia ee deeqdan ka faa’iidaystay ayaa sheegay in ay aad ugu faraxsan yihiin mucaawinada lasoo gaadhsiiyay waxayna aad ugu duceeyeen dadkii labaxay iyo dadkii kasoo qaaday labadaba.

ONA.

June 6th 2019, 3:59 pm

ururka Culimada Ee UCSO & Culimada Ogadeniya oo Kulan Wada Qaatay.

Ogaden News Agency

Waxaa si guul ah kusoo dhamaaday kulan dhex maray Madaxda Ururrka Culimada Soomaalida Ogadenia (UCSO) iyo Culimada Soomaaliyeed ee magaalada Jigjiga.

Kulankan oo kubilowday kala warqaadasho iyo isbarasho ayaa lagu gorfeeyay arimo dhowr ah waxayna dhamaan qodobadii laga dooday culimadu ka noqdeen isku aragti.

Culimada ayaa siwayn isula eegay sidii dhinaca wanaagsan bulshada diinta iyo dhaqankaba laga haleey loogu dhaqaajin lahaa iyo sidii jiil nadiif ah oo dadka anfaca loosoo saari lahaa.

Sidoo kale Culimada kudhaqan magaalada Jigjiga ayaa sheegay in ay taageero buuxda ufidinayaan halganka mudada dheer socday ee ladoonayo in lagu xaqiijiyo rabibaanka shacabka Soomaalida Ogadenia.

Culimada ayaa sidoo kale Isla eegay sidii loo dhex dhexaadin lahaa Shacabka Soomaalida Ogadenia ee la isku mashquuliyay, kuwaas oo isku haysta tuulooyin iyo deegaano ay wada daaqi karaan.

Gabagabadii kulankii dhex maray Madaxda Ururrka Culimada Soomaalida Ogadenia (UCSO) iyo qaar kamid ah Culimada magaalada Jigjiga ayaa kusoo dhamaaday guul iyo jawi qurux badan.

ONA.

June 6th 2019, 8:13 am

Wararkii Ugu Dambeeyay Ee Magaalada Wardheer.

Ogaden News Agency

Wararka ka imanaya Magaalada Wardheer ee xarunta Gobolka Doollo ayaa sheegaya in ciidanka Layuugu ay habeenimadii xalay guryahooda ugu daateen dad shacab ah oo kamid ah dadka magaalada isla markaana ay xabsiga dhigeen.

Warka ayaa intaas kudaraya in ay ciidanku aad ubahdileen uguna caga jugleeyeen dadka shacabka ah kadib markay xili habeenimo ah ugu tageen guryahooda kana sookaxeeyeen.

Dhinaca kale dadkii shacabka ahaa ee ku xidh xidhnaa xabsiga wayn ee magaalada Wardheer ayaa lasheegayaa in ay saaka bilaabeen mudaharaad iyagoo xabsiga kudhex jira, waxaana lasheegayaa xaalad kacsan oo ka socota gudaha xabsiga.

Dhinaca kale waxaan war sugan laga haynin xubno katirsan Jabhada Wadaniga Xoraynta Ogadenia (JWXO) oo maalin nimadii shalay ahayd la xidh xidhay kuwaas oo aan lagaranaynin sababta xadhigooda ka dambaysay.

Sidoo kale Bahda Warfaafinta JWXO waxay ka cudurdaaranaysaa dad aan maalintii shalay ahayd kusheegnay in laxidhay oo aan soo xaqiijinay in aan laxidh xidhin, waxaana bulsha karaali galinaynaa magacyada aan kusheegnay in la xidhay oo qaarkood ay xoryihiin.

Madaxda Dowlada Deegaanka iyo maamulka Gobolka Doollo ayaan ilaa hada wax war ah kasoosaarin xaalada magaalada Wardheer iyo dhibka sii kordhaya ee halkaas kajira.

Jabhada Wadaniga Xoraynta Ogadenia (JWXO) waxay aad uga xuntahay dhibka soogaadhaya hambadii uu katagay waraabihii kuwaas oo filayay in ay helaan xuquuqda ay uleeyihiin dhinaca hadalka iyo aragtida.

ONA.

June 6th 2019, 8:13 am

Xubin xanuunka Macaanka Qaba oo Ku xidhan Xabsiga wardheer.

Ogaden News Agency

Waxaa xabsiga magaalada Wardheer kujira Cabdinaasir Xaashi (Cagalaab) oo mudo aad udheer lanoolaa xanuunka Sonkorta (Macaanka).

Cabdinaasir wuxuu kamid ahaa xubnihii Jabhada Wadaniga Xoraynta Ogadenia (JWXO) ee saaka lagu weeraray Xafiiska Jabhada ee Gobolka Doollo, halkaas oo howlo shaqo uu ujoogay.

Cabdinaasir oo yaraantiisii uu haleelay xanuunka Macaanka ayaa kamid ah dadka ay Bini’aadamku ixtiraamaan ama ay ka ilaaliyaan xanaaqa, wuxuuna Cabdinaasir xanuunsadaa xiliyada uu dareenkiisu kaco.

Majiro wax ixtiraam ah oo ay sameeyeen ciidankii Cabdinaasir iyo saaxiibadiis kaxeeyay waxayna isugu dareen handadaad iyo hanjabaad, Mana jiro cid maamulka Gobolka Doollo katirsan oo ka hadashay xadhiga xaq darada ah ee Cabdinaasir iyo saaxiibadiis loogaystay.

ONA.

June 5th 2019, 1:45 pm

Deg Deg: Xaalada Magaalada Wardheer oo Kacsan.

Ogaden News Agency

Wararka nagasoo gaadhaya Magaalada Wardheer ee xarunta Gobolka Doollo ayaa sheegaya qalalaase xoogan oo halkaas kataagan, iyo dhibaato lixaad leh oo loogaystay dadka shacabka ah ee Magaalada Wardheer kusugan.

Wariyaha Wakaalada Wararka Ogadenia (ONA) ujooga magaalada Wardheer ayaa sheegaya in ciidanka Layuugu ay weerar kuqaadeen Xafiiska Jabhada Wadaniga Xoraynta Ogadenia (JWXO) ee Gobolka Doollo, halkaas oo ay qafaasheen 7 kamid ah maamulka Unugta JWXO ee Gobolka Doollo.

Sidoo kale ciidanka Layuuga ee Gobolka Doollo ayaa dajiyay Calankii Jabhada isla markaana jeex jeexay, waxaana lasheegayaa in ay aad ubahdileen dhalinyaradii joogtay Xafiiska JWXO ee Gobolka Doollo.

Dhalinta kashaqaynaysay Xafiiska JWXO ee lagu Xidhxidhay magaalada Wardheer waxaa kamid ah.

1 Cabdinaasir Xaashi (Cagalaab)
2 Maxamed Bacaluul (Gaashaan)
3 Deeq Ceelaabe
4 C/risaaq Ibraahim Mire
5 Maxamed Cismaan (RRA)
6 Lade Cali Cabdi Salaad
7 Fadxi Sh Ibraahim Sh Muuse
8 C/rashiid Ibraahim Dheeredheere oo isagu Koomo kujira.

Dhinaca kale ciidanka Layuuga oo Amar kahaysta maamulka Gobolka ayaa xabsiga dhigay 12 kamid ah Odayaasha Dhaqanka ee Gobolka Doollo waxaana kamid ah.
1 Suldaan Cabdiraxmaan Suldaan Duulane Suldaan Rafle
2 Maxamed Duulane Daahir
3 Nasteex Xirsi Axmed
4 Siciid Jahaad Qorane
5 C/risaaq Xuseen Mire
6 C/qani Gaarane Guuleed
7 Shugri Nuur
8 C/lahi Cabdi Cumar
9 Mukhtaar Badal Maxamed
10 C/lahi Sh Mahdi
11 Maxamed Liibaan
12 C/risaaq Sarhaye.

Sidoo kale waxaa xabsiga Gobolka iyo ka Dagmada ladhigay dad shacab ah oo 80 kor udhaafaya kuwaas oo sida lasheegayo loogaystay dhibaatooyin kala duwan.

Lama garanayo sababta keentay in ciidanka Layuuga iyo maamulka Gobolka Doollo oo wada jira ay uweerareen Xafiiska JWXO ee Gobolka Doollo, Isla markaana ay bahdilaada iyo kutumashada ugu sameeyeen dhalinta kashaqaysa Xafiiska Jabhada ee Gobolka Doollo.

Sidoo kale lama oga sababta ay Xukuumada deegaanku u xalin la’dahay tabashada shacabka kudhaqan Gobolka Doollo, kuwaas oo mudo dheer kacabanaya Xukuumada deegaanka.

Wixii kasoo kordha kala soco Wakaalada Wararka Ogadenia (ONA).

ONA.

June 5th 2019, 11:46 am

Xoghayaha Guud Ee JWXO oo Kulan La Qaatay Gudiga Fulinta Ee UCSO.

Ogaden News Agency

Waxaa goor dhaw oo galabta ah si guul ah kusoo idlaaday kulan dhex maray Xoghayaha Guud ee Jabhada Wadaniga Xoraynta Ogadenia (JWXO) iyo Gudiga Fulinta ee Ururka Culimada Soomaalida Ogadenia (UCSO).

Kulankan oo kadhacay xarunta Dulqabow ee magaalada Jigjiga ayaa lagu gorfeeyay howlaha halgan ee kasocda gudaha iyo Dibada dalka Ogadenia, waxuuna Xoghayuhu siwayn uga warqaatay Gudiga Fulinta ee Ururka UCSO.

