Get it on Google Play تحميل تطبيق نبأ للآندرويد مجانا اقرأ على الموقع الرسمي

تصرفات زوجي إلى اين!

منتدى عالم الحياة الزوجية

تصرفات زوجي إلى اين🙂!

السلام عليكم
كأي زوجين عايشين الحمدلله علاقة بإذن الله انها متوازنة او مُتزنة بشكل أصح
مثل ما أنا أحاول أكون زوجة تساعد زوجها، برضو زوجي يحاول معي وجُهد او واجب يُشكر عليه فيه زمن قل فيه الرجال والازواج الحقيقيين

زرجي يميل لستايل معين(اشكال معينه من النساء) واذا طلعنا وتمشينا وسافرنا عادي جدًا يطيل النظر لهُن بكل جرأة
أحاول اني اتجاهل هالشعور(لراحة نفسي اولًا، ولان طبعي رزين بكل امانة) ما افضل ان احد يتكلم معي بهالمواضيع بتاتًا احسه قلة احترام ان احد يقول نزلي عينك او قصري صوتك مثلًا او تستري عدل
فكيف هالتصرف يطلع مني، وثانيًا احب طلعتنا تكون خفيفة لطيفه مافيها نكد وتغزغز ولاتسوي ولاتشوف وكلام فاضي

تعايشت لفترة طويلة وصرت اتجاهل وجوده وانشغل، الي خلاني اكتب، طلعنا سياحة داخلية، وكان فيه فودتركس فيها عدة اكلات من عدة ثقافات وصادف ان وحده من هالتركس فيها عائلة لطيفة ومن التايب الي يحب(اه قلبي)
عمومًا اننا وعلى مدار 3 ايام يوميًا يمر من عندهم ويشتري لو كيسه
اليوم بالذات رحنا لهم مرتين كله عشان يتشكرهم
ياجماعة انقرفت من شعوري صراحة، يعني ما افهم لو انا مكانه وطلعت نفسي بهالشكل وترددت على مكان عشان الي فيه اسألكم بالله موقلة ادب وقلة احترام وذوق؟ شالفايدة يقولي انتي احلى من شافت عيني ومن هالكلام الي مايندرى عن صحته وتجي مقا هالافعال، موب زينة بحقي اقعد اوصف نفسي بس اثق ان عندي الي الشيء الي يخلي غيره ماعاد برفع عينه للسماء بس الظاهر ان طبعهم مللول ويحب التنويع لدرجة ان عدسة عيني يبيني اغيرها، وضحت ان الاحترام والتقدير اهم 60 مرة من الحب بالنسبة لي وانا شخص والله العظيم موعاطفية، واعطيه كامل واجباته غصبن عني لأجل مكانته كزوج ومسؤول، بس الحركات القذرة هذه ترفع لي ضغطي
شلون اعالج وضعي معه؟ صارحته مرتين واتوقع تكفي اني افضل يحترمني فوق كل شعور وموقف
وجرد مايقدم لي هالشيء حتى عيوني ماتغلى عليه، انا لايمكن اقعد مع شخص يثير شعرة الاهانة فيني بهالشكل
حتى الحريم مرات مايناظرونه عشان حركاته ويصيرون يكلموني عشان يخففون حدة الوضع بسببه

شعور مقرف، محد متخيل اني ممكن اعيشه بهالشكل ولا بحياتي توقعت

صرت اكره اشوف وجهه واجلس بالحمام لفترات طويلة عشان اتحاشاه
ولا اقدر ابين هالشيء لانه من النوع الي يحقد ويمسك ويزعل بالشهور وما اقدر اعيش في بيئة متوترة مثل كذا سوا كان منه او من غيره
المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين


jwvthj .,[d Ygn hdk🙂!

January 23rd 2021, 12:06 am
اقرأ على الموقع الرسمي

0 comments
Write a comment
Get it on Google Play تحميل تطبيق نبأ للآندرويد مجانا