كيكه مضبوطه ميه ميه . هديتي لكم
مطبخ أميرة رمادي
السلام عليكم ورحمة الله وبركاته
اللهم بلغنا رمضان
جبت لكم كيكه ياشيخه ان شاء الله انك تدعين لي من بعدها
قولي ليشش
ليشششششششششششش
لاني انا من عشاق الكيك المنزلي العادي
وكل مره احاول الاقي طريقه مقنعه ميه بالميه كل ماسويتها ابغاها نفس الطعم
وجلست فتره طويله اجرب واجرب
الين ماطبيت لكم في وحده الله يسعدها قولو امين
مدري هي مصريه او سعوديه
هي بمنتدى ولا انتسقرام
ناسيه من كثر التجارب لكن والله ماعمري سويت كيك كم مره ويطلع بنفس الطعم
وجميله وهشه
يلا ياكثر قرقرتي المهم اني قدرت بعد جهد جهيد وبالتحري لشهور
جبت لكم هالكيكه ان شاء الله يارب تعجبكم
بس اول شئ حجم الكاسات يكون موحد
وحجم الكاسه هو حجم كاسات المويا الطبيعيه
مو الجبنه الصغيره ولا الكاسات الكبيره
خليك وسط ^_^
يلا
…………………….
المقادير
4 بيضات
كاسه حليب سائل (3ملاعق حليب مجفف مخلوطه بالماء)
نص كاسه زيت
كاسه سكر
ملعقتين بكنج بودر( عاديه .لاممسوحه ولا جبل) ههههه فهمتوني
رشه فانليا ( تقريبا نص ملعقه صغير)
كاستين دقيق منخول
الطريقه..
بالخلاط الكهربائي اخفقي البيض الين ينفش
اضيفي السكر
واخلطي اخلطي مزبوط
اضيفي الحليب واخلطي
والزيت واخلطي
والبكنج بودر
والفانليا
واخلطي اخلطي
وحاولي اذ كان الكهربائي الي باليد اخلطي باتجاه واحد عشان الهواء
بس المهم الكهربائي
وبعدين
استخدمي مضرب او خلاط اليد
وبيدك قلبي وانت تحطين الدقيق المنخول
طبعا يابنات اول شئ التقليب يكون باتجاه واحد
ثاني شئ التقليب يكون دوره ونص
دوره ونص
هههههه افتكر هالحركه من ايام الطفوله ^_^
عادي الي ماتعرف تخليه دوره دوره ههههه
المهم
وكل ما اختفى الدقيق اضيفي
تقريبا على اربع دفعات
ترى ماياخذ وقت لاتطولين بتقليب الكيك من بعد وضع الدقيق انتبهي
ولا تدقدقين الزبديه خليك ناعمه مانبغى الهواء يخرج
وحطيها بالصينيه المدهونه بشويش
وحطيها بالفرن الي مشغلته من قبل ماتبدأين عشان لازم حار
واتركيها على حسب نوع فرنك تستوي من تحت وبعدين من فوق تتحمر
بنات لا تتلقفون كل شوي تفتحون الفرن
انا نوع فرني على 120 لمدة 45 دقيقه من تحت
وبعدين من فوق تتحمر
وبس
يالله هذه الصور
هذه الكيكه العاديه بدون اضافات
هنا دهنت الوجه بنوتيلا وهي ساخنه
هنا عاديه بس زينتها بالشوكلاته
هنا قبل ما احط الدقيق خلطت ملعقه نسكافه ممسوحه معاها
او ممكن تحطين نص ملعقه لانها مره مركزه
نوعية النسكافه حقتي من نستله ^_^
وبس بالعافيه ياحلوات
اديتكم طريقة البنت وبعض من نصائحي في الكيك
لاتنسون
تدعون لمامتي وبابتي بالرحمه والمغفره
ولاتنسون تدعون للي اخذت طريقتها
ولاتنسون تدعون لي كمان
وبس
هذا موضوع من سنين منزلته عن بعض النصائح لطبخ الكيك
http://rmady-2009.blogspot.com/2010/10/blog-post_539.html
في أمان الله
هنا
November 24th 2016, 10:39 am
فطيرة الدجاج من أميرة رمادي
مطبخ أميرة رمادي
السلام عليكم ورحمة الله وبركاته
اهلا بنات كيفكم
هذه الصوره عندي من زمان حاولت اتذكر هي فطيرة تونه او دجاج مو قادره لكن الظاهر انها دجاج
انا قبل كذا زمان نزلت لكم التونه والان بقول لكم الدجاج ان شاء الله تعجبكم
.