Sidoo kale Xoghayaha ayaa xubnaha dalada Culimada kasocday uga warbixiyay xaalada guud iyo socdaalkiisii udambeeyay ee Yurub iyo Addis Ababa.

Intaas kadib xubnaha Dalada Culimada ayaa Xoghayaha kala hadlay qorshayaashooda cusub ee ay doonayaan in ay dhaqaajiyaan iyo socdaalo ay dhawaan kutagi doonaan Gobolada iyo Dagmooyinka dalka.

Xoghayaha Guud ee JWXO mudane Cabdiraxaan Sh Mahdi ayaa dhankiisa Ururka Culimada Soomaalida Ogadenia (UCSO) kubogaadiyay kaalinta dahabiga ah ee ay bulshada kaga jiraan, isagoo kubooriyay in ay horay usii socdaan.

Gabagabadii kulankii dhex maray Xoghayaha Guud ee JWXO Halgame Maaday iyo Xubnaha Gudiga Fulinta ee Dalada Culimada ayaa kusoo dhamaaday is afgarad waxaana lagu balamay hadal yar iyo howl badan.

ONA Jigjiga.

June 4th 2019, 1:00 pm

Gudoomiyaha JWXO oo Hambalyada Ciida u Diray Shacabka Somalida Ogaadeniya.

Ogaden News Agency

Gudoomiyaha Jabhada Wadaniga Xoraynta Ogadenia (JWXO) Admiral Maxamed Cumar Cismaan ayaa Hambalyo udiray guud ahaan muslimiinta kudhaqan dacalada dunida gaar ahaan shacabka Soomaalida Ogadenia.

Gudoomiyaha oo maanta la hadlay saxaafada Afka Jabhada kuhadasha ayaa shacabka Soomaalida Ogadenia urajeeyay bashbash iyo barwaaqo, iyo in ay ciidan Ciida xigta kugaadhaan nabad galiyo.

Gudoomiyaha JWXO Admiral Maxamed Cumar Cismaan ayaa bulshada Soomaaliyeed ee Ogadenia kudhaqan ugu baaqay in ay joojiyaan xurgufaha dhexdooda ah, isagoo sheegay in ay utaalo howlo waawayn oo in loomidoobo ubaahan.

Gudoomiyaha ayaa hambalyo udiray Ciidanka JWXO iyo shacabka madaalaha ah ee kudhaqan gudaha iyo dibada wadanka Ogadenia, kuwaas oo usoo adkaystay dhibaatooyin lixaad leh.

Gudoomiyaha JWXO Admiral Maxamed Cumar Cismaan ayaa ugu dambayn uduceeyay dadka iyo dalka Ogadenia isagoo urajeeyay xoriyad Soo dag dagta Idam Alla.

ONA Jigjiga.

June 3rd 2019, 2:11 pm

Ciid Wanaagsan-Ciid Mubaarak ..عيد مبارك….كل عام و انتم بخير

Ogaden News Agency

Ciid Wanaagsan–Ciidul Caafiya

عيد مبارك….. كل عام و انتم بخير

Bahda Warfaafinta Jabhada Wadaniga Xoraynta Ogadenya (JWXO) waxay tahniyad u diraysaa dhammaan ummadda islaamka ah gaar ahaan Shacabka Somalida Ogadenya meel kastoo uu joogo, waxaanan leenahay ciiiiid Wanaagsaaaaan—Cuudul Caafiya. عيد مبارك….. كل عام و انتم بخير

Waxaan illaha qaadirka ah ka baryaynaa in ciidan ciideeda kale inuu nagu gaadhsiiyo camal suuban, caafimaad qab iyo Ogadeniya oo xor ah Inshaa Allah, Allahuma Aamiin..Amiin.

Bahda Warfaafinta JWXO.

June 3rd 2019, 1:41 pm

Maamulka Xafiiska JWXO Ee Wardheer oo Siminaar u Bilaabay Xubnaha Gobolka Doollo.

Ogaden News Agency

Maamulka Xafiiska Jabhada Wadaniga Xoraynta Ogadenia (JWXO) ee Gobolka Doollo ayaa Dagmada Wardheer ka bilaabay siminaar lagu dhisayo wacyiga xubnaha JWXO ee Gobolka Doollo.

Siminaarkan oo dhalinta lagu barayo hogaaminta iyo howlaha maamulka ayaa socon doona baryaha soosocda waxaana lagu wadaa in ay ka aflaxaan dhalinyaro u heelan qabashada howlada halgan ee Gobolka kasocda.

Maamulka Gobolka Doollo ee Xafiiska Jabhada oo Wakaalada Wararka Ogadenia (ONA) lahadlay ayaa sheegay in ay qorshaynayaan xubno kale oo ka faa’iidaysta koorso Halgameedka Allifle oo ah mid ay ka aflaxeen inta badan howl-wadeenka JWXO ee dacalada dunida.

Siminaarkan iyo wixii kasoo kordha kala soco Wakaalada Wararka Ogadenia (ONA).

ONA.

May 31st 2019, 10:34 am

Kulan Muhiima oo Madaxda JWXO ugu Qabsoomay Magaalada Adiss Ababa.

Ogaden News Agency

Waxaa magaalada Addis Ababa ee xarunta wadanka Itoobiya kusoo gabagaboobay kulan qiimo badan oo ay isugu yinaadeen madax katirsan Jabhada Wadaniga Xoraynta Ogadenia (JWXO).

Kulankan oo ahaa mid miisaan leh waxaa kasoo qayb galay Madaxda Xafiisyada Jabhada ee magaalooyinka Addis Ababa iyo Dirdhabe iyo madax kale oo kamid ah Hogaanka sare ee JWXO.

Madaxda kulanka fadhiday oo ay kamid ahaayeen Xoghayaha Guud ee JWXO Mudane Cabdiraxaan Sh Mahdi, Kuxigeenka Xoghayaha Guud Mudane Axmedyaasiin Sh Ibraahim, Gudoomiyaha Xafiiska JWXO ee Addis Ababa Halgame Xassan Macalim, Afhayeenka JWXO Halgame Cadaani Hirmooge, Mudane Garaad Bashiir Garaad Makhtal iyo halgame Axmedyaasiin Jamaal Cabdiqaadir ayaa si qoto dheer isula eegag howlaha halgan ee kasocda gudaha iyo dibada dalka.

Kulankan ayaa lagu lafo guray howlaha xafiisyada JWXO kasocda iyo sidii looqiimayn lahaa loona dardar galin lahaa, waxayna madaxdu Isla qireen howlaha muga leh ee socda iyo sidii loosii xoojin lahaa.

Kulankan oo u badnaa Isla xisaabtan iyo kala warqaadasho ayaa si guud loogu qiimeeyay howlaha halgan ee wadanka Ogadenia kasocda, waxaana la isla taataabtay waxa qabsoomag iyo waxa dhiman, waxaana farta lagu fiiqay waxa aan wali qabsoomin iyo sababta ay uqabsoomi waayeen.

Kulankan oo ahaa mid aad uqiimo badan ayaa kusoo dhamaaday jawi dagan, waxaana lagu balamay hadal yar iyo howl badan.

ONA.

May 30th 2019, 6:54 pm

Kulan isxogwaraysi ah oo u qabsoomay Hogaanka Sare ee Diplomasiyada JWXO.

Ogaden News Agency

Waxaa magaalada Addis Ababa ee xarunta wadanka Itoobiya kusoo gabagaboobay kulan qiimo badan oo ay isugu yimaadeen madax katirsan Jabhada Wadaniga Xoraynta Ogadenia (JWXO).

Kulankan oo ahaa mid miisaan leh waxaa kasoo qayb galay Madaxda Xafiisyada Jabhada ee magaalooyinka Addis Ababa iyo Dirdhabe iyo madax kale oo kamid ah Hogaanka sare ee JWXO.

Madaxda kulanka fadhiday oo ay kamid ahaayeen Xoghayaha Guud ee JWXO Mudane Cabdiraxaan Sh Mahdi, Kuxigeenka Xoghayaha Guud Mudane Axmedyaasiin Sh Ibraahim, Gudoomiyaha Xafiiska JWXO ee Addis Ababa Halgame Xassan Macalim, Afhayeenka JWXO Halgame Cadaani Hirmooge, Mudane Garaad Bashiir Garaad Makhtal iyo halgame Axmedyaasiin Jamaal Cabdiqaadir ayaa si qoto dheer isula eegag howlaha halgan ee kasocda gudaha iyo dibada dalka.

Kulankan ayaa lagu lafo guray howlaha xafiisyada JWXO kasocda iyo sidii looqiimayn lahaa loona dardar galin lahaa, waxayna madaxdu Isla qireen howlaha muga leh ee socda iyo sidii loosii xoojin lahaa.

Kulankan oo u badnaa Isla xisaabtan iyo kala warqaadasho ayaa si guud loogu qiimeeyay howlaha halgan ee wadanka Ogadenia kasocda, waxaana la isla taa-taabtay waxa qabsoomay iyo waxa dhiman, waxaana farta lagu fiiqay waxa aan wali qabsoomin iyo sababta ay uqabsoomi waayeen.

Kulankan oo ahaa mid aad uqiimo badan ayaa kusoo dhamaaday jawi dagan, waxaana lagu balamay hadal yar iyo howl badan.

ONA.

May 30th 2019, 4:22 pm

Deg Deg: Shir Muhiim Ah oo ONLf & Dowlada Deegaanka Addis Ababa Ugu Dhamaaday.

