طريقه حلوه لسلطه جميله بالمايونيز من مطبخي
مطبخ أميرة رمادي
السلام عليكم ورحمة الله وبركاته
كنت بسوي سلطه وقربعت الين ماجمعت مكونات وسويت هالسلطه وطلعت مره حلوه
يلا نوريكم الطريقه الحلوه من يداتي
….
اخلطي في زبديه
شوي بقدونس وشوي كزبره مطقعه صغير صغير
خيارتين مقطع صغير صغير
فلفل رومي وحده كبيره كمان صغير صغير
نص كاسه مايونيز
خل ابيض ملعقه صغيره
اعصري نص ليمونه كبيره
رشه ملح و فلفل اسود
وقلبيهم واخلطيهم وقدميهم بالعافيه
بنات طبعا الي ماتبي تقدمها بنفس اللحظه لاتسوي الخلطه السائله من بدري احسن فرش ^_^
وكمان عشان المايونيز يثقل بعدين واحنا نبغاها سائله تجي يم يم
دعواتكم لمن ربياني صغيرا