اسلقي الدجاجه ونتفيها
قلقليها مع بصل وثوم شوي وبعدين اضيفي الي عندك شوي بس سواء كزبره او بقدونس او كلها عادي
بس لاتكثرين
وحطي بهارات مطحونه بس خفيف واهم شئ الفلفل الاسود والملح
وافردي عجينتك الي تحبينها بطبقه ماتكون تخينه ويكون فيها زوائد من الاطرافه لتغطية الوجه
الدجاج بعد ماتوشحينه شوي قفلي عنه واخلطيه بشوي جبنه كاسات او جبنه شذر عادي بس تكون شوي
وافردي الخلطه بالصينيه فوق طبقة العجينه وبعدين رشي على الوجه كمان جبنه سواء كاسات او شذر
وممكن خلطها
بس لاتكثيرين بس نكهه او الاستغناء عن الاجبان
او ممكن بس تحطينها في الوجه يعني ماتخلطين الدجاج بالاجبان
عموما على حسب ذوقك
المهم
وغطيها من فوق بباقي العجينه وتكون رقيقه اكثر من الي تحت
اكيد فاهميني كلامي والي ماتعرف كيف تتغطى الفطيره من فوق تقدر تشوف طريقتها باليوتيوب
وبعط ماتغطينها وتساوينها
ادهني الوجه ببيضه كامله وبعدين رشي سمسم
وشغلي الفرن من تحت وبعدين من فوق وبالعافيه
ان شاء الله فهمتو شرحي
وهذا الموضوع حق فطيرة التونه القديم
http://rmady-2009.blogspot.com/2013/05/blog-post_11.html
November 24th 2016, 10:39 am
طريقة بطاطس بالجبنه البيضاء والخس يم يم
مطبخ أميرة رمادي
السلام عليكم ورحمة الله وبركاته
هذه طريقه حلوه وبسيطه واكله جانبيه او تنفع تكون عشاء خفيف
المهم
اول شئ سوي بطاطس مشويه في المايكرويف وبعدين قطعيها مربعات
واخلطيها مع خس مقطع
جبنه بيضاء
وفلفل اسود
كمون
وخيار
وممكن كمان اضافة زيت زيتون شوي بس
وبالعافيه
انا احب الجبنه البيضاء مع البطاطس ^_^
بالنسبه لطريقة شوي البطاطس بالمايكرويف
عادي غسليها وحطيها بالمايكرويف الين ماتستوي
وهذه طريقه مفصله على هذا الرابط
http://rmady-2009.blogspot.com/2015/05/blog-post.html
November 24th 2016, 10:39 am
طريقه حلوه لسلطه جميله بالمايونيز من مطبخي
مطبخ أميرة رمادي
السلام عليكم ورحمة الله وبركاته
كنت بسوي سلطه وقربعت الين ماجمعت مكونات وسويت هالسلطه وطلعت مره حلوه
يلا نوريكم الطريقه الحلوه من يداتي
….