Ogaden News Agency

Waxaa si guul ah kudhamaaday kulan baryihii lasoo dhaafay magaalada Addis Ababa uga socday madaxda Jabhada Wadaniga Xoraynta Ogadenia (JWXO) iyo madax katirsan Dowlada Deegaanka Soomaalida.

Kulankan oo ahaa mid muhiim ah ayaa lagu gorfeeyay qodobo culculus oo dan u ah dadka iyo dalka ay dhibaatooyinka siyaasadeed kadhaceen ee Ogadenia, waxaana kulankan lagu tilmaami karaa mid dahabi ah oo hormar shacabka Soomaalida u horseedi kara.

Madaxda JWXO ayaa dhankooda muujiyay wadaniyad iyo daacad nimo, waxayna soobandhigeen qodobo mug iyo miisaan leh oo dalka lagu dhaqi karo mudooyinka soosocda hadii Alle Idmo.

Dhinaca kale madaxda Dowlad Deegaanka ayaa muujiyay bisayl siyaasadeed iyo lexejeclo, waxaana ka go’an hormarinta shacabka dhibaatada badan iyo diiftu ay kamuuqato.

Madaxda labada dhinac oo kulankan runta isugu sheegay ayaa umuuqday kuwo sifiican isula fahmay dhamaan qodabadii laga wada hadlay.

Gabagabadii kulankii dhex maray Madaxda JWXO iyo Madaxda Dowlad Deegaanka ayaa kusoo dhamaaday is afgarad waxaana lagu balamay in isku dhinac loodhaqaaqo.

ONA.

May 30th 2019, 10:18 am

Xaflad Qalinjabineed ee Barashada Koorso Halgameedka “ALIFLE” oo JIJIGA ka qabsoontay

Ogaden News Agency

Waxaa maanta Xafiiska JWXO ee Gobolka Faafan ka qabsoontay xaflad balaadhan oo lagusoo xidhayay koorsada Allifle oo xubno katirsan Jabhada Wadaniga Xoraynta Ogadenia (JWXO) ay soodhameeyeen.

Xafladan oo ahayd mid muhiim ah waxaa kasoo qayb galay Gudoomiyaha JWXO Admiral Maxamed Cumar Cismaan iyo Hogaanka Abaabulka iyo Arimaha Gudaha ee JWXO mudane Maxamed Axmed Yaasiin (Diirane).

Sidoo kale waxaa Xaflada kasoo qayb Gudoomiyaha Xidhiidhka Gobolada Ogadenia ee JWXO mudane Muxumed Asad iyo Gudoomiyaha OYSU Ogadenia mudane Cumar Sh Cabdulaahi (Cumar Sooya).

Madaxda Jabhada Wadaniga Xoraynta Ogadenia (JWXO) ayaa bilaabay bixinta Shahaadooyin loogu talagalay xubnihii koorsada Allifle bartay, kuwaas oo dhowrkii todobaad ee lasoodhaafay baranayay.

Bixinta Shahaadooyin kadib waxaa kalmado dardaaran ah madasha ka jeediyay Gudoomiyaha JWXO iyo Hogaanka Abaabulka iyo Arimaha Gudaha, kuwaas oo xubnihii koorsada qaatay kula dardaarmay in ay dadkooda iyo dalkooda uga faa’iideeyaan wixii ay barteen.

ONA.

May 26th 2019, 4:44 am

Ururka Culimada Ogadenia (UCSO) oo Shir balaadhan Ku qabtay Magaalada JIJIGA

Ogaden News Agency

Waxaa maanta oo Arbaca ah magaalada Jigjiga ee xarunta Gobolka Faafan kaqabsoomay Shir balaadhan oo ay soo abaabuleen Ururka Culimada Soomaalida Ogadenia (UCSO).

Kulankan oo ahaa mid aad muhiim u ah ayaa ka Qabsoomay Xafiiska Unugta JWXO ee magaalada Jigjiga, waxaana shirka lagu casuumay qaar kamid ah madaxda Jabhada Wadaniga Xoraynta Ogadenia (JWXO) iyo xubno kasocday Xafiiska Unugta JWXO ee Gobolka Faafan.

Ugu horaynba kulanka ayaa lagu furay wacdi diini ah oo aad uqiimo badan, kaas oo kasoo qayb galayaasha lagu xasuusiyay in aysan ka waswaasin halgankii dheeraa ee lagu xoraynayay shacabka dulman ee Soomaalida Ogadenia, kaas oo sida uu sheekhu sheegay wali usocda habkii loogu talagalay.

Intaas kadib waxaa lagusoo dhaweeyay Xoghayaha Guud ee Ururka Culimada Soomaalida Ogadenia (UCSO) halgame Sh Xassan Raage, wuxuuna sheekhu siwayn uga warbixiyay aas’aaskii Ururka UCSO iyo marxaladihii uusoo maray mudadii uu jiray oo laga soobilaabo sanadkii 2015.

Sidoo kale Xoghayaha ayaa tilmaamay qorshayaasha Ururka UCSO, kuwaas oo ladoonayo in laga hirgaliyo gudaha Wadanka Ogadenia iyo dibadaba.

Sidoo kale waxaa lagusoo dhaweeyay Sh Cabdiraxmaan Sh Maxamed oo kamid ah Gudiga Fulinta ee Ururka Culimada, wuxuuna Sheekhu xubnaha Ururka UCSO iyo guud ahaan xubnaha JWXO ku guubaabiyay in loodiyaar garoobo kaalinta ay culimadu leedahay si loogaadho hadafka guud ee umadu ay higsanayso.

Sidoo kale halgame Sh Cabdiraxmaan ayaa sheegay in ay qorshaynayaan shirwayne looqabto Ururka Culimada, kaas oo sida uu Sheekhu sheegay ka dhici doono gudaha Wadanka Ogadenia hadii Alle Idmo.

Dhinaca kale waxaa lagusoo dhaweeyay Sh Maxamed Suldaan Axmed Cabdile oo kamid ah madaxda UCSO, wuxuuna Sheekhu iftiimiyay ujeedada rasmiga ah ee Ururka Culimadu uu u dhisan yahay wuxuuna Sheekhu xusay in Culimadu ay wax badan qabatay wax badana uu udhiman yahay.

Intaas kadib waxaa lagusoo dhaweeyay Halgame Cabdikariim Sh Muuse iyo Halgame Maxamed Ibraahim Mursal oo labaduba kamid ah Gudiga Fulinta ee JWXO, waxayna labada Hogaan bogaadiyeen Ururka Culimada Ogadenia oo runtii qabtay howlo muhiim ah.

Hogaamada ayaa si isku mid ah ubogaadiyay howlaha Ururka UCSO, waxayna hogaamadu balan qaadeen in ay lashaqaynayaan Ururka Culimada siwayna u garab istaagayaan iyagoo wakiil ka ah madaxda sare ee JWXO.

Sidoo kale waxaa kaalintiisa lasiiyay Gudoomiyaha OYSU Ogadenia halgame Cumar Sooya, oo kamid ahaa xubnihii soobilaabay Ururka Dhalinyarada iyo Ardayda Soomaalida Ogadenia OYSU, Isla markaana khibrad dheeri ah leh.

Halgame Sooya ayaa Culimada utilmaamay habka ay ururadu utaaba galaan, isagoo sheegay in uu doonayo wada shaqayn dheeraad ah oo dhex marta Ururada OYSU iyo UCSO.

Gabagabadii kulankii Culimada Soomaalida Ogadenia ee kaqabsoomay Xafiiska Unugta JWXO ee magaalada Jigjiga ayaa kusoo dhamaaday si nabad ah, waxaana loobalamay kulamo kale oo qabsoomi doona hadii Alle Idmo.

ONA.

 

 

May 20th 2019, 10:37 am

Shir Muhiima oo Ka Dhacay Magaalada Adiss Ababa & JWXO oo Lagu Marti Qaaday.

Ogaden News Agency

Waxaa goor dhaw oo maanta ah magaalada Addis Ababa ee xarunta wadanka Itoobiya kusoo gabagaboobay Shir aad muhiim u ah oo lagaga hadlayay xaalada wadanka Itoobiya.

Kulankan oo kadhacay Xafiiska Midowga Africa ee magaalada Addis Ababa ayaa lagu casuumay qaybaha kala duwan ee bulshadu ay kakooban tahay sida Aqoonyahanka, Culimada Diimaha, Ururada bulshada, Ururada mucaaradka ah iyo xisbiga talada haya.

Shirkan oo ay fadhiyeen Raysal-wasaaraha Itoobiya Abiye Axmed iyo qaar kamid ah Golihiisa Wasiirada ayaa lagu Marti qaaday madax katirsan Jabhada Wadaniga Xoraynta Ogadenia (JWXO), kuwaas oo door muhiim ah kulahaa shirka.

Shirka maanta oo ahaa mid muhiim ah ayaa lagaga dooday qodobo dhowr ah oo ay kamid ahaayeen
1 Nabada iyo xasiloonida wadanka.
2 Nidaamka Fadaraalka iyo sidii looga midho dhalin lahaa.
3 Isbadala jira iyo sidii looga faa’iidaysan lahaa.
4 Dhismaha doorka bulshada ee wadanka.

Siyaasiyiin iyo dad aqoon leh ayaa aad uga hadlay Arimaha Fadaraalka iyo sida loogu baahan yahay, iyo in uusan jirin si kale oo lagu wada socon karo waxaana hoosta laga xariiqay in habka Fadaraalku uu yahay mid ubaahan sii xoojin iyo kamidho dhalin.

Madaxda Jabhada Wadaniga Xoraynta Ogadenia (JWXO) ee kulanka fadhiday oo kala ahaa Xoghayaha Guud ee JWXO Mudane Cabdiraxaan Sh Mahdi (Maaday) iyo Gudoomiyaha Xafiiska Siyaasada iyo Xidhiidhka heer Faderal ee JWXO Mudane Xassan Muxumed Ow-macalim, iyo waliba Afhayeenka JWXO Halgame Cadaani Hirmooge ayaa si mug leh uga qayb qaatay doodihii iyo fanqayntii qodobadaas 4ta ah lagu samaynayay waxaana siwayn dooda madaxda JWXO ula dhacay kasoo qayb galayaashii shirka.

Gabagabadii madaxdii kulanka kasoo qayb gashay ayaa isku raacay habka lagu gaadhi karo higsi lagu midaysan yahay inta laga gaadhayo xiliga ay qoomiyadii doonta gaar utashan karto.

ONA.

May 18th 2019, 9:04 am

Agoonta Ogaadeniya Ee Ku Dhaqan Kismaamyo oo Raashin La Gaadhsiiyay.

Ogaden News Agency

Waxaa maanta magaalada Kismaayo ee xarunta kumeel-gaadhka ah ee Dowlad Goboleedka Jubbaland deeq raashin ah lagu siiyay Agoon badan oo kamid ah Agoonta reer Ogadenia ee kudhaqan Magaalada Kismaayo.

Raashinkan oo isugu jiray Sonkor, Bariis, Baasto iyo Saliid waxaa Agoonta reer Ogadenia kusadaqaystay Hay’ad khayri ah oo kadiiwaan gashan wadanka Turkey.

Hay’adan oo fadhigeedu yahay magaaladii caasimada ah ee Muqdisho ayaa deeqdan raashinka ah ugu talagashay in ay ku afuraan qaysaska Agoonta ah ee reer Ogadenia ee magaalada Kismaayo kudhaqan, waxayna maanta ka farxiyeen qaysas badan oo Agoon ah.

Agoonta udhalatay wadanka Ogadenia ayaa daadsan guud ahaanba dunida gaar ahaan wadamada Geeska Africa, kuwaas oo ubaahan gacan qabasho balaadhan si ay uga sookabtaan diiftii ay soomareen.

ONA.

May 17th 2019, 1:35 pm

Dagmada Laas-Dharkaynle Ee Gobolka Qorahay oo Laga Furay Xafiiskii ONLF.

Ogaden News Agency

Maanta oo Khamiis ah taariikhduna ay kubeegan tahay 16/5/19 waxaa Calanka Jabhada Wadaniga Xoraynta Ogadenia (JWXO) laga taagay Dagmada Laas-dharkaynle ee Gobolka Qoraxay.

Wafti balaadhan oo isugu jira Gole Dhexe, Gudiga Xafiiska JWXO ee Gobolka Qoraxay iyo Gudiga Xafiiska JWXO ee Dagmada Qabridahare ayaa maanta barqinkii gaadhay Dagmada Laas-dharkaynle halkaas oo laga Taagay calankii JWXO Isla markaana laga furay Xafiiskii JWXO ee Dagmada Laas-dharkaynle.

Waftiga oo kasocdaalay Dagmada Qabridahare ee Xarunta Gobolka Qoraxay ayaa kulamo layeeshay Unugta JWXO ee Dagmada Laas-dharkaynle iyo qaar kamid ah wax garadka Dagmada, waxayna kula dardaarmeen in gacmaha la is qabsado.

Maamulka Xafiiska Jabhada ee Gobolka Qoraxay ayaa wada ol-ole ay xafiisyada JWXO kaga furay 10ka Dagmo ee Gobolku uu kakooban yahay.

ONA.

May 16th 2019, 12:24 pm

Xafiiskii JWXO oo Laga Furay Dagmada Abaaqorow.

Ogaden News Agency

Waxaa guud ahaanba wadanka Ogadenia si xowli ah uga socda furitaanka xafiisyada Jabhada Wadaniga Xoraynta Ogadenia (JWXO) oo mudo dheer xidhnaa.

Wafti balaadhan oo kasocday Xafiiska JWXO ee Gobolka Shabeelle ayaa galabta oo Arbaco ahayd gaadhay Dagmada Abaaqorow ee Gobolka Shabeelle, halkaas oo ay kataageen Calankii Jabhada Wadaniga Xoraynta Ogadenia (JWXO).

Waftigan oo kakoobnaa Gudoomiyaha Xafiiska JWXO ee Gobolka Shabeelle Mudane Cabdulaahi Fujur iyo Hogaanka Arimaha Ururka ee Gobolka Shabeelle Halgame Maxamed Garaad ayaa galabta daah-furay Xafiiska JWXO ee Dagmada Abaaqorow, kaas oo kamid noqon doona Xafiisyada badan ee wadanka Ogadenia kajira.

Waftiga JWXO ee Gobolka Shabeelle ayaa kutala jira in ay furaan xafiisyo kale oo cusub iyagoo sidoo kalana wada abaabul aad ubalaadhan.

Dhanka kale waxaa Gobolada wadanka Ogadenia kasocda diyaar garaw iyo abaabul lixaad leh oo ay wadaan madaxda iyo Kaadirka JWXO oo isku duuban, taas oo looga gol leeyahay gaadhsiinta hamiga shacabka Soomaalida Ogadenia.

ONA.

May 15th 2019, 12:48 pm

Jaaliyada Ogadenia oo Shir ku qabatay Edmonton.

Ogaden News Agency

Xubnaha Jaaliyada Ogadenia ee Magaalada Edmonton ayaa shir isugu yimid shalay kaasi oo ka dhacay Xafiiska Jaaliyada Ogadenia Edmonton,kana soo qayb galeen warbixin dheera la wadaageen laba masuul oo kamid ah jaaliyada Edmonton mudo dhowr bilood ah ku maqnaa Ogadenia.

Labada masuul waa.Xildhibaan Yousuf Ismail iyo Ahmed Ali Qabxun, ayaa ku dheeraatay xaalada dhabta ah ee ka jirta , Ogadenia,dhinacyada Arimaha bulshada,Siyaasada,Amaanka iyo dhaqaalaha.

Sidoo kale waxay ka warbixiyeen JWXO taniyo intay dalka dib ugu laabatay wixii u qab soomay iyo caqabadihii ka horyimid,waxayna siwada jir ah uwada qireen in shaqo badan laqabtay,mid intaas ka badana lagama maar maan tahay in loo diyaar garoobo.

Ka soo qeyb galayaasha shirka waxaa kamid ahaa Professor Mahamoud Ugaas oo isagana laga dhaqeystay Nidaamka ka jira Ethiopia qaabka uu qamaha isugala jiro iyo Cabsida ay qabaan wadamada daneeya jiriraanka Ethiopia.

Shirkan oo saacada qaatay ayaa waxaa halkaasi lagu waydiiyay mudanayaasha su’aalo ku saabsan isfan galka shacabka Ogadenia ee dalka sii joogay kuwii dib u laabtay (JWXO )iyo maamulka DDS.
Shirkan ayaa ku soo dhamaaday guul iyo in shaqada Jaaliyada Ogadenia ee wadanka Canada gaar ahaan Galbeedka siwayn loo dar dar galiyo.

May 14th 2019, 2:24 am

Jaaliyada Ogaadeniya Ee Denmrk oo Kulan is Xogwaraysi Isugu Timaaday.

Ogaden News Agency

Waxaa kulan is xog waraysi ah isugu imaaday xubnaha kaadir iyo masuuliyiin JWXO ah oo dhawaan kasoo laabtay wadankii hooyo kulankan oo ahaa mid isxog waraysi ah ayaa waxaa warbixin laga dhagaystay Halgame General Cabdulaahi Mukhtaar oo Kamida gudiga fulinta ee JWXO.

warbixin dheer uu General Cabdulaahi mukhtaar bixiyay kadib waxaa la isku afgartay in lasii laban laabo hawlihii Jaaliyad iyo qorshayaasheedii.

shirka ayaa wuxuu kusoo dhamaaday si guul ah.

ONA/Denmark.

May 13th 2019, 9:43 am

Kulan Muhiim ah oo maanta jijiga uga qabsoomay OYSU & Aqoonyahanka Ogaadenia

Ogaden News Agency

Kulan Muhiim ah oo maanta jijiga uga qabsoomay OYSU & Aqoonyahanka Ogaadenia.

Maanta oo Axad ahayd taariikhduna ay kubeegnayd 12/5/19 waxaa magaalada Jigjiga kaqabsoomay kulan taariikhi ah oo looqabtay Aqoonyahanka S.ogadenia ee kudhaqan Magaalada Jigjiga.

Kulankan oo ay sooqaban qaabiyeen Ururka Dhalinyarada iyo Ardayda Soomaalida Ogadenia (OYSU) ayaa ka dhacay Xafiiska JWXO ee magaalada Jigjiga.

Shirkan oo ahaa mid ahmiyad gaar ah lahaa ayaa lagu Marti qaaday madaxda katirsan Jabhada Wadaniga Xoraynta Ogadenia (JWXO) waxaana kulanka sooxaadiray ilaa 6 xubnood oo katirsan Golaha Dhexe ee JWXO.

Ugu horaynba waxaa kulanka khudbad mug leh kufuray Gudoomiyaha OYSU ee Ogadenia mudane Cumar Sh Cabdulaahi (Cumar Sooya).