اخلطي في زبديه
شوي بقدونس وشوي كزبره مطقعه صغير صغير
خيارتين مقطع صغير صغير
فلفل رومي وحده كبيره كمان صغير صغير
نص كاسه مايونيز
خل ابيض ملعقه صغيره
اعصري نص ليمونه كبيره
رشه ملح و فلفل اسود
وقلبيهم واخلطيهم وقدميهم بالعافيه
بنات طبعا الي ماتبي تقدمها بنفس اللحظه لاتسوي الخلطه السائله من بدري احسن فرش ^_^
وكمان عشان المايونيز يثقل بعدين واحنا نبغاها سائله تجي يم يم
دعواتكم لمن ربياني صغيرا
November 24th 2016, 10:39 am
بطاطس المايكرويف
مطبخ أميرة رمادي
السلام عليكم ورحمة الله وبركاته
اهلا وسهلا
بنات هذه طريقه جميله جدا لشوي البطاطس بالمايكرويف
اول شئ جيبي كم حبه بطاطس وغسليها كويس وحاولي احجامها تكون متساويه عشان تستوي بوقت واحد
وخلي البطاطس زي ماهي بقشرتها
وحطيها بالمايكرويف بدون اضافات
انا اخلي الحجم الوسط مابين 15 دقيقه الى 20 دقيقه
طبعا انت تعرفين انها استوت انك تطعنيها بالشوكه ههههههه
من بعد ماتمر عشر دقائق كل فتره اكشفي عليها
المهم انتبهي عشان ماتنشف لما تستوي زياده بالمايكرويف يعني كل فتره شوفيها
وبعد ماتستوي قطعيها بالطول وحطي عليها قطعة زبده تذوب من الحراره
ورشي فلفل اسود وملح
وكلي بالعافيه
وبس
^_^
November 24th 2016, 10:39 am
دجاج سهل بالطحينه مع رز اصفر
مطبخ أميرة رمادي
السلام عليكم ورحمة الله وبركاته
هذه طريقة بسيطه وطعمها حلو ان شاء الله تعجبكم
اول شئ
اسلقي الدجاجه مع بصله مقطعه قطع كبيره مع ثوم
وملعقه صغيره كركم وشوي ملح وهيل صحيح
وبعد ماتنسلق الدجاجه صفيها هي والبصل وحطيها في صينيه
وادهنيها بخلطه
عباره عن
ملعقتين او ثلاث طحينه
ملعقه زيت زيتون
شوي كمون وملح وفلفل اسود وليمون ناشف مطحون
وبعد دهنها دخليها الفرن تتحمر من تحت وفوق
والمرقه الي سلقتي فيها الدجاج حطي فيها الرز
وبالعافيه
November 24th 2016, 10:39 am
طريقة المقلوبه السريعه بالمايكرويف
مطبخ أميرة رمادي
السلام عليكم
بكتب لكم طريقة المقلوبه السريعه وان شاء الله تفيدكم
بس اول شئ هذا رابط مقلوبة الطبقات مسويتها زمااان
http://rmady-2009.blogspot.com/2010/10/blog-post_3017.html
الان بدخل لكم بالمقادير والطريقه سوا
اول شئ جبت الخضار
بطاطس وبصل وفلفل رومي وجزر
قطعتها حلقات متوسطه
وخلطتها مع زيت الزيتون تقريبا اقل من ربع الصينيه
وحطيتها بالمايكرويف وكل سبع دقائق اقلبها الين ما لانت البطاطس
تقربا عشرين دقيقه
المهم
سويت رز ابيض على جنب ولما استوى
حطيت كركم خفيف على نصه عشان يصير لونين
وسويت في قدر ثاني كشنه بصل وثوم مع الدجاج المقطع وقلبنها
وحطيت بهارات مشكله صحيحه ومطحونه كل الي تحبينه حطيه
ومدري حطيت زنجبيل مبشور او لا بس حطي يطلع حلو
المهم ولما تسبكت حطيت طماطم وشوي وحطيت صلصل
ومويا شوي بس
وخليتها الين ما استوى الدجاج وصارت المويا شبه ناشفه