Sidoo kale waxaa kalmado dhaxal gal ah Aqoonyahanka usoo jeediyay qaar kamid ah Madaxdii JWXO ee kulanka kasoo qayb galay, waxayna dhalinta iyo Aqoonyahanka kubooriyeen in ay kaalintooda ciyaaraan.

Intaas kadib Aqoonyahanka ayaa loo ogolaaday in ay madaxda JWXO waydiiyaan su’aalaha ay tabayaan waxaana madaxda lawaydiiyay su’aalo aad ubadan.

Madaxda JWXO ayaa dhankooda si mug iyo miisaan leh uga jawaabay su’aalihii lawaydiiyay kuwaas oo dhinacyo kala duwan laga waydiiyay.

Gabagabadii kulankii dhex maray madaxda JWXO iyo Aqoonyahanka wadanka ayaa kusoo dhamaaday jawi dagan iyadoo lagu balamay in laqaban doono kulamo kan lamid ah.

ONA.

May 12th 2019, 2:29 pm

Degmada Shaygoosh oo Xafiiskii JWXO Laga Furay Calankiina laga sudhay.

Ogaden News Agency

Waxaa degmada Shaygoosh ee gobolka Qorahay si rasmi ah looga furay xafiiskii Jabhadda Waddaniga Xoraynta Ogadeniya JWXO.

Xafiiskan jabhadda ee laga furay ayaa waxaa goob joog u ahaa masuuliyiin iyo kaadirka Jabhada oo ay kamid ahaayeen Halgame Nuur Maxamed Fatule iyo Halgame Liban Miyir.

Dhanka kale waxaa xafiiska hortiisa la sudhay calanka quruxda badan ee dalka Ogadeniya, waxaana calanka wada sudhay birta dheer Nuur Faatule iyo Liban Miyir.

Guud ahaan bulshada iyo Xubnaha ururka ONLF ayaa si aad ah ugu riyaaqay in maanta xafiiskii jabhada laga furay magaalada Shaygoosh iyo in calanka Ogadeniya uu ka babado badhtamaha Shaygoosh.

Halgame Nuur Mohamed Faatule oo shacabka shaygoosh kula hadlay barxada hore ee xafiiskan cusub ee jwxo ayaa shacabka uga mahad celiyay ka sooqaybgalka furitaanka xafiiska iyo inay maanta arkaan calankoodi oo ka babanhaya dushooda.

Halgame Nuur ayaa hadalka ku soo gabagabeeyay inay Jabhadu degmo ilaa tuulo walba oo dalkeena ah ka furayso xafiisyadeedi oo sharci ah lagana wada sudhi doono calanka dalkeena Ogadeniya.

Guul iyo Gobonimo.
ONA/Shaygoosh.

May 7th 2019, 7:54 am

ururka Dhalinyarada OYSU Faraca Jig Jiga oo Kulan Muhiima Isugu Yimid.

Ogaden News Agency

Waxaa kulankoodii caadiga ahaa magaalada Jigjiga kuqabsaday Ururka Dhalinyarada iyo Ardayda Soomaalida Ogadenia, fariciisa magaalada Jigjiga.

Kulankan oo ahaa mid muhiim ah waxaa kasoo qayb galay madax katirsan Jabhada Wadaniga Xoraynta Ogadenia (JWXO) oo khudbado dhalinta ujeediyay.

Ugu horaynba waxaa kulanka furay Xoghayaha OYSU ee magaalada Jigjiga mudane Cabdulaahi cabdiqani, wuxuuna Xoghayuhu kusoo dhaweeyay Gudoomiyaha OYSU ee Ogadenia halgame Cumar Sooya.

Mudane Cumar Sooya ayaa ugu horaynba dhalinta ku bogaadiyay wax qabadkoodii mudadii ay jireen wuxuuna Xoghayuhu kawarbixiyay qorshaha lagu balaadhinayo Ururka OYSU ee Ogadenia.

Dhinaca kale waxaa khudbad taariikhi ah dhalinta ujeediyay Xoghayaha Golaha Dhexe ee JWXO mudane Maxamed Shariif Cumar, wuxuuna Mudane Maxamed Shariif dhalinta usheegay in ay kaalintooda ciyaaraan isagoo rajeeyay in ay wax badan qaban doonaan.

Sidoo kale waxaa kulanka ka hadlay madax kala duwan sida Gudoomiyaha Xafiiska Jabhada ee Gobolka Faafan, Gudoomiyaha Xidhiidhka Gobolada ee JWXO iyo madax kale kuwaas oo dhamaantood dhalinta kubooriyay in ay door wayn kaqaataan howlaha halgan ee socda.

Gabagabadii waxaa si qurux badan kusoo dhamaaday kulankii xubnaha Ururka OYSU ee magaalada Jigjiga.

ONA.

May 4th 2019, 11:55 am

Jaaliyada Ogadenia ee Canada oo Canbaareyn iyo Bogaadin Soo saartay.

Ogaden News Agency

Jaaliyada Somalida Ogadenia ee Bariga wadanka Canada oo Shir, khadka Telephon isugu timid ayaa laga soo saaray qodoba dhowra oo ku saabsan xaaladihii u danbeeyay  ee ka dhacay gudaha Ogadenia.

Shirka uu soo abaabulay Xidhiidhiyaha Jaaliyada Ogadenia ee Bariga Canada, Halgame Mahamed Tube, waxaa kale oo shirka  ka  soo qaybgalay waarbixin dheera iyo Su’aalo ku saabsan  xaaladaha kala guurka ah ee ka jira Ogadenia iyo Ethiopia wax laga waydiiyay  Dr.Abdirahman Yousuf Magan oo kamid ah Golaha dhexe ee Jabhada wadaniga Xoreynta Ogadenia(JWXO).

Dr.Abdiraham oo maalmo ka hor ka soo laabtay Gudaha Ogadenia mudo  kabadan Sideed bilood ku sugnaa Ogadenia sifiicana ulasocday xaalada Ogadenia  ayaa  aad ugu dheeraaday  warbixinta,  waxaa kale uu siwaafi ah uga jawaabay Su’aalo ay  halkaasi ku waqydiiyeen xubno Rag iyo Dumar isufgu jira oo  shirka ka qayb galay.

Shirka oo saacado qatay gabagabadii waxay  jaaliyada Ogadenia ee bariga Canada soo saartay Qodobada hoos ku xusan.

Canbaaray:

1.Jaaliyada Ogadenia ee bariga Canada way si xoogan u canbarayn xasuuqo ay ciidamada Huwanta ka wadaan Degaanada  gobalka Site ee dhaca xuduuda aan lawadaagno qoomiyada Canfarta sida Cadeyte,Candhuufa,Galmalo,Garbe-ciise iyo  Madag.

Bogaadin.

2-Jaaliyada Ogadenia  ee Bariga Canada  waxay bogaadin,ugu horeyn Shacabka Somalida Ogadenia ee diiday keenada gumeysiga duruufkasta uu ku sugan yahay.

3-Sidoo kale  Jaaliyada Ogadenia  waxay bogaadin Bayaankii ka soo baxay JWXO iyo Xukuumada Somamali State .

Baaq.

4-Jaaliyada Ogadenia ee Bariga Canada, waxay baaq  dheer  hawada u marin in meel looga soo wada jeedsado,loona midooba danta , Dalka, Diinta iyo Dadka  Lagumeysto ee Soomaalida Ogadenia.

Midnimo, Mintid,Iskutashi@ Guul.

Jaaliyada  Somalida Ogadenia ee Bariga Canada.

May 4th 2019, 1:44 am

War Clouds in the Somali Afar Border

Ogaden News Agency

War Clouds in the Somali Afar Border

For the last four months, the border situation between Somali and Afar border has been worsening. Afar armed militias had been consistently attacking Somali border towns and villages killing and looting Somalis. Yesterday, armed Afar state militias attacked the town of Madan killing 13 men and wounding several others. In this particular incident, the Ethiopian national army disarmed the rural population in the area during last week and the Afar militia knowing this took advantage of the situation and undertook this campaign of killing, looting and burning Somali villages.

In September 2014, TPLF forced the Somali Regional State leader to turn over  three Somali towns to the Afar state jurisdiction without the consent of the local Somali people. At that time the Somali people were victimized  because of  the war in the Somali region and TPLF decision to fan civil wars among Somalis and their neighbors in order to defeat the popular resurrection against its rule.  This war of attrition against Somalis escalated after the change of leadership in Ethiopia.

When the TPLF regime lost hegemony of EPRDF rule,  The Somali people requested justice and to  reunite with their  representative Somali Regional state. This angered the Afars and their regional state, who triggered harassments and reprisals against the Somali people on the Afar Somali border and this has been ongoing with many Somalis losing their lives.

The issue has reached a stage where the conflict is turning into total war between Somalis and Afars which could engulf the whole of the two regions in an unnecessary conflict that is currently manageable.

Another unacceptable issue is that the Ethiopian National army, which is supposed to be neutral, and protect all peoples in Ethiopia is always impartial when it comes to conflicts involving Somalis and others and that is reinforces the feeling of alienation and marginalization Somalis always feel.

ONLF strongly condemns the killing of innocent 13 Somali men by Afar state militias and requests the perpetrators to face justice. 

ONLF also calls upon the Federal government and the two respective regional government to start addressing this conflict by reversing the decision of transferring the three Somali districts to Afar State, and by creating mechanisms to stop any further violence. 

In addition ONLF calls upon the elders, political organizations and intellectuals to start direct dialogue and address the conflict.

Finally, ONL Sends it condolences to victims and their families and calls for all stakeholders to avert any further loss of life from both nations.

May 3rd 2019, 10:35 am

Mudaa haraado Waa wayn oo Ka socda Gobolka Axmaarada.

Ogaden News Agency

Wararka nagasoo gaadhaya Wadanka Itoobiya Gaar Ahaan Gobolka Amxarada Ayaa Sheegaya inay maanta Gobolkaas kajiraan, mudaharaado siwayn lasoo agaasimay oo lagaga soo horjeedo maamulka Gobolka Amxarada iyo siyaasada Abiye Ahmed eeku aadan Qowmiyada Amxarada.

Mudaharaadadan ayaa waxa soo qaban qaabiyay Ururada Xuquuqda Amxarada udhaqdhaqaaqa sida Ururka (NAMA) waxayna sheegeen in Abiye Ahmed iyo Ururka ODP ay dagaal qaawan kula jiraan dadka Amxarada ah.

Mudaharaadada ayaa waxay hada kasocdaan Inta badan Gobolka Amxarada sida Magaalooyinka Bahardar iyo Gonder.

Dadka mudaharaadaya ayaa kuqaylin haya Erayo kadhan ah Xisbiga talada Gobolka Amxarada haya waxayna kubaaqayaan in xisbiga talada haya meesha dhaafo madaama oo uu kufashilmay inuu Danaha dadka Amxarada ah si dhab ah u matalo, kana gaabiyay inuu difaaco Amxaarada lagu layn hayo Gobolka binshagul gumuska iyo xuquuqda ay kaleeyihiin Casimada Itoobiya ee Adis Ababa oo ay sheegeen lagala wareegayo lana barakicin hayo.

Mucaaradka Amxarada ayaa ku andacoon haya In Abiye Ahmed khiyaamay oo uu Beegsan hayo Shacabka Amxarada ah iyo danahooda una shaqayn hayo Qomiyadiisa Oromada oo kali ah.

Taniyo Ituu xilka lawareegay Raysal-wasaaraha Itoobiya Abiye Ahmed waxaa wadanka kadhacay Isbadal balaadhan oo meela badan taabtay Waxyaabaha ugu waa wayna waxaa kamid ahaa sidayntii Maxaabiistii siyaasadeed la heshiintii Dowlada Eritrea, Ururadii Gobanimo doonka ahaa Iyo mucaaradkii Dibad jooga aha.

Balse dhanka kale waxaa wadanka ka dhacay dagaalo Qomiyadod oo ay boqolaal Ruux ku dhinteen, kuna barakaceen malaayiin shacab ah waxayna Itoobiya noqotay wadanka dunida ugu barakacaayasha badan iyadoo ka kor martay wadamada Suuriya iyo Yeman, taasoo walaac iyo shaki ku abuurtay dadka Itoobiyaanka ah su’aal na galisay Kartida Abiye Ahmed uleeyahay inuu wadanka sidhab ah udajiyo gacantana kusoo celiyo Kala danbayntii iyo isdhaxgalkii Qomiyadaha kala duwan ee Itoobiya kuhoos nool.

ONA.

May 2nd 2019, 10:37 am

Madaxda ONLF iyo Khuburo Caalami ah oo Shir uga Furmay Magaalada London.

Ogaden News Agency

Maanta oo Arbaco ahayd taariikhduna ay kubeegnayd 1/5/19 wuxuu Shir muhiim ah magaalada London ee wadanka Ingiriiska uga furmay Madax katirsan Jabhada Wadaniga Xoraynta Ogadenia (JWXO) iyo khuburo caalamka kasocotay.

Kulankan oo ahaa mid mudaba lasugayay ayaa maanta kafurmay magaalada London ee wadanka UK, waxaana kulanka kasoo qayb galay Madaxda JWXO iyo dad khuburo ah oo miisaan kuleh caalamka.

Kulanka ayaa diirada lagu saaray heshiiskii dhex maray Jabhada Wadaniga Xoraynta Ogadenia (JWXO) iyo dowlada Itoobiya, kaas oo dabayaaqadii sanadkii tagay lagu sixiixay magaalada Casmara ee wadanka Eritrea.

Heshiiskan oo ahaa mid saamayn kuyeeshay xaalada Geeska Africa ayaa shirka lagu falanqeeyay meesha uu marayo iyo sida ladoonayo in loo wajaho si loo ilaaliyo nabada Geeska Africa oo heshiisku uu fure u ahaa.

Sidoo kale kulanka ayaa lagu lafo guray geedi socodka nabada iyo Dimuqraadiyada bilawga ah ee Wadanka Itoobiya gaar ahaan wadanka Ogadenia oo ah dhul ay colaado gaamuray Iyo hardan siyaasadeed soomareen.

Kulanka oo ahaa mid muhiim ah ayaa kudhamaaday si nabad ah, waxaana lafilayaa kulamo kale oo dhex maridoona madaxda JWXO iyo Siyaasiyiin ree galbeed ah.

ONA.

May 1st 2019, 2:49 pm

Kulan ay isugu Yimaadeen Maamulada Oromada & Somalida & JWXO oo Ka Qayb Gashay.

Ogaden News Agency

Shir aad u balaadhan oo boqolaal Somali iyo oromo ah kasoo qayb galeen ayaa lagu qabtay magaalada Haadamo(Naziret) oo ah caasimadda qawmiyada oromada, Waxaa shir dhaqameedka gudoominayay labada madaxweyne ee qawmiyada somalida iyo oromada, waxaa kale ka qayb galay wafti JWXO ah oo ka kooban 12 xubnood oo gole dhexe ah waxay qayb ka ahaayeen marti sharafta shirka ka qayb galaysay.

Waxaa magaalada Naziret lagu qorxiyay boodhadh lagu qoray hadalo soo dhaweyn ah oo muujinaya inay labada shacab yihiin dad wada dhashay oo soo wada halgamay.

Waxaa ka hadlay shirka oday-dhaqameedka 2da qawmiyadood oo aad u soo dhaweeyey kulanka oo muujiyay inay deegaan iyo dhaqan iyo isirba ay wadaagaan oo midhihii halgankii dheeraa ay soo galeen uu noqday midkan uu shacabka oo idil ku noolaanayo, heeso wadani ah oo leh Somali iyo oromo waa walaalo ayaa labada afba lagu luuqaynayay.

Labada madaxweyne ayaa balan qaaday inay wax ka qabanayaan xasaradaha xuduudaha ka jira isla markaana ku dadaali doonaan in dadkii lasoo barakiciyay lagu celiyo guryahoodii kuwii la dhibaateeyayna la xaal marin hayo.

Afhayeenka JWXO Halgame Cadaani Hirmooge oo ka hadalay goobta ayaa sheegay in shacabka oromo laga sugaayo abaalkii Somali u gashay inay gudaan maanta, arintaasoo ay soo dhaweeyeen odayaashii iyo dhalinyaradii oromada ahaa ee shirka fadhiyay.

ONA/Naziret.

May 1st 2019, 9:15 am

Ururka Dhalinyarada OYSU oo Kulan La Qaatay Safiirada Reer Galbeedka u Fadhiya Adiss Ababa.

Ogaden News Agency

Waxaa Magaalada Adiss Ababa ka dhacay shir balaadhan oo ay soo qaban qaabisay safaarada wadanka Swedan ee magaalada Adiss Ababa, waxaana lagu qabtay safaarada wadanka swedan ee magaalada Adiss Ababa.

shirkan ayaa waxaa kasoo qayb galay dhawr toban safaaradood kulankan ayaa waxa uu dhex maray ururka dhalinyarada iyo ardayda somalida Ogaadeniya iyo qaar kamida safiirada reer galbeedka ee ku dhaqan Adiss Ababa.

Kulankan ayaa waxaa looga hadlaayay kaalinta ay kulee yihiin dhalinyaradu isbadalka guud ee wadanka dhacay iyo kaalinta ay qaadan karaan dib usoo kabashada dalka.

Shirkan ayaa waxaa hadlay Halgame Jabarti ismaaciil Baynah iyo Halganto Layla Cabdulaahi waxayna war bixin dhinacyo badan taaban hayso kasoo jeediyeen shirka ayagoo tilmaamay in is badalka guud kasakoow uu wali wadanku u baahan yahay in fursado badan lasiiyo dhalinyarada.

waxa kale oo ka hadlay safiirka Swedan Torbjörn Pettersson asagoo tilmaamay in is badalka wadanka ka dhacay loo baahan yahay inuu midho dhalo.

Shirka ayaa ugu danbayntii wuxuu kusoo dhamaaday si guul ah wuxuuna kusoo dhamaaday si habsami ah.

ONA/Adiss Ababa.

April 30th 2019, 7:39 pm

Buug Cusub oo uu Qoray Mudane Xusen Nur oo Lagusoo Ban dhigay Adiss Ababa.

Ogaden News Agency

HIMILADA-HAYAANKA & HALGANKA JWXO.

Waa Buug Cusub oo Maanta lagu Daahfuray Caasimada Itoobiya ee Addis-Ababa.

Buugan oo Halku Dhagiisu yahay Xusuus Qorkii Xuseen-Nuur kana kooban Labo Valume, Waxaa soo waariday Hogaankii Hore ee Cilmi Baadhista JWXO ahna Hogaanka Warfaafinta JWXO ee Hada Halgame: Xuseen Maxammad Nuur.