وجبت قدر ورصيت فيه الخضار بالاول وبعدين خلطت الدجاج
وبعدين حطيت الرز وخليتها تسبك شوي
بدون تقليب
وقلبتها في الصحن وخلاص
بالعافيه
صح لاتنسون الملح هههههه مع الخلطه والرز
وهذا موضوع المايكرويف
http://rmady-2009.blogspot.com/2014/07/blog-post_14.html
دعواتكم
November 24th 2016, 10:39 am
طبخ المايكرويف اسهل واقل دسم
مطبخ أميرة رمادي
السلام عليكم ورحمة الله وبركاته
بنات حبيت اديكم عن طريقه حلوه مجربتها في المايكرويف
بصراحه بعض الاشياء مناسب الطبخ فيها
وخاصه لما يكون المايكرويف حقك اساس مخصص للطبخ والتسخين
اما انا حقي بس للتسخين ومع ذالك اطبخ فيه بعض الشغلات البسيطه
شوفو
لما سويت مقلوبه قبل كم يوم بدال ما اقلي الخضار وتتملى زيت
حطيتها في صينيه قزاز طبعا
كل الخضار وللأمانه ماجربت الباذنجان كيف يطلع
جربت البصل والبطاطس والفلفل الرومي وجزر
وحطيت زيت زيتون بس كثرت شوي تقريبا ربع الصينيه وقلبتها مزبوط
وسخنتها وكل سبع دقائق اقلبها
تقريبا اخذت مني عشرين دقيقه فقط
وعلى فكره اوقات اسوي حركه مره احيبها
اقطع البطاطس دوائر واحطها مع زيت زيتون
واكلها بطاطس مقليه مررررره روعه
بس اخليها عشرين دقيقه واقلب كل فتره
ودايم اسوي بطاطس بهالطريقه تذكرني بأيام زماااااااان سبحان الله
وكمان اوقات استخدم المايكرويف في قلي البيض بس لاتخلينه كثر
ممكن دقيقه تكفي
ومره وحده قالت ان المايكرويف حقها يسوي كب كيك بس لان المايكرويف حقي خاص بالتسخين
مازبط معاي
جربوووو مره حماس صدقوني راح تعجبكم بالذات البطاطس انا من عشاق هالحركه بصراحه
يم يم
حبيت افيدكم بدال ماتجي المقلوبه كلها زيت
^_^ بحفظ الرحمن
November 24th 2016, 10:39 am
تجربتي مع العجينه السائله
مطبخ أميرة رمادي
السلام عليكم ورحمة الله وبركاته
هذه طريقة العجينه السائله
الحلو فيها انها ماتتخمر
وسريع سريع لما تكونين مستعجله او مالك نفس
والعيب الوحيد فيها انها مو متماسكه مره
يعني مثلا لو سويتي بيتزا يصير ماتقدرين تاكلينها غير بالملعقه راح تتفتفت
لكن بصراحه طعمها حلو ومنفوشه وهشه جدااااااااااا عجبتني
المقادير
كوب ونص دقيق ابيض منخول
ربع كوب زيت
ملعقه خمير
كوب وربع مويا
ملعقه بكنج بودر
3 ملاعق حليب بودره
بيضه
رشه ملح
ملعقه صغيره سكر
الطريقه
نخلطها بالخلاط حق العصير ماعدا الدقيق
وبعدين نحط الدقيق ونخلط بنفسنا
ونحطها بالصينيه المدهونه ونحط المكونات الي نبغاها
طبعا المكونات راح تغوص معاك شوي لانها سائله مره
ولو سويتي فيها بيتزا عادي ماراح يتوزع الصوصو ميه بالميه
وحطي المكونات
وطبعا لو كانت بيتزا خلي الجبنه بعد ماتستوي مجرد تحمير
ودخليها الفرن بالعافيه
………………………………
بالنسبه للعجينه الي استخدمها دايم على هذا الرابط
http://rmady-2009.blogspot.com/2012/03/blog-post_2.html
بس ترى انا احب انوع بالعجينه بس اكثر شئ الي على الرابط
^_^