Kitaabkan uu qoray Halgame Xuseen-Nuur oo laba volume ah ayaa laga bilaabay inlagu gado maanta Addis Ababa.

Kitaabka oo ku magacaaban -Xusuys-qorkii Xuseen M . Nuur – wuxuu ka hadlayaa halgankii JWXO laga soo bilaabo 1984 ilaa marxalada maanta socota oo si cilmiysysan ka muuqato loo dhigay sidoo kale waxaa ku ku badan document-yadii iyo warqadihii mudadaa la qorayay ee Geedi Socodka Halganka khuseeyay.

Dhanka kale taariikhdii SPM oo halgame Xuseen M. Nuur uu qayb fiican ka qaatay ayaa document-iyo rasmi lagu soo Minguuriyay kitaabkan Xusuus Qorkii Xuseen Nuur.

Maalmahan Soo socda ayaa lagu wadaa in lagu soo Bandhigo Suuqa Caasimada Ogaadenia ee Jijiga

ONA / ADDIS-ABABA.

April 30th 2019, 5:39 am

Madaxda Dhaqanka ee Deegaanada BUUHOODLE oo Xafiiskiisa Ku Booqday Gudoomiyaha JWXO.

Ogaden News Agency

Madaxda Dhaqanka ee Deegaanada BUUHOODLE oo Xafiiskiisa Ku Booqday Gudoomiyaha JWXO.

Kulan Balaadhan oo is xogwaraysi ah ayaa shalay Dhex maray oday dhaqameedka Boohoodle oo uu hogaaminayo Caaqil Ismaaciil Cabdullaahi Cumar(Camay) ooy wehelinayaan 7 Caaqil ookale iyo Madaxda ugu saraysa Jabhada Wadaniga Xoraynta Ogaadeenia JWXO.

Odayada beesha ayaa gudoomiyaha JWXO adm. Maxammad Cumar Cismaan ku booqday Xafiiskiisa Shaqada ee Magaalada Jijiga, halkaasoo xog waafi ah oo dhinacyo badan xambaarsan la iswaydaartay.

labada dhinac ayaa si mugleh isuala meeldhigay in laga wada qayb qato midnimada umadda somaliyeed iyo halganka ay JWXO hormuudka ka tahay.

Waxaa kaloo lagu heshiiyay in xubnaha ururka ee ka hawlgalo deegaanka buuhoodla lagu gacansiiyo hawlaha halganka ay ka wadaan halkaas.

Madax dhaqameedka oo si fur-furan oo gacaltooyo kamuuqato uga hadlayay madasha fadhiga ayaa ku dbeeraaday sida ay diyaarka ugu yihiin gacansiinta Halganka Ogadenia lagu xoraynayo & ku qanacsanaantooda Mabaa’adiida JWXO.

Xubnihii madasha ka hadlay waxaa ka mid ahaa: Garad c/risaaq garaad soofe, boqor c/laahi axmed dabagooye, garaad saleebaan buraale, caaqil ismaaci c/lahi cumar(camay), caaqil maxamed ismacil gurux, eng saleban cali cabdi, axmed cawil bacaluul iyo maxamed deeq xasan xundub, Dhamaantoodna waxay umahadceliyeen Gudoomiyaha Jwxo & halganka uu hormuudka kayahay.

Gabagabadii jawi farxadeed & dardaaran Shaqo ayuu ku idlaaday kulankii.

ONA / JIJIGA.

April 30th 2019, 4:25 am

Jaaliyada Ogaadeniya Germalka oo isugu Timaaday Kulan Muhiima.

Ogaden News Agency

Maanta oo ay Tarikhdu ahayd 28/04/2019 waxa Shirka aad u heer sareeya lagu qabtay Magalada Darmstadt ee dalka Germany, kulankan ayaa waxaa isugu yimid kaadirka Jaliyada Ogadenia ee dalka Germany.

Shirka ayaa waxa lagu furay aayadaha Quraanka kadib na heesta Calanka Ogadenia. intaas kadib waxaa loo gudbay Agendaha Shirka kaas oo Sadex qodab ka koobna

1- Warbixin Gudaha Ogadenia uu so jeediyey gudomiyaha Jaliyada oo mudo 6 bilood Ogadenia Ku maqnaa.

2- Sidii loo dardar galin laha Hawlaha Halganka iyo mida Jaliyada ba taas oo aad logu qodo dheeraday.

3- Sidii Agoonta Ogadenia loo caawin laha loogana farxin laha bishan Barakaysan ee Ramadan.

Shirka ayaa waxaa kale oo lagusoo qaatay dood kusaabsan marxalada siyaasiga ee geeska afrika iyo tan Ogaadeniya ba wuxuuna kusoo dhamaaday si guul ah.

ONA Germany.

April 28th 2019, 5:23 pm

Shir Balaadhan oo Ka Dhacay Magaalada Adiss Ababa & JWXO oo Lagu Casuumay.

Ogaden News Agency

Waxaa magaalada Addis Ababa maanta oo Axad ah kaqabsoomay Shir balaadhan oo ay yeesheen Xisbiga Cadaalada iyo Dimuqraadiyada Itoobiya, kaas oo kadiiwaan gashan Asxaabta ee qaran ee Itoobiya.

Shirkan oo ahaa mid muhiim ah ayaa lagu casuumay Jabhada Wadaniga Xoraynta Ogadenia (JWXO) waxaana kaqayb galay Gudoomiyaha Xafiiska Siyaasada iyo Xidhiidhka heer Faderal Mudane Xassan Muxumed Ow-macalim.

Gudoomiyaha Xisbiga Cadaalada iyo Dimuqraadiyada Itoobiya Cabdiqaadir Aadam oo kulanka furay ayaa siwayn ugu Mahad celiyay Madaxda JWXO iyo guud ahaan Ururka ONLf oo uu kutilmaamay kuwo bislaaday oo mudo dheer Soo halgamay.

Gudoomiye Cabdiqaadir Aadam ayaa sheegay in uu usoo bogay Shirkii Kalfadhiga Golaha Dhexe ee JWXO ee Magaalada Qabridahare oo lagu casuumay, isagoo madaxda JWXO ka codsaday in ay ku caawiyaan khibradooda.

Dhinaca kale waxaa kulanka khudbad mug iyo miisaan leh kasoo jeediyay Gudoomiyaha Xafiiska Siyaasada iyo Xidhiidhka heer Faderal ee JWXO mudane Xassan Macalim, wuxuuna ugu horaynba Gudoomiyuhu madaxda Xisbiga Cadaalada iyo Dimuqraadiyada ugudbiyay salaan uu kawaday madaxda JWXO.

Gudoomiye Xassan Macalim ayaa sidoo kale sheegay in qorshaha xisbiga Cadaalada iyo Dimuqraadiyadu uu yahay mid hufan oo lagu qanci karo, isagoo xusay in ay JWXO diyaar utahay wadashaqayn iyo in ay kucaawiso wixii khibrad ah oo ay kudhaanto.

Gudoomiye Xassan ayaa sidoo kale sheegay in ay JWXO taageerayso isbadalada dalka kasocda, iyo hormarinta kaabayaasha dhaqaalaha iyo kobcinta Dimuqraadiyada.

Xafiiska Siyaasada iyo Xidhiidhka heer Faderal ee JWXO oo mudo dhaw lafuray ayaa umuuqda mid kaalin dahabi ah kaciyaaraya Siyaasada wadanka iyo isbadalada cusub, wuxuuna Xafiiska qabtay shaqo aad muhiim ugu ah shacabka Soomaalida Ogadenia.

ONA.

April 28th 2019, 7:30 am

Kuxigeenka Xoghayaha Guud ee JWXO Mudane Axmedyaasiin Sh Ibraahim & Jaaliyada Soomaalida Ogadenia ee

Ogaden News Agency

Kuxigeenka Xoghayaha Guud ee JWXO Mudane Axmedyaasiin Sh Ibraahim ayaa Jaaliyada Soomaalida Ogadenia ee Wadanka Sweden kala qayb galay shirkoodii caadiga ahaa oo kadhacay magaalada caasimada ah ee Stockholm.

Mudane Axmedyaasiin Sh Ibraahim oo shirka kaga qaybgalay dhinaca khadka Talafoonka isagoo jooga magaalada Jigjiga ayaa xubnaha Jaaliyada uga warbixiyay xaalada guud ee Geeska Africa gaar ahaan wadanka Ogadenia.

Kuxigeenka Xoghayaha Guud ee JWXO mudane Axmedyaasiin Sh Ibraahim ayaa xubnaha Jaaliyada uga warbixiyay Socdaalkii bisha qaatay ee Hayaanka Guusha kaas oo Madaxda JWXO ay kusoo mareen inta badan wadanka Ogadenia.

Sidoo kale Xoghaye Kuxigeenka ayaa xubnaha Jaaliyada Ogadenia ee Sweden uga xog waramay kalfadhigii Golaha Dhexe ee Jabhada Wadaniga Xoraynta Ogadenia (JWXO) ee kadhacay magaalada Qabridahare, kaas oo wax badan oo muhiim u ah bulshada Soomaalida Ogadenia ay kasoo baxeen.

Halgame Axmedyaasiin ayaa sidoo kale ka warbixiyay xaalada Ciidanka JWXO ee baryahan qasnayd iyo sida loowajahayo, isagoo sheegay in ay kuhowlan yihiin sidii ay u xalin lahaayeen qadiyada ciidanka.

Halgame Axmedyaasiin Sh Ibraahim kuxigeenka Xoghayaha Guud ee JWXO ayaa dhinaca kale Jaaliyada Soomaalida Ogadenia ee Sweden ku amaanay dadaalkoodii dheeraa, isagoo sheegay in hayaankii dheeraa wali lagu jiro Jaaliyadana looga baahan yahay in ay siilaba jibaaraan dadaalkoodii.

Gabagabadii Mudane Axmedyaasiin ayaa xubnaha Jaaliyada Sweden iyo guud ahaan shacabka Soomaaliyeed ee Ogadenia kudhaqan urajeeyay guul iyo wanaag.

ONA.

April 28th 2019, 2:26 am

Jaaliyada Ogaadeniya Ee Swedan oo Kulankoodii Caadiga Ahaa Isugu Yimid.

Ogaden News Agency

Jaaliyada Soomaalida Ogadenia ee kadhisan wadanka Sweden ayaa maanta oo Sabti ahay isugu timid kulankeedii caadiga ahaa oo qabsooma bishiiba hal mar.

Kulankan oo kadhacay magaalada Stockholm ee caasimada wadanka Sweden ayaa lagu gorfeeyay marxalada cusub ee halganka shacabka Soomaalida Ogadenia uu galay iyo sidii loola jaanqaadi lahaa.

Xubnaha Jaaliyada Soomaalida Ogadenia ee wadanka Sweden ayaa siwayn uga dooday sidii ay ugarab istaagi lahaayeen shacabka Soomaalida Ogadenia ee kasoo duudsaday dhibaatadii baahsanayd iyo halgankoodii oo yeeshay waji cusub oo qalin ah.

Xubnaha Jaaliyada ayaa sidoo kale kadooday qorshahooda shaqo ee uyaalay iyo sidii loodar dar galin lahaa si loogaadho hadafkii shacabku uu higsanayay.

Kulankii dhexmaray xubnaha Jaaliyada Ogadenia ee Sweden ayaa kudhamaaday si guul ah waxaana lagu balamay hadal yar iyo howl badan.

ONA.

April 27th 2019, 1:03 pm

War-saxaafadeed: Jabhadda Waddaniga Xoraynta Ogaadenya (JWXO) habkii loo maamulay midaynta ciidamada

Ogaden News Agency

Jabhadda Waddaniga Xoraynta Ogaadenya (JWXO).

War-saxaafadeed.

26 Apr. 2019.

Bayaan ku saabsan habkii loo maamulay midaynta ciidammada.

Isbeddalkii ka dhacay Itoobiya iyo furfurnaantii siyaasadeed ee dowlada cusub ay ku baaqday waxay horseedeen in heshiis nabadeed uu dhex-maro Jabhadda Waddaniga Xoraynta Ogaadenya (JWXO) iyo dowlada Itoobiya, kaasoo magaalada Casmara lagu kala saxiixday markii ay taariikhdu ahayd 21 Oct, 2018.

Qodobada lagu heshiiyay waxaa ka mid ahaa in Ciidamada Jabhada Waddaniga Xoraynta Ogaadeenya (CJWXO) ay qayb ka noqdaan ciidamada ammaanka ee Deegaanka Soomaalida, iyadoo Jabhadda iyo Dowlad Deeganku ay isla dajiyeen barnaamij qeexaya qaabkii hawshaas loo maarayn lahaa.

Iyadoo barnaamijkaas laga duulayo, waxaa Dowlad Deegaanka lagu wareejiyay dukuminti qeexaya aragtida Jabhadda ee ku aaddan qaabka ugu habboon ee CJWXO loola midaynayo ciidanka ammaanka ee Deegaanka Soomaalida, iyadoo la raacayo qaab-dhismeedka ciidan ee dukumintigaas lagu caddeeyay iyo tirada ciidanka, isla markaana ay Dowlad Deegaanku aqbashay.

Dowlad Deegaanku waxay sheegtay in ciidanka la siin doono duruus lagu soo gabagabaynayo muddo gaaban gudaheed, sidaas darteed waxay Jabhadda si rasmi ah uga codsatay in iyaga loo daayo maamulka ciidanka mudada uu qaadanayo duruusta loogu diyaarinayo ka mid noqoshada ciidammada ammaanka ee Deegaanka Soomaalida.

Jabhaddu, iyadoo ka jawaabaysa codsiga Dowlada Deegaanka, aaminsana in lagu socon doono wixii lagu heshiyay, waxay go’aansatay in ay maamulka ciidanka ku wareejiso Dowlad Deegaanka Soomaalida, hase yeeshee, nasiib darro, Dowlad Deegaanku kama soo bixin xilkii ka saarnaa fulinta hawlihii lagu heshiiyay.

JWXO raalli kama aha qaabka ay Dolwad Deegaanku u maamushay barnaamijkii midaynta CJWXO iyo ciidanka ammaanka ee Deeganka, waxayna rumaysan tahay in Dowlad Deegaanku ay hawlaha CJWXO u maamushay qaab ka baxsan heshiiskii labada dhinac dhex-maray, arrintaasina ay khatar ku tahay nabadgaliyada iyo xasiloonida Deegaanka Soomaalida, oo ka soo duudsanaya waxyeellada dagaalladii iyo xasuuqyadii ba’naa ee mudada dheer ka dhacayay. Wixii dhibaato ah ee maamul-xumadaas ka timaadana waxaa masuul ka ah Dowlad Deegaanka Soomaalida iyo dowlada Itoobiya.

Si loo helo xal dhibaatadan lagu furdaamiyo, waxay JWXO codsatay;
In Dolwad Deeganku ay fuliso arrimihii lagu heshiiyay ee ciidammada ku saabsanaa, isla markaana ay kaga dhabayso midaynta CJWXO iyo kuwa ammaanka ee deegaanka, iyadoo raacaysa barnaamijkii arrintaas loo dajiyay.

In baadhis aad u xeel-dheer lagu sameeyo maamul-xumadii dhacday iyo khaladaadka la aaminsan yahay in ay galeen dadkii hawshan maamulayay, isla markaana cadaalada la horkeeno ciddii uu dambi ku soo caddaado.

Dhinaca kale, waxay Dowlad Deegaanku dhawaan shaacisay in hawlaha Jabhadda lagu bixiyay lacag dhan 297 milyan oo Birr. Jabhaddu waxay caddaynaysaa in maamulka lacagtaas ayna shaqo ku lahayn, sidaas darteed waxaan Dowlada ka codsanaynaa in ay faahfaahin ka bixiso qaabka lacagtaas loo maamulay iyo meelaha lagu bixiyay.

Ugu dambayntii, waxay Jabhaddu aad uga xun tahay sida loo maamulay hawlaha CJWXO, waxayna ballanqaadaysaa inayna marna oggolaan doonin in ciidanka loola dhaqmo si aan munaasab ku ahayn, waxayna ka codsanaysaa guud ahaan xubnaha JWXO, gaar ahaan CJWXO in ay ka dhur-sugaan hoggaaminta Jabhadda, kuna kalsoonaadaan in Jabhaddu ay ka shaqaynayso sidii loo sixi lahaa wixii khaldamay ee looga dhabayn lahaa heshiiskii labada dhinac dhex-maray.

Jabhadda Waddaniga Xoraynta Ogaadeenya (JWXO).

April 26th 2019, 9:14 am

Halgame Xasan Macalin Oo Shirkii Qabridahare Lagawaraystay.

Ogaden News Agency

waxaa warbixin dhinacyo badan taaban haysa ka diyaariyay shirkii kalfadhigii golaha dhexe ee Jabahada Wadaniga xoraynta Ogaadeniya (JWXO) tvga Esat.

Warbixinta ayaa lagu sheegay in shirkan ay kasoo qayb galeen ergooyin kala duwan oo isugu jira odayaal dhalinyaro culumaa u diin iyo ergo ka socotay maamulka ku meel gaadhka ah ee Somali State.

warbixinta oo dhamaystiran hoos ka daawo.

ONA.

April 26th 2019, 5:26 am

Wafti uu Horkacaayo Afhayeenka JWXO oo Kulan La Qaatay Qaybaha Kala Duwan ee Bulshada ku Dhaqan Shay

Ogaden News Agency

Madax katirsan Jabhada Wadaniga Xoraynta Ogadenia (JWXO) ayaa saaka Dagmada Shaygoosh kula hadlay dadka shacabka ah ee kudhaqan Dagmada.

Waftigan oo uu hogaaminayay Afhayeenka JWXO Halgame Cabdiqaadir Sh Xassan Hirmooge (Cadaani) ayaa habeenimadii xalay ahayd soogaadhay Dagmada Shaygoosh, waxayna maanta Barqinkii si wayn ula hadleen shacabka Gobonimada jecel ee kudhaqan Dagmada Shaygoosh.

Mudane Hirmooge iyo madaxda socdaalka kuwehelisay ayaa dadka ree Shaygoosh uga sheekeeyay marxalada cusub ee halganku uu galay iyo qorshayaasha Jabhada ee ku aadan geedi socodka halganka.

Sidoo kale madaxda JWXO ayaa booqday Hospital-ka Dagmada iyo Dugsiga Sare ee Dagmada, halkaas oo xaaladooda ay soo indha indheeyeen.

Waftigii JWXO ee Dagmada Shaygoosh ayaa usoo dhaqaaqay dhinaca Magaalada Jigjiga, halkaas oo wufuudii JWXO ay maanta kusii qulqulayaan.

ONA.

April 22nd 2019, 6:34 am
Get it on Google Play تحميل تطبيق نبأ للآندرويد مجانا